মোদী সরকারনা চহি মাপল মপুং ফারকপদা সিভিএ এভিএসনগী মন্ত্রী শ্রী জ্যোতিরদিত্য এম. সিন্ধিয়ানা ঙসি নই দিল্লীদা হৌখিবা চহি মাপলদা সিভিল এভিএসন মন্ত্রালয়গী এচিবমেন্তশিং শেয়র তৌখি। মহাক্না হায়খি, “প্রধান মন্ত্রী শ্রী নরেন্দ্র মোদীগী লুচিং মখাদা মীওই খরা খক্তা অক্নবা লৈরম্বা অদু হৌজিক মীচম মীয়ামনা য়ৌবা ঙম্লে।”

মন্ত্রীনা মখা তাখি মদুদি ভারত অসি দোমেস্তিক এভিএসন মার্কেৎতা ৩শুবা খ্বাইদগী চাউবনি। ২৯১৪দা দোমেস্তিক পেসেঞ্জরগী অপুনবা মশিং মিলিয়ন ৬০ ওইখি মদু কোবিদ-১৯গী মাংওইননা ২০২০দা মিলিয়ন ১৪০ ওইদুনা শরুক অনি ওইখি। ইন্তরনেস্নেল পেসেঞ্জর মিলিয়ন ৪৩দগী মিলিয়ন ৬৪ (চাওরাক্না চাদা ৫০ হেনগৎপা) ফাওবা হেনগৎলে। এয়রক্রাফকী ওইনা ২০২৪দা চাউরাক্না ৪০০ ওইরম্বা অদু ২০২৩দা কোবিদ-১৯গী শাফু লৈরবসু ৭২৩দা হেনগৎলে।

২০১৪ ফাওবদা লৈবাক অসিদা এয়রপোর্ত ৭৪ খক্তমক মথৌ তৌরম্মি। ২০২৩গী মার্চ ফাওবদা সরকারনা অতোপ্পা এয়রপোর্ত/ হেলিপেদ/ৱাতর এরোদ্রোম ৭৪ মথৌ তৌহল্লে অমসুং ভারত সরকারনা অপুনবা মশিং ২২০ য়ৌহন্নবা পান্দম থম্লি।

হৌখিবা চহি ৯গী মনুংদা অহেনবা গ্রীনফিল্দ এয়রপোর্ত ১১ মথৌ তৌরে। উরান স্কিমগী মখাদা লৈবাক অসিদা আর.সি.এস. ফ্লাইতশিং ওপরেসন তৌনবগীদমক ৱাতর এরোদ্রোম ২৫ অমসুং হেলিপেদ ৪০ য়াওনা আর.সি.এস. এয়রপোর্ত ১৮০ মশক খংদোক্লে। হৌজিকমক্কী ওইনা ভেলিদ ওইবা আর.সি.এস. রুত ১১৫২গী মনুংদা আর.সি.এস. রুত ৪৭৫ মথৌ তৌরে, হেলিপোর্ত ৯ অমসুং ৱাতর এরোদ্রোম ২ য়াওনা এয়রপোর্ত ৭৪ কনেক্ত তৌরি।

আর.সি.এস. উরানগী মখাদা পেসেঞ্জর লাখ ১২১.৬৭না ত্রেবেল তৌখি অমদি আর.সি.এস. উরান ফ্লাইতশিংগী ওপরেসনগীদমক খনগৎলবা এয়রলাইন ওপরেতরশিংবু ১১.৪.২০২৩ ফাওবা চাউরাক্না লুপা করোর ২৫৮৫.২৫গী ভি.জি.এফ. শেনফম রিলিজ তৌখ্রে। হন্দক্তা হেলিকোপ্তর রুতশিংগীদমক অখন্ননা উরান ৫.১ হৌদোকখ্রে।

ফ্লায়িং ত্রেনিং ওর্গনাইজেসন (এফ.তি.ও.)শিংগী মশিং ২০১৬কী জুন থাদা ২৯ ওইখি। মশিং অসি ঙসিদি বেজ ৫৪গা লোয়ননা ৩৫দা হেনগৎলে। ২০২৩গী দিসেম্বর ফাওবদা অহেনবা বেজ ৯ অমা হাপচিন্দুনা বেজশিংগী মশিং ৬৩ শুরগনি। ফিস্কেল চহি ২০১৪-১৫দগী ২০১৯-২০ ফাওবদা চাদা ৫.৬৬গী সি.এ.জি.আর.গা লোয়ননা এ.এ.আই.না মেনেজ তৌবা এয়রপোর্ত ২৪ অমসুং জে.ভি./পি.পি.পি এয়রপোর্ত ৬দা লৈরিবা কার্গো ফেসিলিতীশিংগী খুত্থাংদা হেন্দল তৌখিবা অপুনবা কার্গো মেত্রিক তন লাখ ২৫.২৭দগী হেনগৎতুনা মেত্রিক তন লাখ ৩৩.২৮ ওইরে।

দোমেস্তিক ফ্লাইত পেসেঞ্জরশিংগীদমক দিজি য়াত্রা হৌদোক্লে। দিজি য়াত্রানা এয়রপোর্তশিংদা সিমলেস, হেসল ফ্রী অমসুং হেল্থ রিক্স ফ্রী পেসেঞ্জর প্রোসেস অমগীদমক অনৌবা গ্লোবেল বেঞ্চমার্ক অমা শেমগৎলি। মসি ২০২২গী দিসেম্বর অমদা এয়রপোর্ত ৩ হায়বদি দিল্লী, বেঙ্গলুরু অমসুং বনারসিদা অমসুং ২০২৩গী মার্চ থাদা এয়রপোর্ত ৪ হায়বদি হায়দ্রবাদ,কোলকতা, পুনে অমসুং বিজলৱারাদা হৌদোকখি। মখাতানা মসি লৈবাক অসিদা লৈরিবা তোঙান-তোঙানবা এয়রপোর্তশিংদসু ইমপ্লিমেন্ত তৌগনি।

এয়র ফেয়রগী মতাংদা হংলকপা ৱাহংগী পাউখুম পীরদুনা মন্ত্রীনা নুমিৎ নিনিগী মমাংদা এয়রলাইন ওপরেতরশিংগা লোয়ননা পাংথোকখিবা মহাক্কী মীফমগী মতাংদা খংহনখি মদুনা মমল হন্থরকপগী মরম ওইরি। মন্ত্রীনা হায়খি, “লাইবক থিরবা ওরিশা ত্রেজেদীগী ওইনদি, লৈখিদ্রবশিংগী ইমুং-মনুংদা ফ্রী কেরিএজ (কার্গো) সর্বিসশিং ফংহন্নবা এয়রলাইনশিংদা পাউতাক পীখ্রে।”

মন্ত্রীনা মসিমসু খংহনখি মদুদি সিভিএ এভিএসন মন্ত্রালয়গী থৌদাং অসি ফেসিলেতেতর অমনি রেগুলেতর অমা নত্তে।

***