ভারত লৈঙাক্না ২০১৪দা মকোক থোংবা থিঙ্ক তেঙ্ক ওইনা লিংখৎখিবা নেস্নেল সেন্তর ফোর গুদ গভর্নেন্স (এন.সি.জি.জি.)না নহা ওইরিবা মহৈ মশিং হৈবা মীওইশিংগীদমক মাগী থোং হাংদোক্তুনা মসিগী ইহান হানবা ইন্তর্নসিপ প্রোগ্রাম হৌদোকখ্রে‍। মসিনা লো অমদি ইঞ্জিনিয়রিং গ্রেজুএত প্রোগ্রামশিংদা পোস্ত গ্রেজুএত নৎত্রগা অরোইবা চহিদা তম্লিবা ভারতকী মহৈরোয়শিং নৎত্রগা ভারত নৎত্রগা মপানা লৈবাকশিংদা লৈবা শকখঙলবা য়ুনিভর্সিতী/ইন্সতিত্যুসনশিংদা মীং চল্লবা রিছর্চ স্কোলারশিংবু ইন্তর্ন ওইনা লৌরি‍। ইন্তর্নসিপ প্রোগ্রাম অসিনা নহাশিং অমদি মহৈ মশিং হৈবা মীওইশিংদা নেস্নেল রিপোজিতরী অমা শেম্নবা অমদি মীয়ামদা হেন্না পাক চাউনা শন্দোক্নবা ফম্পাক অমা শেমগৎনবগীদমক খ্বায়দগী ফবা থৌওংশিংগী লমদা থিজিন হুমজিনবা, মনুং হুৎনা নৈনবা, দোকুমেন্তেসন অমদি শন্দোকপগী থবক পায়খৎনবা মফম অমা পীননবগী পান্দম থম্লি‍। মসিনা নহা ওইরিবা মহৈরোয়শিংগী মফমদা খুদোংচাবা কয়া পীবগা লোয়ননা মীয়ামগী খুজিল থৌরাং য়াৎপদা থৌদাং য়াহনগনি‍। ইন্তর্নসিপ প্রোগ্রাম অসি য়ামদ্রবদা চয়োল ৮ দগী হৌরগা য়াম্লবদা থা ৬ ফাওবগীনি‍। ইন্তর্নশিংদা থাদা লুপা লিশিং তরাগী ওনরেরিয়ম পীগনি‍।

এন.সি.জি.জি. ইন্তর্নসিপ প্রোগ্রাম মীয়াম্না য়াম্না পাম্নবগা লোয়ননা জুন ২০২৩ বেতচগী ওইনা এপ্লিকেসন ১,৭০০ হেন্না লাকখি‍। হায়রিবা এপ্লিকেসনশিং অসিদগী স্ক্রুতিনী অমদি ৱারী ৱাতায় শানবনচিংবা তৌরগা, মখোয় মখোয়গী একাদমিক অমদি এক্সত্রাকরিকুলর এচীভমেন্তশিং অমদি মীয়ামগী খুজিল থৌরাং, লৈঙাক্লোন অমদি মরী লৈনবা হীরমশিংদা লৈরিবা ইথিলদা য়ুম্ফম ওইরগা কেন্দিদেৎ ২২ খনগৎলে‍। মখোয়শিং অসি লো, দিভেলপমেন্ত স্তদিজ, পব্লিক হেল্থ, ইকনমিক্স, জিওগ্রাফী, পোলিতিকেল সাইন্স, অমদি মতৈ অতৈ য়াওনা পাক চাউরবা দিসিপ্লিনশিংদা লৈবশিংনি‍। মখোয়শিং অসি হর্বার্দ লো স্কুল, তাতা ইন্সতিত্যুৎ ওফ সোসিএল সাইন্সেস, ইন্দিয়ন স্কুল ওফ পব্লিক পোলিসী, অমদি নেস্নেল লো য়ুনিভর্সিতী অমদি অতৈ য়াওনা মীয়াম্না থাক ৱাংনা থম্নবা ইন্সতিত্যুসনশিংদা মহৈ মশিং তম্লকপা মীওইশিং ঙাক্তনি‍।

এন.সি.জি.জি. ইন্তর্নসিপ প্রোগ্রাম অসি মীয়ামগী খুজিল থৌরাং য়াৎপা অমদি থবক ওইনা পাঙথোকপগী তোপ তোপ্পা অপুনবা এক্সপরিএন্স অমা পীরিবা অতেনবা মতমগী ওইবা থৌরাং অমনি‍। প্রোগ্রাম অসিগী মরুওইবা পান্দমশিংগী মরক্তা অমদি ইন্তর্নশিংনা মখোয় মখোয়গী দোমেনশিংদা অনৌবা ৱাখল্লোনশিং অমদি খুজিল থৌরাংদা লৈরিবা মীৎয়েঙগী লমদা থবক তৌনবা খুৎশম্ননা চৎমিন্নবা য়াবা ফীভম অমা শেমগৎপনি‍। ইন্তর্নসিপ প্রোগ্রাম অসিনা লৈঙাক্লোনগী লমদা ইন্তর্নশিংনা খঞ্জবা য়াননবা মহৈ মশিং, দিসেন্ত্রেলাইজ প্লান্নিং, ই-গভর্ননেন্স, পব্লিক সর্ভিস দেলিভরী, লো অমদি রিগুলেন্স, খুঙ্গং চাওখৎহনবা অমদি লায়রবা কোকহনবা, ঈশিং, সেনিতেসন, হাইজীন অমদি মীয়ামগী হকশেল, হকশেলগী লমদা লৈঙাক্লোন, তুং কোইনা চৎকদবা থৌরাং, অমাঙ অতা মায়োক্নবা ঙমগদবা ইনফ্রাস্ত্রকচর অমদি অমাঙ অতা হন্থহনবা, তুং কোইগদবা ময়োল্লমগী মেনেজমেন্ত অমদি ময়োল্লমগী লৈঙাক্লোন, ইনফ্রাস্ত্রকচর দিভেলপমেন্ত, ইনোভেসন অমদি ওন্ত্রপ্রিন্যুরসিপ, ঈশিং ফংফম মেনেজ তৌবা অমদি তুরেলশিং মথ্বায় হাপ্পা, অইং অশাগী খল হোংলকপা, অকোয়বগী ফীভম অমদি তরু তরুবা ইনর্জী, ত্রাইবেল এফ্যার্স, মোনিতর তৌবা, দেতা নৈনবা অমদি মহৈ হোৎপা, প্রোজেক্ত প্লান্নিং, দিজাইনিং, মেনেজমেন্ত অমদি মোনিতরিং, নেচরেল রিসোর্স, অকোয়বগী ফীভম অমদি উমং ৱামং, মাস কম্ম্যুনিকেসন অমদি সোসিএল মেদিয়া য়াওনা মীয়ামগী খুজিল থৌরাং অমদি লৈঙাক্লোনগী লমদা লৈরিবা তোঙান তোঙানবা মরী লৈনবা হীরমশিং কোনশিল্লি‍।

অহানবা চয়োলদা অখঙ অহৈশিংগা ৱারী ৱাতায় শানবগী সেসনশিং পাঙথোকই‍। ভারত লৈঙাক্কী হান্না সেক্রেতরী ওইরম্বা দোক্তর অমর্জিৎ সিন্হা, দোক্তর অমর্জিৎ সিংহ অমদি মিস্তর তরুন বজাজ, অমদি মিস্তর য়ুগল জোসী, মিস্তর সরতচন্দের, মিস্তর অপুর্ব মিস্রানা হায়রিবা ইন্তর্নশিং অসিবু লমজিংবিদুনা মীয়ামগী খুজিল থৌরাং অমদি লৈঙাক্লোনগী লমদা লৈরিবা তোঙান তোঙানবা মীৎয়েংশিংগী মরমদা খন্নখি‍। লাক্কদৌরিবা চয়োলশিংদা, মখোয়দা তোঙান তোঙানবা লমশিংদা লৈরিবা অতৈ অখঙ অহৈশিংগা ৱারী ৱাতায় শাননবগী খুদোংচাবা ফংগনি‍। মখা তানা চঙশিন্নবগীদমক, ইন্তর্নশিংনা মখোয় মখোয়গী ওইবা অকক্নবা হীরম অমা মখোয়গী ইন্তর্নসিপ মতমগী ওইনা মখোয়গী মহৈ মশিংগী বেকগ্রাউন্দ অমদি মখোয়না পুক্নিং চঙবগী মতুং ইন্না খনগনি‍। মদুগা লোয়ননা ইন্তর্নশিংনা মেন্তরসিপকী খুত্থাঙদা থিজিন হুমজিনবা, কেস স্তদীশিং অমদি খ্বায়দগী ফবা থৌওংশিং নৈনগনি অমদি মখোয়না শেম্লক্লিবা রিপোর্তশিংবু লৈবাক্কী থাক্তা ফিরেপ লৌবদা হাউহন্নবগীদমক দোকুমেন্ত তৌগনি অমদি শীজিন্নগনি‍। অসুম্না হকথেংননা চঙশিনবা থৌওং অসিনা লৈঙাক্লোনদা লৈরিবা শিংনবশিংগী মরমদা মখোয়দা মমুৎ তানা খঙবা হেনগৎহনবতা নত্তনা অসিগুম্বা শিংনবশিং থেংননবা ঙম্ননবা মথৌ তারিবা স্কিলশিংসু মখোয়দা লৈহনগনি‍। অসুম্না ইন্তর্নশিং অমদি অখঙ অহৈশিংগী মরক্তা ৱাখল্লোন তাথোক তাশিন তৌনবনা মীয়ামগী ওইবা লৈঙাক্লোন অমগী লম্বী য়াৎকনি অমদি মীয়ামগী মথৌ তাবশিং হেন্না নীংথিনা পীবা ঙম্বা থৌরাংশিং পুথোরকপদা মতেং ওইগনি‍।

ইন্তর্নসিন প্রোগ্রাম অদু পুক্নিং থৌগৎনিংঙাই ওইবা ৱাফম অমগা লোয়ননা হৌদোক্লদুনা, দি.জি. শ্রী ভারত লালনা হৌদোকপগী থৌরমদা ৱাখলদা শাহুম পীগদবা লেকচর অমগা পীখি‍। হীরম অসিদা লৈরিবা মহাক্কী পাক চাউরবা এক্সপরিএন্স অমদি হৈ শিংবগা লোয়ননা, শ্রী ভারত লালনা এক্সপোজর অসিবু তম্নবগী অমদি প্রোফেস্নেল অমদি পর্নসনেল ওইনা খুমাঙ চাওশিলহন্নবগীদমক শীজিন্নবগী মরুওইবা ৱাফমশিং ফোঙদোক্তুনা ইন্তর্নসিপ অসিদা পুক্নিং চিংশিনখি‍।

মহাক্না খুন্নাই অমদি লৈবাক শেম্বদা অফবা লৈঙাক্লোনগী মরুওইবা ৱাফমশিং পুথোক্তুনা নৈনখি‍। লৈঙাক্লোন হায়বসি ইন্তেগ্রিতী, ত্রান্সপেরেন্সী, একাউন্তেবিলিতী, অমদি ইফিসিএন্সীনা থৌদুনা চৎকদবনি হায়বা ৱাফম মহাক্না থমখি‍। মহাক্না ইন্তর্নশিংগী মফমদা লৈঙাক্লোনগী লৈরিবা নুংগী মচৎশিংবু খঙজিন্নবা ৱাফম থমখি অমদি তাঞ্জা অসিবু অফবা লৈঙাক্লোনগী থৌওং থবক ওইনা পায়খৎপগী মশক মওংশিং হেন্না মনুং হঞ্জিন্না খঙননবগী তাঞ্জা অমা ওইনা শীজিন্ননবা পুক্নিং থৌগৎখি‍। এন.সি.জি.জি.না মথঙ মীরোলগী লুচিংবশিং অমদি লৈঙাক্লোনদা অহোংবা পুরক্কদবা মীওইশিংবু মখোঙ শোম্নবা অমদি মপাঙ্গল হাপ্নবা খোঙফম লেপ্লি‍। নহাশিং অসিনা মাঙজিল থানা হোৎনরকপা মতমদা, ভারত্তা লৈবাকসিগী মরাইবক লেপকদৌরিবা নহাশিংনা থৌদুনা পুরক্কদবা অনৌবা ৱাখল্লোন, লুচিংবা অমদি অওনবা পুরকপগী ইথক ইপোম অমা উবা ফংগনি‍।

এন.সি.জি.জি. ইন্তর্নসিপ প্রোগ্রাম অসিগী কোওর্দিনেসন অমদি একজেক্যুসনগী থবকশিং মথৌদা পুক্নিং লুপ্পা এন.সি.জি.জি. কাঙবুগা লোয়ননা ফাইনেন্স ওফিসর দোক্তর য়াসু শর্ম অমদি এসিস্তেন্ত প্রোফেস দোক্তর গজালা হসনগী মীৎয়েঙ মখাদা পাঙথোকপনি‍।

***