দিপার্তমেন্ত ওফ তেলিকম্ম্যুনিকেসন্স (দি.ও.তি.), দিল্লী এল.এস.এ.না ঙসি অজাদী কা অমৃৎ মহোৎসব থৌরমগী মনুং চন্না ইলেক্ত্রোমেগ্নেতিক ফীল্দ (ই.এম.এফ.) এৱ্যারনেস প্রোগ্রাম অমা পাঙথোকখ্রে‍।

ৱেবিনার অদুদা, দি.ও.তি. দিল্লী এল.এস.এ.না ই.এঢ়.এফ. রেদিএসনগী তোঙান তোঙানবা মশক মওংশিংগী মতাঙদা ৱাফম কয়া থমখি অমদি মোবাইল তৱারদগী থাদোরকপা ই.এম.এফ.না হকচাঙদা মাঙনিংঙাই ওইবা ফীভম কয়া পুরকই হায়না লান্না থাজনরিবা অমদি মসিগা মরী লৈনবা ৱাহংশিংসু মেদিকেল এক্সপর্ত, দোক্তর বিবেক তন্দোন, প্রোফেসর (ন্যুরোসর্জরী), ওল ইন্দিয়া ইন্সতিত্যুৎ ওফ মেদিকেল সাইন্সেস, নই দিল্লীনা শেংদোকখি‍।

মোবাইল তৱার অমদি মোবাইল হেন্দসেত্তগী থাদোরক্লিবা ই.এম.এপ. রেদিএসন অসি আর.এফ./ইলেক্ত্রোমেগ্নেতিক ইনর্জীনি অমদি মখোয়সি ইনর্জী য়াম্না নেম্বা নন-আইওনাইজিং ওইবা রেদিএসন্নি‍। সাইন্তিফিক খুদম চাংদমশিং, থিজিন হুমজিনবা অমদি ফংলিবা রিপোর্তশিংদা য়ুম্ফম ওইরগা মোবাইল তৱারদগী ই.এম.এফ. থাদোরকপনা পী হায়রিবা খুদোংথিবশিং অদুগী মতাঙদা চপ চাবা খুদম চাংদম অমত্তা লৈতে‍। মখা তানা, ইন্তরনেস্নেল কম্মিসন ওন-নন-আইওনাইজিং রেদিএসন প্রোতেক্সন (আই.সি.এন.আই.আর.পি.) পীবা অমদি ৱর্ল্দ হেল্থ ওর্গনাইজেসন (দব্লিউ.ঐচ.ও.)না রিকম্মেন্দ তৌবা শাফগদবা লিমিৎকী মখাদা লৈরিবা, মোবাইল তৱারদগী থাদোরকপা ই.এম.এফ. রেদিএসন অসি হকশেলদা অমাঙ অতা থোকহল্লি হায়বগী থাজনিংঙাই ওইবা সাইন্তিফিক খুদম চাংদম অমত্তা লৈতে‍।

দিপার্তমেন্ত ওফ তেলিকম্ম্যুনিকেসন (দি.ও.তি.)না, মাগী ফীল্দ য়ুনিৎশিংগী খুত্থাঙদা মোবাইল তৱারশিংদগী থাদোরকপা ই.এম.এফ. রেদিএসন্দগী শাফনা লৈনবগীদমক মাঙজৌননা লৌখৎফম থোকপা খোঙথাংশিং লৌখৎখ্রে অমদি হেন্না চেকশিনবা কাঙলোনশিং পায়খৎখ্রে‍। দি.ও.তি.না পায়খৎলিবা রেদিএসনগী পথাপ অসি দব্লিউ.ঐচ.ও.না রিকম্মেন্দ তৌদুনা আই.সি.এন.আই.আর.পি.না পীরিবা পথাপ্তগী শরুক ১০ হেন্না চেকশিনবা পথাপ্নি‍। মোবাইল তৱার রেদিএসনগী মতাঙদা ঈ-পাউ পুম্নমক মীয়ামগী মফমদা দি.ও.তি.গী ৱেবসাইত্তা ফংহল্লি: https://dot.gov.in/journey-emf

দি.ও.তি. অমদি তেলিকোম সর্ভিস প্রোভাইদর (তি.এস.পি.) শিংনা মোবাইল তৱার/বেজ ত্রান্সীভর স্তেসন (বি.তি.এস.)শিংগী ই.এম.এফ. কম্প্লাইএন্স সেফ লিমিত্তা লৈহন্নবা তোঙান তোঙানবা থৌরাংশিং পায়খৎলি‍।

১. তেলিকোম সর্ভিস প্রোভাইদরশিংনা মোবাইল তৱার (বি.তি.এস.)শিংদগী থাদোরক্লিবা রেদিএসন দি.ও.তি.না পীরিবা সেফ-লিমিৎকী মনুংদা লৈহন্নবা হোৎনরি অমদি হীরম অসিগী মতাঙদা সেল্ফ-সর্তিফিকেসন মরী লৈনবা দি.ও.তি., ফীল্দ য়ুনিৎশিংদা অহানবা হৌদোকপা মতম, অহোংবা হেক লাকপা খুদিংগী অমদি চহি অনি.অহুম খুদিংগী থাগৎলি‍। মোবাইল তৱার পুম্নমক সেল্ফ-সর্তিফিকেসন থাগৎলবা মতুংদখক্তদা কম্মর্সিএল ওইনা মথৌ তৌবা হৌই‍।

২. মথৌ তৌরিবা মোবাইল তৱারশিংগী রেদিএসন চাংয়েং তৌবগী থবকশিং দি.ও.তি. দিল্লীগী ফীল্দ য়ুনিৎশিংনা চাং নাইনা সেম্পল বেসিস্তা হায়বদি চহিদা অপুনবা মথৌ তৌরিবা মোবাইল তৱারগী ৫%দা পাঙথোক্লি‍।

৩. দিপার্তমেন্ত ওফ তেলিকোম (দি.ও.তি.), কম্ম্যুনিকেসন মন্ত্রালয়গী মোবাইল তৱার অমদি ই.এম.এফ. ইমিসন কম্প্লাইএন্সগী ইন্ফোর্মেসন শেয়র তৌননবা ৱেব পোর্তেল অমসি লৈ‍। পোর্তেল অসি www.tarangsanchar.gov.in. দা চঙলগা য়েংবা য়াগনি‍। ই.এম.এফ. পোর্তেল অসিনা মফম অমা হেক্তগী অকোয়বদা লৈরিবা মোবাইল তৱারশিং য়েংবা য়ানবগীদমক মেপতা য়ুম্ফম ওইবা লায়না থিবগী ফীচর হাপ্লবা মীয়ামগী ইন্তরফেস অমা পীরি‍। বতন অমা নমদুনা, মোবাইল তৱারশিংগী ই.এম.এপ. কম্প্লাইএন্স স্তেতসকী ইন্ফোর্মেসন ফংবা য়াগনি‍। মসিগী মথক্তা, মীওই অমা হেক্তনা ওনলাইন্দা লুপা ৪০০০গী ফী থিরগা মাগী ময়ুমদা ই.এম.এফ. ওনবা য়াগনি‍।

ৱেবিনার অদুনা মী পুম্নমক্তা হেন্না ফবা সর্ভিস অমদি নেৎৱর্ক কভরেজ ফংহন্নবা মোবাইল তৱার অমদি তেলিকম্ম্যুনিকেসন ইনফ্রাস্ত্রকচরশিং শেমগৎপদা খোঙলৌ পল্লৌবা অমত্তা লৈহন্দনবা ই.এম.এফ. রেদিএসন অমদি মসিনা হকশেলদা শোকহল্লি হায়বগী মতাঙদা লান্না থাজনরিবশিং অসিগা মরী লৈননা মীয়ামগী মীহুৎ, লৈঙাক্কী দিপার্তমেন্ত/এজেন্সীশিং, আর.দব্লিউ.এ., সি.এস.ও., অর্বান লোকেল বোদিজ/ম্যুনিসিপালিতিজ অমদি মীচম মীয়াম য়াওনা তোঙান তোঙানবা স্তেকহোল্দরশিংগী মরক্তা লৈরিবা চিংনবশিং কোকহনবদা মরুওইবা মীৎয়েঙ থমখি‍।

***********