য়ুনিয়ন ওম অমসুং কোওপরেশন মিনিস্তর, শ্রী অমিত শাহনা ঙসি ভীদিও কনফরেন্সিংগী খুত্থাংদা সাইক্লোন “বিপর্জোয়”গীদমক্তা চেকশিং-থৌরাংশিং অদু য়েংশিন্নবা মীফম অমা পাংথোকখ্রে। গুজরাতকী মুখ্য মন্ত্রী, শ্রী ভুপেন্দ্র পতেল, য়ুনিয়ন মিনিস্তর, শ্রী মন্সুখ মান্দৱিয়া অমসুং শ্রী পর্শোত্তম রুপালা, গুজরাত সরকারগী মিনিস্তর কয়া অমা, এম.পি.শিং, এম.এল.এ.শিং, চীফ সেক্রেতরী অমসুং দিস্ত্রিক্ত মেজিস্ত্রেতশিংনা মীফম অদুদা ভর্চুৱল ওইনা শরুক য়াখি। য়ুনিয়ন ওম সেক্রেতরী, ইন্দিয়া মেত্যোরোলোজিকেল দিপার্তমেন্ত (আই.এম.দি.)গী দাইরেক্তর জেনরেল, নেস্নেল দিজাস্তর মেনেজমেন্ত ওথোরিতী (এন.দি.এম.এ.)গী মেম্বর সেক্রেতরী অমসুং হোম এফিবর্স মন্ত্রালয়গী সেনিয়র ওফিসিয়েলশিংনা মীফম অদুদা শরুক য়াখি।

আই.এম.দি.গী দাইরেক্তর জেনরেলনা য়ুনিয়না হোম মিনিস্তরদা এস্তসে্ত্রেল অরাবিয়ন সী মথক্তা য়াম্না কনবা সাইক্লোনিক স্তোর্ম ‘বিপর্জোয়’গী হৌজিক হৌজিক ওইরিবা ফিভম অদুগি মতাংদা কঙহনখি। মহাক্না হায়খি মদুদি ১৪শুবগী অয়ুক্তা অৱাং পাংনা চৎখিবা য়াই, অদুগা অৱাং-অৱাংনোংপোক পাংনা অমসুং সৌরাস্ত্র অমসুং কচ ফাওদুনা জুন ১৫গী নুংথিল ফাওবদা জাখাউ পো্রত (গুজরাত) মনাক্তা মনা্দৱি (গুজরাত) অমসুং করাচি (পাকিস্তান) মরক্তা লৈবা থংনরিবা পাকিস্তান কোস্তশিংদা পুং অমদা কি.মি ১২৫-১৩৫ চাংদগীনা পুং অমদা কি.মি. ১৫০ হুম্বা ৱিন্দ স্পীদকা লোইনা য়াম্না কনবা সাইক্লোনিক স্তোর্ম অমা ওইনা লাক্লবা য়াই।

গুজরাতকী মুখ্য মন্ত্রি, শ্রী ভুপেন্দ্র পতেলনা য়ুনিয়ন হোম মিনিস্তরতা সাইক্লোনিক স্তোর্মনা লাক্কনি হায়না থাজবা লম্বি মপা তারিবা মীশিং অদুবু ঙাক-শেন্নবা লোকেল এদমিনিস্ত্রেশন্না লৌখৎলিবা চেকশিন-থৌরাং অমসুং পাম্বৈশিং অদুগী মতাংদা খঙহনখ্রে।  মহক্না হায়খি মদুদি ঙামীশিংদা সমুদ্র চত্থোকতনবা হায়খ্রে অমসুং সমুদ্রদা লৈরম্বশিং অদুবুনা খোংবান্দা খামহনখ্রে। হৌজিক ফাওবদা পুন্না হি ২১,৫৯৫, জহাজ ২৭ অমসুং অচোবা জহাজ ২৪ খামহনখ্রে। ইভাক্যুৱেশন তৌনবগীদমক্তা খুদোংথিনিংঙাই ওইগদবা খুঙ্গংশিংগি লিস্ত অমা শেমখ্রে। শ্রী পতেলনা খঙহল্লকখি মদুদি নোংলৈ-নুংশিৎ অসিনা শোকহনবা য়াবা মফমশিংদা হোসপিতাল ৪৫০ মশক কঙদোকখ্রে অমসুং তঙাইফদনা চংবা হিদাক-লাংথকশিংগী সপ্লাই মতিক চানা থমখ্রে। শেল্তরশিং মতিক চানা শিনখ্রে অমসুং পাৱর সপ্লাই লৈ্ন্নবা তীম ৫৯৭ ধাদোকখ্রে। এন.দি.আর.এফ.কী তীম ১৮ অমসুং এস.দি.আর.এফ.কী তীম ১২শু থাদোকখ্রে।  

য়ুনিয়ন হোম মিনিস্তরনা হায়খি মদুদি ঐখোয়গী পান্দম অসি ‘জিরো কেজ্যুৱেল্তী’ অমসুং সাইক্লোনিক স্তোর্ম “বিপর্জোয়”না থোকহনবা য়াবা অমাং-অতা অদু হন্থহনবনি। মহাক্না হাহাহয়খি মদুদি প্রধান মন্ত্রী, শ্রী নরেন্দ্র মোদীনা জুনগী ১২দা ময়াই তাংবল লৌদুনা পাংথোকখিবা রিভ্যু তৌবগী মীফম অদুদা মহাক্না পীখিবা মরু ওইবা লমজিং-লমতাকশিং অদুবু খোংলৈ থুনা পাংথোকপা তঙাইফদে।  

শ্রী অমিত শাহনা হায়খি মদুদি সেন্তরনা রিলীফ অমসুং রেস্ক্যু ওপরেশনশিংগীমদক্তা এন.দি.আর.এফ.কি তীমশিং মতিক চানা থাদোকখ্রে, মথৌ তাবগী মতুং ইন্না মতেং পাংনবা য়ুনিৎশিং অমসুং আর্মীগী এসেতশিং, নেভী, এয়র ফোর্স অমসুং কোস্ত গার্দ দিপ্লোই তৌখ্রে। হোম এফিয়র্স মন্ত্রালয় অমসুং রাজ্য সরকারগি কন্ত্রোল রুমনা পুং ২৪ ফিভম অদুবু বেংশিল্লি অমসুং ভারত সরকারগী এজেন্সী পুম্নমক্না ইমর্জেন্সী ওইবা ফিভম অমহেক্তগা মায়োক্ননবা নিংথিনা শেম-শাদুনা লৈরে হায়না মহাক্না হায়খি। শ্রী শাহনা গুজরাতকী সরকারদা পাংবা ঙম্বা মতেং পুম্নমক পাংগদনি হায়না থাজবা পীরকখ্রে।

য়ুনিয়ন হোম মিনিস্তরনা গুজরাত সরকারদা খুদোংথিনিংঙাই ওইবা মফমশিংদা লৈরিবা মীশিংবু হেন্না ফবা অসোই-অঙাম য়াওরোইদবা মফমশিংদা হোংদোক্নবা এরেঞ্জমেন্তশিং তৌনবা অমসুং তঙাইফদনা চংবা মরু ওইবা সর্বিসশিং খুদম ওইনা ইলেক্ত্রিসিতী, তেলিকম্যুনিকেশন, হেল্থ, থক্নবা ঈশিং ফংহন্নবা হায়খ্রে। ঐখোয়না লৌখৎলিবা চেকশিন-থৌরাংশিং অসিনা করিগুম্বা অমাং-অতা থোক্তুনা য়াদবা থোক্লবশু খুদক্তা অমুক য়াহনবা ঙম্বা ওইগদবনি। শ্রী শাহনা মোবাইল অমসুং লেন্দলাইন কেনক্তিবিতী লৈহন্নবা অমসুং হোসপিতালশিংদা ইলেক্ত্রিসিতী ফংহন্নবগীদমক্তা অতোপ্পা এরেঞ্জমেন্তশিং তৌনবা খঙহল্লখ্রে। হোম মিনিস্তরনা হায়খি মদুদি নোংলৈ-নুংশিৎ অসিনা নোং ইঞ্চি ৮-১০ ফাওবগী চাংদা চুরগনি হায়না থাজনরি, মসিনা মরম ওইরগা কচ অমসুং সৌরাস্ত্রদা ইশিং-ঈচাউ থোকহনবা য়াই। মহাক্না মসিগী মতাংদা লোখৎলিবা চেকশিন-থৌরাংশিং অদুবু অমুক হন্না য়েংশিন্নবগী তঙাইফদবা অদুগী মতাংদা মরু ওইনা পনখি।  শ্রী শাহনা সোম্নাথ অমসুং দ্বার্কা তেম্পলগী অকোইবদা মথৌ তাবা থৌরাংশিং পাংখৎনবশু হায়খি। প্রধান মন্ত্রীনা পীরকপা লমজিং-লমতাক্কী মতুং ইন্না গির ফোরেস্ততা লৈরিবা শা-শলশিং অমসুং উ-ৱাশিংদশু অসোই-অঙাম য়াওহন্দনবা চেকশিন-থৌরাংশিং লৌখৎকদবনি হায়না হায়খি।

শ্রী অমিত শাহনা গুজরাতকী এম.পি.শিং অমসুং এম.এল.এ.শিংনা মখোয়গী মশা-মশাগী এরিয়াশিংদা সাইক্লোন অসিগী খুদোংথিবশিং অদুগী মতাংদা মীয়ামদা খঙহন্নবা অমসুং মতেং পাংনবা হায়খ্রে।

***