“পুন্সি কনবা, নুপী অমদি নুপীমচাশিংদা শক্তি পীবদা থক্নবা অফবা ঈশিংগী থৌদাং অমসুং হিংবদা লাইথোকহনবদা মসিনা শরুক তম্লিবা অসি ঐখোয়না উবা ফংই”। ৱাফম অসি ঙসি পাঙথোকখিবা ‘হর ঘর জল’ প্রোগ্রামনা ভারত্তা চাউনা কান্নবশিং পীরিবা অসিগী মতাংদা উৎলিবা দবল্যু.ঐচ.ও.গী গ্রাউন্দব্রেকিং রিপোর্ত লোঞ্চ তৌবদা নিতি আয়োগকী মেম্বর (হেল্থ), দা. ভি.কে. পোলনা ফোঙদোকখিবনি। মহাক্না হায়খি, “প্রোগ্রাম অমত্তনা মীওইবশিং অমসুং ইমুংশিংগী পুন্সি ফগৎহনবদা ফিজিকেল্লী, মেন্তেল্লী অমসুং ফাইনান্সিএল্লী হকথেংননা কান্নবা পীবা লৈখিদ্রি”। দা. পোলনা প্রোগ্রাম অসিগী খোঙজেল অমসুং পাকচাউবা অসিবু শীংথাখি অমসুং হায়খি, “ঙসি ভারত্তা সেকেন্দ খুদিং অনৌবা কন্নেক্সন অমা পীরি অমসুং পব্লিক হেল্থতা অওনবা পুরক্লি”।

রিপোর্ত অসিনা হায়রি মদুদি লৈবাক্কী য়ুমথোং পুম্নমক্তা নীংথিনা শিল-লাংদুনা অফবা থক্নবা ঈশিং ফংহন্দুনা দাইরিয়া লাইনাশিংনা থোকহনবা মীশি-মীনা ৪০০,০০০গী ময়া অমসুং লাইনাশিং অসিগা মরী লৈনবা দিসএবিলিতী এদজস্তেদ লাইফ ইয়র্স (দি.এ.এল.ৱাই.) মিলিয়ন ১৪রোম ঙাকথোকপা ঙমখি। মাইপাকপা অসিনা দোলর বিলিয়ন ১০১ ফাওবা তুংশিনহনবা ঙমখি। এনলাইসিস অসিনা দাইরিয়া লাইনাশিংদা মীৎয়েং চংখি মরমদি মসিনা ৱাশ-এত্রিব্যুতেবল দিজিসকী লাইনা মপুং ওইনা থোকহনখি।

জল শক্তি মন্ত্রালয়গী দিপার্তমেন্ত ওফ দ্রিকিং ৱাতর এন্দ সেনিতেসনগী সেক্রেতরী, শ্রীমতি বিনি মহাজন, দিপার্তমেন্ত ওফ হেল্থ রিসর্চকী সেক্রেতরী অমদি ইন্দিয়ন কাউন্সিল ওফ মেদিকেল রিসর্চকী দিরেক্তর জেনরেল, দা. রাজিব বাহল অমসুং দবল্যু.ঐচ.ও.গী ভারতকী মীহুন, দা. রিদেরিকো ঐচ. ওফ্রিনসু শরুক য়াখি।

প্রজাশিংদা অফবা থক্নবা ঈশিং ফংহনবা ঙম্বা হর ঘর জলগী মাইপাকপা অসিবু দা. বাহল, দি.জি., আই.সি.এম.আর.না শীংথাখি। মহাক্না হায়খি, “ভারত সরকারনা জল জীবন মিসন্দা শেল থাদরুবা অসিনা হকশেলদা অচৌবা কান্নবা অমা পীখি হায়না স্তদী অসিনা উৎখ্রে”।

‘হর ঘর জল’ রিপোর্তনা দাইরিয়া লাইনাশিংদা মীৎয়েং চংখি মরমদি মসিনা ঈশিং, সেনিতেসন অমসুং হাইজিন (ৱাশ) ইসুশিংগা মরী লৈনবা লাইনাশিংদা চাউনা শরুক তমখি। এনলাইসিস অসিনা লাইনাশিং অসি খুদক্তা কোকহনবা মরু ওই অমসুং পব্লিক হেল্থ অমসুং ইকনোমিক ৱেল-বিংদা চাউনা কান্নবা পীবা ঙম্মি হায়না উৎখি।

২০১৯গী মমাংদা খুঙ্গংগী মফমশিংদা ৱাতর সপ্লাইগী ফীভম অসি খুদোংচাদবা মওং অমদা লৈরমখি। রিপোর্ত অসিনা হায়রি মদুদি ২০১৮দা ভারতকী অপুনবা মীশিংগী ৩৬%, খুঙ্গংগী মীশিংগী ৪৪%না মখোয়গী য়ুমশিংদা অফবা থক্নবা ঈশিংগী ফংনবা লম্বী লৈখিদে। ফত্তবা ঈশিং শীজিন্নবনা হকশেলদা চাউনা অকাইবা থোকহনখি অমসুং খুন্নাইদা মাংজবশিং পীখি। এনলাইসিসনা উৎখি মদুদি ২০১৯দা সেনিতেসন অমসুং হাইজিন মরাং কাইনা লৈতবগা লোয়ননা ফত্তবা থক্নবা ঈশিং থকপনা মালেমগী ওইনা মীশি-মীনা মিলিয়ন ১.৪ অমসুং দি.এ.এল.ৱাই. মিলিয়ন ৭৪ থোকহনখি

ৱর্ল্দ হেল্থ ওর্গনাইজেসন (দবল্যু.ঐচ.ও.)না নীংথিনা শিল-লাংলবা থক্নবা ঈশিংগী সর্ভিসশিং শীজিন্নবা মীশিংগী প্রপোর্সন (ইন্দিকেতর ৬.১.১) অমসুং ফত্তবা ঈশিং, সেনিতেসন অমসুং হাইজিন (ইন্দিকেতর ৩.৯.২)গা মরী লৈনবা মোর্তেলিতী য়াওনা সস্তেনেবল দিবেলপমেন্ত গোল (এস.দি.জি.) ইন্দিকেতর কয়ামরুম মোনিতর তৌখি। দবল্যু.ঐচ.ও.না ঈশিং, সেনিতেসন অমসুং হাইজিন মরু ওইনা দাইরিয়াগী লাইনাশিং হন্থহনবা অমসুং অতোপ্পা হকশেলগী ফীভম ফগৎহন্নবগা মরী লৈনবা হকশেলগী কান্নবশিংগী খঙদোক্নবা মেথদ অমসুং তুলশিং দিবেলপ তৌখি।

রিপোর্ত অসিনা তোতি ঈশিংগী প্রোবিজন ফংহন্দুনা নুপীশিং অমসুং নুপীমচাশিংগীদমক মতম অমসুং পাঙ্গল মাংহনদবা চাউনা ঙমখি। ২০১৮দা ভারত্তা লৈরিবা নুপীশিংনা চাংচৎ ওইনা নোংমদা য়ুমগী মথৌ তাবশিংগীদমক ঈশিং শোকপদা পুং ৪৫.৫ কাইথোকখি। অপুনবগী ওইনা য়ুমদা ঈশিং পুশিনদবা য়ুমথোংশিংনা নোংমদা ঈশিং শোকপদা পুং মিলিয়ন ৬৬.৬ মচেৎ-মচেৎ ওইনা কাইথোকখি লোয়ননা মসি অয়াম্বনা খুঙ্গংগী মফমশিংদা ওইখি (পুং মিলিয়ন ৫৫.৮)। তোতি ঈশিংগী প্রোবিজন অসিনা নোংমদা ঈশিং শোকপগী অৱাবা অসি কোকহন্দউনা চাউনা শেল তুংশিনবা ঙমহনখি।

লাউথোকখিবা অসিদা দি.দি.দবল্যু.এস.কী সেক্রেতরী শ্রীমতি বিনি মহাজন্না জল জীবন মিসনগী চাউনা খুমাং চাউশিনখিবা অসিগী মতাংদা ফোঙদোকখি। মহাক্না হঅয়খি খুঙ্গংশিংদা তোতি ঈশিংগী কন্নেক্সন পীবা অসি ২০১৯দা ১৬.৬৪% ওইরম্বদগী থা ৪১গী মনুংদা ৬২.৮৪%দা হেনগৎলকখি মসিনা চহি অমদা শুপ্নগী ০.২৩% ওইরম্বা অদুগা চাংদম্নবদা চাংচৎ ওইনা চহিদা ১৩.৫% হেনগৎলকখি তাক্লি।

‘হর ঘর জল’ প্রোগ্রামগী মরমদা:

জল শক্তি মন্ত্রালয়গী মখাদা জল জীবন মিসন্না ইমপ্লিমেন্ত তৌখিবা হর ঘর জল প্রোগ্রাম অসি ওগস্ত ১৫, ২০১৯দা প্রধান মন্ত্রী শ্রী নরেন্দ্র মোদীনা লাউথোকখি। প্রোগ্রাম অসিনা তোতিগী খুত্থাংদা অফবা থক্নবা ঈশিংগী সপ্লাই মরাং কাইনা শেল চাংদনা অমসুং চাং নাইনা খুঙ্গংগী য়ুমথোং খুদিংমক্তা ফংহন্নবা পান্দম থমখি। প্রোগ্রাম অসি নীংথিনা শিল লাংবা অফবা থক্নবা ঈশিংগী সর্ভিসশিংগীদমক এস.দি.জি. ৬.১.দা খুমাং চাউশিল্লিবা অসি য়েংশিন্নবা ৱাতর সপ্লাই, সেনিতেসন অমসুং হাইজিনগী দবল্যু.ঐচ.ও./য়ুনিসেফ জোইন্ত মোনিতরিং প্রোগ্রাম (জে.এম.পি.)গী পরিং মখাদা পাইখৎপনি।

******