বিয়েৎনামগী নেস্নেল দিফেন্স মন্ত্রী, জেনরেল ফান ভান জিয়াংনা জুন ১৮-১৯, ২০২৩দা ভারত্তা লাক্কদৌরি। ভারত-বিয়েৎনামগী দিফেন্স কোওপরেসন মাংদা পুখৎনবগীদমক জুন ১৯দা নই দিল্লীদা লাক্কদৌরিবা দিগনিতরীনা ঙাকশেল মন্ত্রী শ্রী রাজনাথ সিংহগা বাইলেতরেল মীফম অমা পাঙথোক্কনি। নাকল অনিমক্কী য়াইফনবা রিজনেল অমসুং গ্লোবেলগী ওইবা হীরমশিংগী মতাংদা নাকল অনিমক্না ৱাখল্লোনশিংসু ফোঙদোক্নগনি। বিয়েৎনামগী নেস্নেল দিফেন্স মন্ত্রীনা ভারত্তা মহাক্না লৈরিঙৈদা আগ্রাদা কলচরেল বিজিৎ অমসু চৎকনি।

ভারত অমসুং বিয়েৎনামনা কমপ্রিহেন্সিব স্ত্রেতেজিক পার্তনরশিপ অমা শিয়র তৌরি। বাইলেতরেল দিফেন্সকী মরীশিং অসিনা পার্তনরশিপ অসিগী মরু ওইবা য়ুম্বী অমা ওইরি। সর্ভিসশিংগী মরক্তা পাকচাউরবা কন্তেক্তশিং, মিলিতরী-তু-মিলিতরী একচেঞ্জশিং, অৱাংবা থাক্কী খোঙচৎশিং, কেপাসিতী বিল্দিং অমসুং ত্রেনিং প্রোগ্রামশিং, য়ু.এন. পীকিপিংদা তেংবাং পীনবা, শিপ বিজিৎ অমসুং বাইলেতরেল এক্সর্সাইজশিং য়াওহন্নবা লৈবাক অনিগী মরক্তা ঙাকশেলদা থবক তৌমিন্নবা অসি পাকথোক-চাউথোকহনখি।

জুন ২০২২দা ঙাকশেল মন্ত্রীনা বিয়েৎনামদা চৎখিবা খোঙচৎ অদুদা লৈবাক অনিগী মরক্তা ঙাকশেলদা তেংবাং পীনবগী লম অমসুং পাক চাউবা অসি চাউনা হেনগৎহনখিবা মরু ওইবা ওভরআর্কিং গাইদিং দোক্যুমেন্তশিং মমিং ওইনা পল্লবদা ‘জোইন্ত বিজন স্তেৎমেন্ত ওন ইন্দিয়া-বিয়েৎনাম দিফেন্স পার্তনরশিপ তুৱার্দস ২০৩০’ অমসুং ‘ম্যুচুএল লোজিস্তিক্স সপ্পোর্ত’তা মেমোরেন্দম ওফ অন্দরস্তেন্দিং অমা খুৎয়েক পীনখি।

***