কেন্দ্রনা মনিপুর সরকারদা মতম চুপ্পা রাজ্য অসিগী তোঙান-তোঙানবা মফমশিংদা চাননবা হৱাই-চেংৱাইশিংগী স্তোক মরাং কাইনা লৈহন্নবা মপুং ফানা মতেং পাংগনি হায়ান থাজবা পীরকখ্রে অমসুং এন.এফ.এস.এ. বেনিফিসরীশিংনা মখোয়দা থুংফম থোকপা শরুক অদু চাং নাইনা ফংলগনি।

দি.এফ.পি.দি.গী সেক্রেতরী, শ্রী রাজীৱ চোপ্রানা মনিপুরদা হন্দক ওইরক্লিবা লো অমসুং ওর্দরগী ফিভম অসি য়েংলগা এন.এফ.এস.এ.গী ফংশনিং য়েংশিন্নবা ঙসি ইম্ফালদা চৎখ্রে।  মহাক্কী খোংচৎ অসিদা, দি.এফ.পি.দি. সেক্রেতরীনা মনিপুর সরকারগী কঞ্জুমর এফিয়্রস, ফুদ আমসুং পব্লিক দিস্ত্রিব্যুশন (সি.এ.এফ.পি.দি.)গী মন্ত্রী, শ্রী এল. সুসিন্দ্রো মৈতৈ অমসুং চীফ সেক্রেতরী, শ্রী ভিনীত জোশিগা উনখি। কেন্দ্রনা হৌজিক ওইরিবা লো অমসুং ওর্দরগী ফিভম অসি য়েংলগা মনিপুর রাজ্যগী সরকারদা নন-এন.এফ.এস.এ. বেনিফিসরিশিংদা থা অহুমগীদমক্তা – ২০২৩গী জুনদগী ২০২৩গী ওগস্ত ফাওবগী অহেনবা চেং মেত্রিক তন ৩০,০০০ কাইথোকখ্রে।

হৌজিকমক্কী ওইনা, দিপোত ৯দা লৈরিবা স্তোক্কী ফিভম অসি মেত্রিক তন ৩০৬০০নি, হায়রিবা মশিং অসি থা অমগী কাইথোক্লিবা অপুনবা মশিং, এন.এফ.এস.এ.গী মখাদা মেত্রিক তন ১২০০০ অমসুং নন-এন.এফ.এস.এ.গী মখাদা মেত্রিক তন ৬৫০০ অদুগা চাংদম্নবদা য়াম্না হেল্লি।

মসিগী মথক্তা, দিপার্তমেন্ত অসিনা মনিপুর রাজ্যদা দিমাপুর, সিলচর অমসুং বাইরবিগুম্বা রুতশিং অসিগী খুত্থাংদা হৱাই-চেংবাইশিং কোম্না অমসুং অথিংবা অপনবা অমত্তা লৈহন্দনা য়ৌহন্নবা অহেনবা রুতশিং য়েংলি অমসুং ২০২৩গী জুন লোইশিল্লকপা ফাওবদা রাজ্য অসিদা পুন্না চেং মেত্রিক তন ২৫৫০০ থাজিল্লগনি। পারিবা স্তোক্কী ফিভম অসিনা লাক্কদবা থাশিংদা মথৌ তাবশিং অদু মরাং কাইনা ফংহনবা ঙম্লগনি।  রাজ্য অসিগী অমত্তদা হৱাই-চেংৱাইশিংগী অৱাৎপা অমত্তা লৈহন্দনবা স্তোকশিং লেপ্তনা থাজিল্লগনি।

*****