কেন্দ্রগী হকশেল অমসুং য়াইফ-য়ুম্বালগী রাজ্য মন্ত্রী, প্রোফেসর এস.পি. সিং বাঘেলনা ঙসি মফম অসিদা ইন্দিয়ন কাউন্সিল ওফ মেদিকেল রিসর্চ (আই.সি.এম.আর.)গী ইনোভেতিব তি.বি. হেল্থ তেক্নোলোজীজ ৱার্কশোপতা ৱা ঙাংখ্রে। নুমিৎ নিনিগী ৱার্কশোপ অসিগী পান্দমদি তি.বি.বু এসেস তৌনবা ইনোভেতিব হেল্থ তেক্নোলোজিশিংবু পুক্নিং থৌগৎপা অমসুং তি.বি. প্রোগ্রামদা মশিবু শিজিন্নবা ঙমহনবা।  ৱার্কশোপ অসিনা তি.বি. ইনোভেশন হেল্থ তেক্নোলোজীশিংগীদমক্তা শিবরিং প্লেতফোর্ম অমা পীবা, হায়রিবশিং অসি বারানসিদা পাংথোকখিবা স্তোপ তি.বি. সম্মিত্তা উত্থোকখি।

প্রোফেসর সিংনা হায়কি মদুদি “২০২৫ ফাওবদা তি.বি. মুত্থৎনবগী পান্দম অদুনা ইকাইখূম্নরবা প্রধান মন্ত্রী পোলিতিকেল ৱিল অমসুং কমিৎমেন্ত অদুবু ময়েক শেংনা তাক্লি”। “হৌখিবা চহি করা অসিদা ভারত্তা তি.বি.গী কেসশিং অমসুং নোতিফিকেশনশিং য়াম্না হন্থরকখ্রে” হায়না মহাক্না পনখি। ইনোভেশননা মিসন অসিবু মাইপাকহনবদা য়াম্না মরু ওই হায়না পল্লদুনা মআক্না ইনোভেতরশিংদা বাম্না পাকশন্না থাদোকপা য়াবা ক্বালিতী লৈবা প্রোদক্তশিং পুথোক্নবা থৌগৎখি।

মন্ত্রী অসিনা বাম্না মরু ওইনা পনখি মদুদি ইকাইখুম্নরবা প্রধান মন্ত্রী, শ্রী নরেন্দ্র মোদীগী ইচং-থৌবা লুচিং মখাদা “স্বচছ ভারত মিসনগুম্বা কেন্দ্র সরকারগী প্রোগ্রামশিং এগ্রেসিব ওইবা মওংদা ইমপ্লিমেন্ত তৌবনা ঈশিং, অমাং-অসোই অমসুং অরু-অনানগী ইন্দিকেতরশিং য়াম্না শিংথানিংঙাই ওইবা মওংদা ফগৎলকখ্রে, মসিনা তি.বি.গুম্বা লাইনাশিং অসিবু হন্থহনবদশু মতেং পাংলি”। তি.বি. পেসেন্তশিংনা হৌজিক্তি মখোয়গী আয়ুশমান ভারত কার্দশিং অদুগী মতেংনা লাইয়েংবা ফংলগনি হায়নশু মহাক্না খঙহনখি।

দিগ্নিতরিশিং অদুনা ভারতকী হেল্থকিয়রদা লৌখিবা থৌদাংশিং অদুগীদমক্তা মখোয়বু প্রোফেসর এস.পি. বাঘেলনা থাগৎপা ফোংদোকখি অমসুং  মখোয়দা “সরকারগা লোইননা ৱাহন্থোক লৈবা পোলিসীশিং অমসুং প্রোগ্রামশিং শেম্বগী মাইকৈদা থবক তৌমিন্নবদা নত্তনা মসিবু পাকশন্না ইমপ্লিমেন্ত তৌহন্নবা অমসুং ঐখোয়গী ইকাইখুম্নরবা প্রধান মন্ত্রীনা মংখিবা  ২০২৫ ফাওবদা ঐখোয়গী লৈবাক অসিদগী তি.বি. মুত্থৎনবগী  মঙলান অদুবু মঙফাওনহনবা ঙম্নবা থবক তৌগদবনি” হায়না তকশিনখি। মহাক্না আই.সি.এম.আর.কোবিদ লাইচৎ মনুংদা হালেংবা লৈতনা থবক তৌখিবা অমসুং চহি অমা ফাদনা লমদম অসিগী ওইবা ভেক্সিন অমা পুথোকখিবগীদমক্তা মখোয়বু থাগৎপা ফোংদোকখি।

কেন্দ্রগী হকশেল সেক্রেতরী, শ্রী রাজেশ ভুশন্না হায়খি মদুদি তি.বি. মুত্থৎপগী পান্দম অসি ইনোভেশনগী মপালদগী কক্তমক ওইথোকপা ঙমগনি। মহাক্না পনখি মদুদি মসিগী লাইনা অসিবু নমপুং ফানা মুত্থৎনবগীদমক্তা দাইগ্নোসিস, ত্রীৎমেন্ত অমসুং কম্যুনিতীনা শরুক য়াবা য়াম্না মথৌ তাই। তি.বি. মুত্থৎপা হায়বসিদা হোল-ওফ-গোবর্নমেন্ত অমসুং হোল-ওফ-সোসাইতী এপ্রোচ মথৌ তাই হায়নশু মহাক্না য়াম্না মরু ওইনা পনখি।

কেন্দ্রগী হকশেল সেক্রেতরীনা ইনোভেতরশিংদা ইনোভেতিব পাইলোত প্রোদক্তশিং খক্তা নত্তনা প্রোগ্রাম অমা ওইনা শন্দোকপা য়াবা ইনোভেশন পুথোক্নবা হায়জখি। নুমিৎ নিনিগী মথক্তা পাংথোকখিবা খন্ন-নৈনবগী থৌরম অসিনা ভারতকীদমক্তা পাকশন্না থাদোকপা য়াবা ইনোভেতিব প্রোদক্তশিং পুথোরক্কনি হায়না থাজবা থম্লি।

দিপার্তমেন্ত ওফ হেল্থ রিসর্চ (দি.ঐচ.আর.)গী সেক্রেতরী, দা. রাজিৱ বহল অমসুং আই.সি.এম.আর.গী দি.জি.না পনখি মদুদি মখল অমহেক্তগী হেল্থ সোল্যুশন খুদিংমক্তা তেক্নোলোজিকে সোল্যুশন হায়বসি য়াম্নমক তঙাইফদবনি। মহাক্না ভারত্তা ইনোভেতর ময়াম অমা অদুবু রেগুলেতরীগা মরি লৈনবা ৱাফম কয়া অমা অমসুং অপ্রোভল থেংথবন আমরম ওইরগা ইনোভেশনশিং অসিদা অয়াম্বনা পাকশন্না য়ৌবা ঙমদে হায়না হায়খি। মহাক্না য়াম্না মরু ওইনা পনখি মদুদি ৱার্কশোপ অসিগী পান্দমদি অসিগুম্বা শিংনবশিং অসিবু কোকহনবা অমসুং ইনোভেতরশিং অদুদা তি.বি. খক্তা নত্তনা তুংদা লাক্কদবা লাইচৎশিং অদুগীদমক্তশু তেক্নোলোজীগী মতাংদা তঙাইফদবশিং অদুগী মতাংদা ই-পাউশিং খঙহনগদবনি হায়না হায়খি।

দবল্যু.ঐচ.ও.গী হান্নগী চীফ সাইন্তিস্ত ওইরম্বা, দা. সৌম্যা স্বামিনাথন্না হায়খি মদুদি তি.বি. অসি চহি কয়া লিরবা প্রোব্লেম অমনি অদুবু হৌজিক্কী মতম অসিদদি মসিবু মুথৎনবা য়াম্না কন্না মিৎয়েং চংলি, মরমদি মসিনা মরু ওইনা লাইরবশিংগীদমক্তদি য়াম্না চাউরবা পোৎলুম অমা ওইহল্লি। মহাক্না খঙহল্লকখি মদুদি “ভারতনা মসি মাইপাক্না মুথৎপনা মালেম অসিগী ওইনা মুথৎপদা লিশাং শিৎনা মতেং ওইগনি, হায়রিবা অসিমক ঐখোয়না অতোপ্পা লাইনাশিং খুদম ওইনা পোলিয়োদা উখ্রবনি”। “মালেম অসিনা চারত্তা য়েংলি মরমদি ভারতনা হেল্থ কিয়রগী লমদা য়াম্না হোংবা অমসুং ইনোভেশন পুরকই”, হায়না মহাক্না হায়খি। ভারতনা য়াম্না তেনবা মতমদা অচুম্বা ফল পুথোকপা ঙম্বা অফবা মখলগী দাইগ্নোস্তিক তেস্ত অমা পুথোক্নবগী পোতেন্সিয়েল অদুবু থিরি হায়না মহাকনা হায়রকখি।

হকশেল মন্ত্রালয়গী জোইন্ত সেক্রেতরী, দা. অশোক বাবু, দিপার্তমেন্ত ওফ হেল্থ রিসর্চকী জোইন্ত সেক্রেতরী, শ্রীমতি অনু নাগর, চেন্নাইগী নেস্নেল ইনস্তিত্যুত ফোর রিসর্চ ইন তভুবরক্যুলোসিস (এন.আই.আর.তি.)গী দাইরেক্তর দা. পদ্মা প্রিয়াদর্শিনি অমসুং হকশেল মন্ত্রালয়গী সেনিয়র ওফিসিয়েলশিংনা থৌরম অদুদা শরুক য়াখি।

****