صارفین کو سستی قیمتوں پر خوردنی تیل کی دستیابی کو یقینی بنانے کے لیے مرکزی حکومت نے خوردنی تیل پر بنیادی درآمدی ڈیوٹی کو کم کر دیا ہے۔ اس سلسلے میں محکمہ خوراک اور عوامی نظام تقسیم کی جانب سے ایک آرڈر  نوٹیفکیشن نمبر 39/2023 - کسٹمز، مورخہ 14 جون 2023 کے ذریعے جاری کیا گیا جس میں ریفائنڈ سویابین آئل (ایچ ایس کوڈ 15079010) اور ریفائنڈ سن فلاور آئل (ایچ ایس کوڈ 15121910) کی بنیادی درآمدی ڈیوٹی کو آج سے 17.5 فیصد سے کم کر کے 12.5فیصد کر دیا گیا ہے۔ یہ 31 مارچ 2024 تک نافذ رہے گا۔

اس فیصلے سے گھریلو بازار میں خوردنی تیل کی قیمتوں کو کم کرنے کے لیے حکومت کی جانب سے کیے گئے پہلے اقدامات کو متوقع  طور پر تقویت ملے گی۔ بنیادی درآمدی ڈیوٹی ایک اہم عنصر ہے جو خوردنی تیل کی زمینی قیمت کو متاثر کرتا ہے جس کے نتیجے میں گھریلو قیمتیں متاثر ہوتی ہیں۔ ریفائنڈ سورج مکھی تیل اور ریفائنڈ سویابین آئل پر درآمدی ڈیوٹی میں کمی سے صارفین کو فائدہ پہنچے گا، کیونکہ اس سے گھریلو خوردہ قیمتوں کو کم کرنے میں مدد ملے گی۔

ریفائنڈ سویابین آئل اور  ریفائنڈ سورج مکھی تیل پر درآمدی ڈیوٹی آخری بار اکتوبر 2021 میں 32.5 فیصد سے کم کر کے 17.5 فیصد کر دی گئی تھی۔ ایسا اس لیے کیا گیا تھا کہ  جب سال 2021 کے دوران بین الاقوامی قیمتیں بہت زیادہ تھیں، جس کی جھلک گھریلو قیمتوں میں بھی مل  رہی تھی۔

امور صارفین،  خوراک اور عوامی نظام تقسیم کی  وزارت  کے  ، خوراک اور عوامی نظام تقسیم کا محکمہ ملک میں خوردنی تیل کی قیمتوں پر گہری نظر رکھے ہوئے ہے اور صارفین کو اس کی مناسب دستیابی کو یقینی بنا رہا ہے۔

۔۔۔۔۔۔۔۔۔۔۔

ش ح۔و۔ ن ا۔

U- 6177