সোসিএল জস্তিস অমদি ইম্পৱারমেন্ত মন্ত্রালয়না মীপুম খুদিংমকপু কোনশিন্দুনা মান্নবা খুন্নাই অমা শেমগৎনবগী মায়কৈদা থবক পায়খত্তুনা লাক্লি‍। হৌখিবা চহি মাপনসিদা, মন্ত্রালয়না সেদ্যুল কাস্ত, সেদ্যুল ত্রাইব, অমদি অদর বেকৱার্দ ক্লাসেসকী মহৈরোয়শিংদা স্কোলারসিপ পীবা, অহল, শিৎ-শেংলিবা শিন্মীশিং অমদি ত্রান্সজেন্দরশিং য়াওনা খুন্নাইগী শোত্থহৌরবা কাঙলুপশিংবু মপাঙ্গল হাপ্নবগী পান্দমদা তোঙান তোঙানবা স্কীম অমদি থৌরাংশিং পায়খৎখ্রে‍।

নসা মুক্ত ভারত অভিয়ান (এন.এম.বি.এ.)গী পান্দমদি হাইয়র এজুকেসন ইন্সতিত্যুৎশিং, য়ুনিভর্সিতী কেম্পসশিং, স্কুলশিংদা অখন্নবা মীৎয়েঙ থমদুনা নহাশিংগী মরক্তা নিশা শীজিন্নবগী মাঙজবশিং খঙহন্নবা অমদি মীয়াম মরক্তা চঙশিন্দুনা থৌরাং অসিদা মীয়াম শরুক য়াহন্দুনা মখোয়না লমজিংদুনা পুহনবনি‍।

এন.এম.বি.এ. ওগস্ত ১৫, ২০২০দা সোসিএল জস্তিস অমদি ইম্পৱারমেন্ত মন্ত্রালয়না হৌদোকখিবনি অমদি হৌজিক খ্বায়দগী শোকহল্লবা মশক খঙদোক্লবা দিস্ত্রিক্ত ৩৭২দা পায়খৎলি‍।

কেম্পেন মওংগী প্রোগ্রাম অমা ওইবনা, অভিয়ান অসিনা নিশা শীজিন্নবনা হকথেংনন অমদি নাকোইননা শোকহল্লবা অমদি মসিনা শোকহন্নিংঙাই ওইবা স্তেকহোল্দরশিং তার্গেত তৌদুনা শরুক য়াহল্লি‍। এন.এম.বি.এ.গী মরুওইবা স্তেকহোল্দর অমদি বেনিফিসরীশিংদি নহা, নুপী, অঙাং, মহৈ মশিংগী ইন্সতিত্যুসনশিং, সিভিল সোসাইতী অমদি মীয়াম্নি‍। মসি হৌদোরকদগী হৌনা, লৈবাক শিনবা থুংনা মখল মখা কয়াগী থবক থৌরমশিং পায়খত্তুনা খুন্নাইগী শরুক পুম্নমক্তগী অমদি স্তেকহোল্দরশিংদগী ইচঙ থৌনা শরুক য়ানরকপা উরি‍। নিশা শীজিন্নবগী ইসুগী মতাঙদা মমাঙদা লৈরম্বা ওর্গনাইজেস্নেল ইনভোল্বমেন্ততগী কম্ম্যুনিতী ইনভোল্বমেন্তকী মায়কৈরোমদা চঙশিল্লক্লি‍। স্তেত, দিস্ত্রিক্ত অমদি অতৈ স্তেকহোল্দরশিংনা অভিয়ান অসিদা মাঙজিল থানা শরুক য়াশিন্নরক্তুনা অভিয়ান অসিবু মীয়ামগী ইহৌদা ওন্থোক্লি‍।

তোঙান তোঙানবা থবক থৌরমশিং পায়খত্তুনা এন.এম.বি.এ.না ফংবা ঙমখ্রবশিংদি – নহা করোর ৩.২২+ অমদি নুপী করোর ২.১৪+ য়াওনা মীওই করোর ৯.৯১+দা নিশা শীজিন্নবগী মতাঙদা ৱাখল তাহনখ্রে‍। মহৈ মশিংগী ইন্সতিত্যুসন লাখ ৩.১৮+না শরুক য়াশিল্লকপনা অভিয়ান অসিগী পাউজেল লৈবাকসিগী অঙাং অমদি নহাশিংদা য়ৌহনবা ঙম্লে‍। মাস্তর ভোলুন্তিয়র (এম.ভি.) ৮০০০+ কী মপাঙ্গল কল্লবা ফোর্স অমা মশক খঙদোক্তুনা ত্রেন তৌখ্রে‍। ত্বিতর, ফেসবুক অমদি ইন্সতাগ্রামদা লৈরিবা অভিয়ান অসিগী সোসিএল মেদিয়া হেন্দলশিংদা মীয়ামদা পাউজেল শন্দোক্লি‍। এন.এম.বি.এ.গী থবক থৌরমশিংগী দেতা খোমগৎনবা অমদি দিস্ত্রিক্ত, স্তেত, অমদি লৈবাক্কী থাক্তা এন.এম.বি.এ.গী দেসবোর্দতা থাগৎনবা এন.এম.বি.এ. মোবাইল এপ্লিকেসন শেমগৎলে‍। এন.এম.বি.এ. ৱেবসাইত (http://nmba.dosje.gov.in) না অভিয়ান অসিগী মরমদা য়ুজর/অয়েংবশিংদা ঈ-পাউ অমদি মনুং হুৎপা ৱাফমশিং ফংহল্লি, মসিনা স্তেত অমদি দিস্ত্রিক্তশিংদা য়ৌশিন্দুনা অভিয়ান অসিগী মখাদা হৌজিক ফাওবদা পায়খৎলিবা থবক থৌরমশিং ফংহল্লি অমদি মীয়াম্না ই-ৱাশক লৌদুনা অভিয়ান অসিদা শরুক য়াবা য়াহল্লি‍। দ্রগ মুত্থৎনবগী নেস্নেল ওনলাইন প্লেদ্জ অমদা মহৈ মশিংগী ইন্সতিত্যুসন ৯৯,৫৯৫দগী মহৈরোয় করোর ১.৬৭+ হেনবনা দ্রগ মুত্থৎনবা ৱাশক লৌরি‍। ওলিম্পি মেদলিস্ত রবী কুমার দহিয়া, সুরেস রাইনা, অজিনখিয়া রহানে, সন্দীপ সিংহ, সবিতা পুনিয়ানচিংবা শান্নরোয়শিংনা এন.এম.বি.এ. শৌগত্তুনা পাউজেল পীরি‍। ‘নসে সে অজাদী – এ নেস্নেল য়ুথ এন্দ স্তুদেন্তস ইন্তরেক্সন প্রোগ্রাম’, ‘নয়া ভারত, নসা মুক্ত ভারত’, ‘এন.এম.বি.এ. ইন্তরেক্সন ৱিথ এন.সি.সি.’নচিংবা থৌরমশিং নহাশিং অমদি স্তেকহোল্দরশিংগী পুনশিন্দুনা মরী শেমগৎনবগীদমক চাং নাইনা পাঙথোক্লি‍। দি আর্ত ওফ লিভিং, ব্রহ্মা কুমারি অমদি সন্ত নিরনকারী মিসন্নচিংবা স্পিরিচুএল.সোসিএল সর্ভিস ওর্গনাইজেসনশিংগা এন.এম.বি.এ. শৌগৎনবা অমদি মীয়াম ৱাখল তাহনবগী থৌরমশিং পায়খৎনবগীদমক এম.ও.য়ু.শিং খুৎয়েক পীনখ্রে‍। নেস্নেল দি-এদিক্সন হেল্পলাইন ‘১৪৪৪৬’, দি-এদিক্সনগী তোল ফ্রী হেল্পলাইন অসিনা অহানবা কোল লাকপদগী হৌরগা কাউন্সেল্লিং অমদি খুদক্কী ওইবা রিফরেল সর্ভিসশিং পীরি‍। হৌজিক ফাওবদা নম্বর অসিদা কোল লাখ ২.৮+ লাকখ্রে‍। অরোন অথুপ ঙাক্না স্তেত, দিস্ত্রিক্ত অমদি কোল্লরগী অকক্নবা দেতাশিং পীরিবা হেল্পলাইন দেসবোর্দ অমসু শেম্লে‍।

অভিয়ান অসি ২০২০দা হৌদোকখিবদগী হৌরগা এম.ও.এস.জে.ই.না শৌগৎপা সেন্তরশিংদগী কাউন্সেল্লিং অমদি দি-এদিক্সন সর্ভিস লৌবগী মীশিংদা ৩৭% হেনগৎলক্লে‍। নিশা শীজিন্নবনা শোনহল্লিবশিং অমদি নিশা শীজিন্নহন্দনা থম্নবগী পাউজেল শন্দোকপদা এম.ও.এস.জে.ই.না মীপুম খুদিংমক্কী মতেং নিরি‍।

***