কেন্দ্রগী পোর্তস, শিপ্পিং, অমসুং ৱাতরৱেজ অমসুং আয়ুশকী মন্ত্রী, শ্রী সর্বানন্দা সোনোৱালনাসাইক্লোন বিপর্জোয়দগী থোক্লক্কদবা অমাং-অতাশিং অদুবু য়ারিবমখৈ হন্থহন্নবা লৌখৎলিবা চেকশিন-থৌরাংশিং অদুবু য়েংশিন্নবা কেন্দ্র সরকারগী সেনিবর ওফিসিয়েলশিং অমসুং গুজরাত সরকারগা লোইননা  মীফম অমা পাংথোকখ্রে। “য়াম্না কনবা সাইক্লোনিক স্তোর্ম” অমনি হায়না হায়রিবা সাইক্লোন অসিনা হয়েং গুজরাতকী সমুদ্র খোংবান লানশিল্লক্লগনি।

থৌরম অদুদা ৱা ঙাংলদুনা, শ্রী সোনোৱালনা হায়খি “ঐখোয়না ওইরকপা য়াবা ফিভম খুদিংমক্কীদমক্তা শেম-শাদুনা লৈগদবনি, মরমদি মসি হৌজিক মতম অসিদা ভারত্তা শোকহনগদবা বাম্না শাথিবা মহৌশাগী ওইবা খুদোংথিবশিংগী মনুংদা অমনি। ঐখোয়না পোৎচৈ মাল-চাংনচিংবদা অমাং-অতা থোকপা হন্থহন্নবা খোংথাং কয়া অমা লৌখৎলি অমসুং মীশিংদা অসোই-অঙাম য়াওহন্দনবা লৌখৎপা য়াবা খোংধাং পুম্নমক লোখৎলি। সমুদ্র কোংবানগী মফমশিংদা লৈরিবা ঐখোয়গী মীশিংবু অসোই-অঙাম য়াওরৌইদবা মফমশিংদা পুথোরকখ্রে অমসুং সাইক্লোন অসিগী মতুংদা শোকহল্লবা মীশিংগী লৈফম-চাফম পীনবা মথৌতাবা পাম্বৈশিং লৌখৎখ্রে। ইমর্জেন্সী কিয়র, মেদিকেল কিয়রগা লোইন-লোইননা শেল্তরশিং অসিদা লেরিবা অঙাং-নুপিশিং য়াওনা তঙাইফদনা মথৌতাবশিংগীদমক্তা ন্যুত্রিস্নেল কিয়র পুম্নমক পীনবা তঙাইফদবা কোংথাংশিং লৌখৎখ্রে। এখোয়না শোকহল্লবা মফমশিং অদুদা অচৌবা জহাজশিংগ অসোই-অঙাম য়াওদনবা লৌখৎলিবা চেকশিন-থৌরাংশিং অদুবুশু য়েংশিনখ্রে। ঐখোয়না মীয়ামগী অসোই-অঙাম য়াওদনবা অমসুং পোৎচৈ, মাল-চাংচিংবশিংদা অমাং-অতা হন্থহন্নবা মখল কুদিংমক্কী মতেং পীনবগীদমক্তা মথৌতাবা  কোংথাংশিং লৌখৎনবা গ্রোউন্দদা লেরিবা তীম অদুবু য়াম্না চেকশিন্না মীহুম-নাহুম চেৎনা লৈহন্দুনা পাঈকৎলিবা থবক-থৌওংশিং অদুবু লেপ্তনা য়েংশিল্লি।”

ওফিসিয়েলশিং অদুগী মরক্তা, মীফম অদুদা কন্দলা পোর্ত ওথোরিতী, শিপ্পিংগী দাইরেক্তর জেনরেল, মর্চেন্তাইল মেরিন দিপার্তমেন্ত, গুজরাত স্তেত এদমিনিস্ত্রেশনগী চীফ সেক্রেতরীনা লুচিংবা সেনিয়র ওফিসিয়েলশিং, দিজাস্তর মেনেজমেন্ত তীমগা লৌইননা দীন দয়াল পোর্ত ওথোরিতী, গুজরাত সরকারনা শেম্বা দিজাস্তর মেনেজমেন্ত তীমগা লোইননা গুজরাত মেরিতাইম দিপার্তমেন্তনা শরুক য়াখি।

খঙজিনগদবা অমনা কন্দলা পোর্ত ওথোরিতীনা গান্ধিধামদা মতম অসিগী ওইবা অনৌবা মখলগী কম্যুনিকেশন তুলশিং য়াওরবা কন্ত্রোল রুম অহুম থমখ্রে, মখোয়না জুন ১১দী পুং ২৪ থবক তৌরি। পব্লিক এৱেবরনেস কেমপেন অমশু চত্থরি অমসুং মথৌতাবা এদভাইজরিশিংশু এসোসিয়েশনশিং, ওথোরিতীশিংদা ইশু তৌখ্রে। প্রতকী মফমশিংদা অমসুং মসিগি অকোইবদা লৈরিবা অনেম্বা মফমশিংদা লৈরিবা মী ৩,০০০ রোম লৌথোকখ্রে অমসুং রিলীফ শেল্তরশিংদা হোংদোকখ্রে। মী ৫০০০দগীনা ৬০০০ ফাওবা থম্বা য়াবা রেস্ত শেল্তরশিং কোপালপুরি কোলোনীদা থমখ্রে। তঙাইফদবা পোৎলমশিং খুদম ওইনা থক্নবা ঈশিং, অচা-অথকশিংগী পেকেত, মেদিকেল সপোর্তনচিংবা শিনখ্রে অমসুং শেল্তরশিং অসিদা থমখ্রে। পোর্ত হোসপিতালশিংদগী দোক্তরশিংবু য়েংশিনবগী মথৌতাবশিং অদুবু য়েংননবা দেপ্যুত তৌখ্রে।

পোচৈ, মাল-চাংদা অমাং-অতা কাহেন্না থোকহন্দনবা জহাজশিংবু মনুং লোমদা পুশিল্লকপগা লোইন-লোইননা কামদুনা থম্বা জহাজশিংবুশু গল্ফ ওফ কচতাগী থৌদোকহনখ্রে।  হিংথাংফমশিংদগী লৈমহৌরিবা জহাজশিং অদুবু লৌথোকপগী থবকশু লোইশিনখ্রে। জহাজশিং অদুবু হিংধাংফমশিংদগী লৌথৌক্লবা মতুংদা ক্রেনশিংবুশু নিংথিনা ফাজিনখ্রে। অৱাংবা মাস্ত লাই্তিং তাৱরশিংশু অমমমতা ওইনা নেমথহনখ্রে। স্তীল ফ্লোতিং দ্রাই দোকশু ফাজিনখ্রে অমসুং মনুংদা থবক তৌরিবা অদুশু লেপহনখ্রে। কন্দলা অমসুং ৱাদিনার হার্বরদা পোর্ত ক্রাফ পুম্নমক অমসুং অতোপ্পা ক্রাফশিং অদুবু বাম্না থুনা নোতিস থোক্তুনা স্তেন্দবাইদা থমখ্রে।

রিভ্যু তৌবগী মীফম অদুদা, কেন্দ্রগী মন্ত্রী অদুনা শোক্কদবা মফমশিং অদুদা জহাজতা লৈরিবা মীশিংগী পুন্সি মাংবা অমসুং পোৎচৈ, মাল-চাংনচিংবশিং অমত্তা অমাং-অতা অমত্তা থোকহন্দনবা এস.ও.পি.গী মতুং ইন্না মথৌ তাবা খোংথাংশিং পুম্বা লৌখৎলব্রা হায়বগী মতাংদা শিপ্পিংগী দি.জি. অমসুং গুজরাত মেরিতাম বোর্দকী সি.ই.ও.নশু য়েংশিনখ্রে। তীম অসিনা কন্দলা অমসুং ৱিদিনারগী সিগ্নেল স্তেশনদা সাইক্লোন ‘বিপর্জোয়’দা লাক্লিবা অহোংবশিং অদুবু য়াম্না চেকশিন্না য়েংশিল্লি।  মেদিকেল তীমশিং অমসুং এম্বুলেন্সশিংবুশু ইমর্জেন্সীগী ফিভম অমহেক লাকপা মতমদা য়েংশিন্নবা কন্দলাদা আই এলর্ত লৈবগা লোইননা শেম-শাদুনা লৈরে। দি.পি.এ.ঈ ফায়র ব্রিগেদ দিবিজনবুশু অসোক-অপন অমত্তা থোক্তনবা অমসুং মথৌ তাবগী মতুং ইন্না রেক্যু অমসুং রিলীফকী থবকশিংদা দিস্ত্রিক্ত এদমিনিস্ত্রেশনবু মতেংপাংনবগীদমক্তা হাই এলর্ত্তা থমখ্রে। পাৱর ফেল্যর ললৈবা মতমদা বেকঅপ পীনবা তোঙান-তোঙানবা মফমশিংগা লোইন-লোইননা পোর্তকী বেকঅপ এরিয়াদা পাৱর বেকঅপকী এরেঞ্জমেন্ত তৌখ্রে। নোংলৈ-নুংশিৎকী ঈশিংশিং অদুবু অথিংবা অপনবা অমত্তা লৈতনা চেন্থখিনবা দ্রেনেজ সীস্তেমগী সর্ভে তৌখ্রে অমসুং অপনবা লৈরম্বশিং অদুবু লৌথোকখ্রে।  

শ্রী সোনোৱালনা সাইক্লোন বিপর্জোয়না লাকপা মতমদা অমাং-অতা থোকপশিং অদু হন্থহন্নবা কান্দলা অমসুং জাম্নাগরদা মর্চেন্তাইল মেরিন দিপার্তমেন্তগি ওফিসিয়েলশিংগা লোইননা ৱারি সাখ্রে অমসুং লৌখৎলিবা খোংথাংশিং অদুবু য়েংশিনখ্রে। সোনোৱালনা ফিশিং হার্বরশিংগী সেফ্তী অমসুং সেক্যুরিতঈগী মতাংদা হংখি অমসুং শোক্কদবা মফমশিং অদুদা লৈরিবা ঙামীশিং অমসুং মীওইশিং অদুবু অসোই-অঙাম লৈরোইদবা মফমশিংদা হোংদোকখ্রে। মন্ত্রী অসিনা এজেন্সী পুম্নমক্তা সাইক্লোন অসিনা লোইদ্রিবফাওবা পুন্সি অমসুং পোৎচৈ, মাল-চাংনচিংববু নিংথিনা ঙাকশেন্দুনা থম্নবা লেপ্তনা কোওরদিনেত তৌনবা হায়রকখ্রে। কেন্দ্রগী পোর্ত, শিপ্পিং অমসুং ৱাতরৱেজকী মন্ত্রালয়না সাইক্লোনগী ফিভম অদুবু লেপ্তনা য়াম্না চেকশিন্না মোনিতর তৌরি অমসুং ইমর্জেন্সী লাকপা খুদিমক্কা মাইপুনবা ঙম্নবা মথৌ তাবা পাম্বে খুদিংমক লৌখৎলি।    

****