লৈবাক অসিদা ঙাক-শেনগী খুৎলায়শিং পুথোকপা মখা তানা ফগৎহন্নবা অমসুং অত্মানির্ভর ভারতকী পান্দম থবক ওইনা পাংথোক্নবা লনাই কাংবুদা মতেং পীনবা জুন ১৫,২০২৩ দা নিউ দিল্লিদা, ৫/৭.৫ তোন রেদিও রিলে কম্মুনিকেসনগী খুৎলায়শিং হাপ্নবা কন্তেন্নর ১,০৩৫ লৈনবা আইকোম তেলি লিমিতেদ, হায়দ্রবাদকা কন্ত্রেক অমা খুৎয়েক পীনখ্রে। কন্ত্রেক অসিগী অপুনবা শেনফম্না চাউরাক্না লুপা করোর ৫০০ রোম্নি। চৎলিবা শেনবা চহি ২০২৩-২৪দগী কন্তেন্নরশিং পীবা হৌরগনি।

রেদিও রিলে কন্তেন্নরশিং অসিনা ভারত লান্মীগী মতম কয়াগী মমাঙদগী ৱাৎতুনা লাক্লবা মোবিল কম্মুনিকেসনগী খুদোংচাদবশিং কোকহনবা ঙম্লগনি। হায়রিবা কন্তেন্নরশিং অসি অশোই-অঙাম লৈতবা ফিবম অমদা কম্মুনিকেসনগী খুৎলায়শিং ঙাকথোক্নবা শীজিন্নগনি। অয়াবা পীরিবা অখন্নবা গারিশিংদা কন্তেন্নরশিং থমগনি অমসুং দরকারগী মতুং ইন্না চৎথোক-চৎশিন তৌগনি।

কম্পেনিনা খুৎলায়শিং অমসুং লৈবাক অসিগী অতৈ মেনুফেকচররশিংগী সব-সিস্তেমশিংগা লোয়ন্না কন্তেন্নরশিং পুথোক্কনি। মসিনা লৈবাক অসিদা ঙাক-শেনগী খুৎলায়শিং পুথোকপা মখা তানা পুক্নিং থৌগৎকনি অমসুং অত্মানির্ভর ভারতকী মঙলান মঙফাউন্নবা প্রাইভেদ সেক্তর মপুংফানা শীজিন্নগনি। অসিগুম্বা অৱাংবা থাক্কী অনৌবা খুৎলায়শিং পুথোকপা অসিনা মরুপ-মপাং ওইবা লৈবাকশিংদা য়োনবা হেনগৎহনবদা মতেং পাংগনি।

****