سائنس وٹیکنالوجی کے وزیر مملکت (آزادانہ چارج)، وزیر اعظم کے دفتر، عملے، عوامی شکایت، پنشن ، ایٹمی توانائی اور خلاء کے وزیر مملکت ڈاکٹر جتندر سنگھ نے آج جموں کے انڈین انسٹی ٹیوٹ آف مینجمنٹ (آئی آئی ایم)کے سالانہ تقسیم اسناد کی تقریب سے خطاب کرتے ہوئے کہا کہ اسٹارٹ –اَپس کو بنائے رکھنے کے لئے مینجمنٹ حکمت عملیاں انتہائی اہم ہے اور بتایا کہ اروما مشن (لیونڈر کی کھیتی)کی جائے پیدائش ہونے کے ناطے جموں وکشمیر کو ہندوستان میں زرعی –تکنیکی اسٹارٹ اپ تحریک کے مشعل بردار کے طورپر تسلیم کیا جارہا ہے۔انہوں نے کہا کہ آنے والے برسوں میں ہندوستان کی معیشت میں قدر کااضافہ شمال میں ہمالیائی اور جنوب میں اُن سمندری وسائل کے ذریعے کیا جائے گا، جن کا اب تک بہتر استعمال نہیں ہوا ہے۔

ڈاکٹر جتندر سنگھ نے کہا کہ یہ اختراعات کا عہد ہے، سوچ اور نظریے کا عہد ہے۔ وزیر اعظم جناب نریندر مودی کی قیادت میں سرکار نظریات اور اختراعات کو بڑھانے اور بنائے رکھنے کے لئے ہر طرح کی تکنیکی اور مالی مدد فراہم کررہی ہے۔

انہوں نے کہا کہ ہندوستان آج ایک لاکھ سے زیادہ اسٹارٹ-اَپس اور 100 سے زیادہ یونیکارن کے ساتھ دنیا میں اسٹارٹ-اَپ ایکو سسٹم کی قیادت کررہاہے۔ موجودہ وقت میں سرکاری روزگار کی ذہنیت میں فوری تبدیلی کی ضرورت ہے اور والدین اس میں اہم رول ادا کرسکتے ہیں۔

ڈاکٹر جتندر سنگھ نے کہا کہ اسٹارٹ-اَپس کے سب سے زیادہ استحکام آئی آئی ایم جموں جیسے اداروں سے آج گریجویٹ کرنے والے مینجمنٹ کے طلباء کے ساتھ جڑا ہوا ہے، جو ہندوستان میں اسٹارٹ-اَپ انقلاب میں تعاون دے سکتے ہیں۔

قومی تعلیمی پالیسی کو ہندوستان میں تعلیم کی بنیاد قرار دیتے ہوئے ڈاکٹر جتندر سنگھ نے کہا کہ آج کے طلباء قومی تعلیمی پالیسی 2020 کے استفادہ کنندہ ہیں، جو اسکولی تعلیم کی تمام سطحوں پر وسیع رسائی کو یقینی بناتی ہے اور اسے بہت پہلے ہی کرلیا جانا چاہئے تھا۔

ڈاکٹر جتندر سنگھ نے یہ بھی کہا کہ پرانی تعلیمی پالیسی نے ملک میں تعلیم یافتہ بے روزگار نوجوانوں کو پیدا کیا، لیکن وزیر اوعظم جناب نریندر مودی کی قیادت میں این ای پی-2020 ماضی کی کئی تضادات کو دور کرے گی۔

ڈاکٹر جتندر سنگھ نے کہا کہ مکالمے کی عدم موجودگی کی صورتحال(سائیلو)میں کام کرنے کا عہد ختم ہوگیا ہے اور اداروں کے درمیان زیادہ انضمام کی ضرورت ہے۔ 2023 کے نوجوان انڈیا @2047کی تفسیر کریں گے۔جن کے پاس چیلنج اور مواقع دونوں ہی دستیاب ہیں اور جو دنیا کی اعلیٰ ترین معیشتوں کو پیچھے چھوڑتے ہوئے انڈیا @2047کی تعمیر میں تعاون دے سکتے ہیں۔

************

ش ح۔ج ق۔ن ع

(U: 6213)