ভারত লৈঙাক্কী ফিসরিজ, এনিমেল হজবেন্দ্রী অমদি দেরীইং মন্ত্রালয়গী দিপার্তমেন্ত ওফ ফিসরিজনা হৌজিক পাঙথোক্লিবা অজাদী কা অমৃৎ মহোৎসবকী শরুক অমা ওইনা জুন ৯, ২০২৩দা ‘সস্তেনেবিলিতী ওফ ফিস মীল ইন্দস্ত্রী এন্দ দি লাইবলিহুদ্স ওফ ফিসরমেন’ হায়বা হীরমসিদা নেস্নেল ৱেবিনার অমা পাঙথোকখ্র‍ে‍। থৌরম অদু জোইন্ত সেক্রেতরী (আই.এফ.) শ্রী সাগর মেহরা অমদি জোইন্ত সেক্রেতরী (এম.এফ.) দোক্তর জে. বালাজীনা পুন্না থৌরম মপু ওইনা শরুক য়াখি‍। লৈবাক শিনবা থুংবদগী ঙামী কাঙলুপগী মীহুৎশিং, এক্সপোর্তরশিং, ওন্ত্রপ্রিন্যুরশিং, ফিসরিজ এসোসিএসনশিং, ভারত লৈঙাক্কী অমদি তোঙান তোঙানবা স্তেত/য়ু.তি.শিংগী দিপার্তমেন্ত ওফ ফিসরিজকী ওফিসিএলশিং, স্তেত এগ্রিকলচর, ভেতিরিনরী অমদি ফিসরিজ য়ুনিভর্সিতীশিংগী ফেকলতীশিং, ফিসরিজ রীছর্চচ ইন্সতিত্যুৎশিংগী ফেকলতীশিং, ফিসরিজ কোওপরেতিব ওফিসরশিং, সাইন্তিস্তশিং, মহৈরোয়শিং অমদি ফিসরিজকী স্তেকহোল্দরশিংনা মশিং য়াম্না থৌরমদুদা শরুক য়াখি‍।

ৱেবিনার অদু শ্রী সাগর মেহরা, জোইন্ত সেক্রেতরী (আই.এফ.), দি.ও.এফ. (জি.ও.আই.)না তরাম্না ওকপগী ৱারোল পীদুনা হৌদোকখি‍। মহাক্না এক্বাকলচরদা পুথোক্লিবা ঙা অমদি ঈশিং মনুংগী পোত্থোকশিং অসিগী ৭০%দি প্রোতীন মরাং কায়না য়াওবা মচিঞ্জাক পীজদুনা থাকপনি মরম অসিনা ঙা মচীঞ্জাক অসি মরুওইবা মচল অমা ওইরি হায়খি‍। ঙা মচিঞ্জাক হায়বসি অৱাংবা থাক্কী প্রোতীন, মথৌ তাবা এমাইনো এসিদ, ভিতামিন, মথৌ তাবা মিনরেল (ফোসফোরস, কেলসিয়ম অমদি আইরন্নচিংবা) অমদি অতৈ চাউখৎলক্নবগী মচাকশিং হাপ্তুনা শেম্বা মচি ওইবা চীঞ্জাক্কী সপ্লিমেন্তনি‍। মসিদা য়াওরিবা মচি ওইবা মচলশিং অসিনা মরম ওইরগা ফার্মদা য়োকপা শাশিংগী চীঞ্জাক্তা মীয়াম্না পাম্নবা শা-ঙাগী প্রোতীন সপ্পলিমেন্ত অমা ওইনা লৌনৈ অমদি ঙা অমদি খজিংগী মচিঞ্জাক্তা প্রোতীনগী মরুওইবা সোর্স হেক হেক ওইরি‍। চহি খুদিংগী ঙা মচিঞ্জাক অমদি ঙাগী থাউ পুথোকপদা রো মেতরিএল তন মিলিয়ন ২০ লোম শীজিন্নরি‍। তেক্নিকেল ওইবা খন্ন-নৈনবা অদু হৌনবগীদমক মহাক্না পেনেলিস্তশিংবু তরাম্না ওকখি‍।

তেক্নিকেল সেসন অদু মিস্তর নিস্সার এফ. মোহম্মদ, মেনেজিং কম্মিতী মেম্বর, সি.এল.এফ.এম.এ.না ‘ওভরভিউ ওফ ফিস মীল ইন্দস্ত্রী’ হায়বা হীরমদা খন্ন-নৈনদুনা হৌদোকখি‍। মহাক্না ঙা মচিঞ্জাক্কী মরুওইবশিং অমদি মতৌ কমদৌনা ঙা মচিঞ্জাকশিং পুথোকপগে হায়বগী মতাঙদা শন্দোক্না তাকখি‍। ঙা মচিঞ্জাক পুথোকপদা ঙা মথী শীজিন্নবনা ঈশিং মোৎশিনবা হন্থহল্লি অমদি শাশিংদা ইম্ম্যুনিতী হেনগৎহল্লি, য়াউ মচা অমদি ওক মচা শিবগী চাং হন্থহল্লি হায়না মহাক্না শুগাইনা তাকখি‍। অনিশুবা ৱাঙাংলোয় মিস্তর মোহম্মদ দাৱুদ সাইত, প্রেসিদেন্ত, ইন্দিয়ন মরিন ইনগ্রিদিএন্ত এসোসিএসন, বেঙ্গলোরনা ফিস মীল ইন্দস্ত্রী: ইসু অমদি চেলেঞ্জশিং হায়বা হীরমদা ৱা ঙাংখি‍। মহাক্না ফিসরিজ ইন্দস্ত্রী য়োকখৎনবা অমদি খুমাঙ চাওশিলহন্নবগীদমক ভারতকী ঙা মচিঞ্জাক অমদি ঙাগী থাউ পুথোক্লিবশিং ফম্পাক অমত্তগী মখাদা পুনশিনবগী মরুওইবশিং থমখি‍।

শ্রী এ. ইন্দ্র কুমার, চেয়রমেন অমদি মেনেজিং দাইরেক্তর, অবন্তী ফীদ প্রাইভেত লিমিতেদনা চহি খুদিংগী হেনগৎলক্লিবা ঙা মচিঞ্জাক অমদি খজিংগী মচিঞ্জাক্কী ইন্দস্ত্রীশিংগী মতাঙদা ৱা ঙাংখি‍। খজিং এক্বাকলচরগী পোত্থোক্কী ৯৫%দি মপান্দম থাদোকপা মরম্না পোত্থোক পুম্নমক সস্তেনেবল এক্বাকলচর থৌওংশিং অমদি মরিন ত্রস্ত ঙাক্না চৎনবা ৱাফম থমখি‍। ‘ফিসমীল অমদি এক্বা ফীদ ইন্দস্ত্রীদা মাগী মহুৎ’ হায়বা হীরমসিদা ঙা ঙাংলদুনা, দোক্তর ঐসিস কুমার ঝা, সেনিয়র সাইন্তিস্ত অমদি সাইন্তিস্ত ইন-চার্জ, বেরাবল আই.সি.এ.আর.-সেন্ত্রেল ইনস্তিত্যুৎ ওফ ফিসরিজ তেক্নোলোজীনা ঙা হেন্না ফাদোকপা, বাইকেত্চ অমদি পোল্লুসন হায়রিবা মরুওইবা হীরম ৩ দা ৱা ঙাংখি অমদি তিন-কাঙ, উনা-ৱানা, উহৈ-ৱাহৈ, মরু মরাংনচিংবনা ঙা মচিঞ্জাক্কী মহুৎ শিনবা য়াগনি হায়খি‍। দোক্তর এ.পি. দিনেসবাবু, প্রিন্সিপাল সাইন্তিস্ত, আই.সি.এ.আর.-সি.এম.এফ.আর.আই.না ইন্দিয়ন মরিন ফিসরিজকী বাইকেৎচতা জুবেনাইল ফিসরি হন্থহন্নবা হোৎনবগী মতাঙদা ৱা ঙাংখি অমদি লাং/ইনগী লাউবগী চাং লেপথোক্নবা, জুবেনাইল বাইকেৎচ রিদক্সন দিভাইস (জে.বি.আর.দি.) অমদি মিনিমম লিগেল সাইজ (এম.এল.এস.)কী থবক থৌরাং কয়া পায়খৎনবা ৱাফম থমখি‍।

শ্রী রামাচার্য়, দাইরেক্তর ফিসরিজ, কর্নাতকা লৈঙাক্না ঙা ১২-১৮%দি লেম্না মাঙই হায়রদুনা হীরম অসিগী মতাঙদা ইন্দস্ত্রী অসিদা মথৌ তাব ঙাক্লৌ পীননবা ৱাফম থমখি‍। কর্নতকা লৈঙাক্না কাঙলোন নাইদনা ঙা ফাবগী থৌওংদা কাঙলোন চৎনহন্নবা থৌরাং লৌখৎপগা লোয়ননা মীয়ামদা অচুম্বা খুজিল থৌরাংশিং অমদি চৎন-কাঙলোনশিংগী মতাঙদা পাক শন্নবা খঙহন্নবগীদমক এৱ্যারনেসশিং পাঙথোক্লি হায়বা ৱাফমসু মহাক্না থমখি‍।

জোইন্ত সেক্রেতরী (এম.এফ.)না এৱ্যার্নেস পীবগী মরুওইবা ৱাফমশিং থমখি অমদি ঙা মচা ফাদোকপগী মরমশিংগী নৈনখি‍। খুৎশেমগী ওইবা রীফশিং শেমগৎপনা ঙা মরাং কায়হন্নবগী লমদা অচৌবা থৌদাং লৌবা ঙমগনি অমদি মদুনা ঙা মচা ফাদোকপগী হৈনবী লৈহন্দবা ঙমগনি হায়খি‍। মদুগী মতুংদা ফ্লোর অদু খন্ন-নৈননবগীদমক লান্থোকখি অমদি দোক্তর জে. বালাজী, জে.এস. (এম.এফ.)না লুচিংখি‍। ঙামী অমদি ইন্দস্ত্রী মীহুৎশিংনা পুখৎলকপা ৱাহংশিং অমদি চমম্নবা ৱাফমশিং নৈনখি অমদি চমম্নবা কোকহনখি‍।

হায়রিবা খন্ন-নৈনবা অসিগা লোয়ননা, সেক্তোরেল স্ত্রেতেজিশিং অমদি এক্সন প্লানশিং মখা তানা শেমগৎনবগীদমক মতুং তারক্কদবা এক্সন পোইন্তশিংসু পুথোকখি‍। দোক্তর এস.কে. দ্বিবেদী, এসিস্তেন্ত কম্মিস্নর (ফিসরি), দি.ও.এপ.না থৌরম মপু, মীথুংশিং, ৱাঙাংলোয়শিং অমদি শরুক য়ারিবশিংগী মফমদা থাগৎ ৱাহৈ ফোঙদোকপগা লোয়ননা ৱেবিনার অদু লোইশিনখি‍।

*****