ঙসি নই দিল্লীদা ভারত অমসুং ন্যু জীলেন্দগী ইন্দস্ত্রী অমসুং ইন্দস্ত্রী এসোসিএসনশিংগী লোয়ননা লৈবাক অনিগী মরক্তা অহানবা রাউন্দ তেবল জোইন্ত মীতিং পাঙথোকখ্রে। মীতিং অসিদা ভারত সরকারগী দিপার্তমেন্ত ওফ কম্মর্সকী এদিস্নেল সেক্রেতরী, শ্রী রাজেশ অগর্ৱাল অমসুং ভারত্তা লৈরিবা হায় কম্মিসনর ওফ ন্যু জীলেন্দ, দা. দেবিদ পাইন্না পুন্না ময়াই তাংবল লৌখি।

লৈবাক অনিমক্কী মরক্তা হৌজিক লৈরিবা বাইলেতরেল ত্রেদকী ক্বাতম অসি য়েংলগা নাকল অনিমক্তা ভারত অমসুং ন্যু জীলেন্দগী পার্তনরশিপতা লৈরিবা অচৌবা পোতেন্সিএল অমসুং নাকল অনিমক্কী কান্নগদবা লমশিংদা ইকনোমিক রিলেসনশিং ফগৎহন্নবগীদমক সিনর্জী লৈহনবা তঙাই ফদ্রিবা অসি শকখঙখি। ফ্রীদ ত্রেদ এগ্রীমেন্ত অমা হেক্তগী ৱাংমদা থবক তৌবা অমসুং অমনা অমদা তেংবাং পীনবা য়াবা অতোপ্পা লমশিং খঙদোকপা মথৌ তাই হায়বা খঙখি। খন্ন-নৈনবা অসিনা বাইলেতরেল এগ্রীমেন্ত ওফ ১৯৮৬কী মখাদা শেমখিবা জোইন্ত ত্রেদ কম্মিতিগী পান্দমশিং মাংদা পুখৎপদা মীৎয়েং চংখি।

ন্যু জীলেন্দ হায় কম্মিস্নরনা মহাক্না শমলপ্না ৱারোল পীবদা নাকল অনিগী কান্নবশিং, প্রপোস্নেলিতীগী প্রিন্সিপলশিং খঙনবা, প্রাইবেৎ সেক্তরশিংগা লোয়ননা ত্রেদ অমসুং এসোসিএসন থৌগৎনবা অপুনবা খোঙথাংশিংগী মরু ওইবা অদু থমখি। মহাক্না ফোঙদোকখিবা লম খরা অদুদা য়ুনিফাইদ পেমেন্ত ইন্তর্ফেস (য়ু.পি.আই.) সিস্তেম, কার্বোন ক্রেদিৎ কো-ওপরেসন, সেক্তোরেল এরেঞ্জমেন্তশিংগী খুত্থাংদা ইকনোমিক কো-ওপরেসন পীনবা অমসুং জেস্প্রিনা শেমখিবা কমপ্রিহেন্সিব প্রপোজেলগুম্বা অখন্নবা হীরমশিংদা পুন্না থবক তৌবা অমসুং নাকল অনিমক্কী বিজিনেসসিংদা বাইলেতরেল গেনশিং লৈনবগী নন-তারিফকী খোঙথাংশিংগী রিক্বেস্ত প্রাইওরিতাইজেসন তৌবা য়াওখি। হায় কম্মিসন্না হায়খি মদুদি ইন্দিয়া ন্যু জীলেন্দ বিজিনেস কাউন্সিলনা শেন্মীৎলোন্দা খুমাং চাউশিন্নবগী কো-ওপরেতিব এক্তিবিতীশিংগী ওইথোকপা য়াবা লমশিং তাক্লিবা “ইন্দিয়া ন্যু জীলেন্দ – রিলেসনশিপ রেদী ফোর নেক্স ফেস” হায়বা অসিদা এপ্রিল ২০২৩দা রিপোর্ত অমা পুথোকখি। মহাক্না লৈবাক অনিগী মরক্তা এয়র কন্নেক্তিবিতী লিঙ্কশিং হেনগৎলক্লিবা অসিগী মতাংদসু ফোঙদোকখি।

শ্রী রাজেশ অগর্ৱালনা বাইলেতরেল ত্রেদ ফগৎহন্নবগীদমক হৌজিক লৈরিবা ইন্সতিত্যুস্নেল মেকানিজম মপাঙ্গল কনখৎহন্নবা অমসুং কোওপরেসন অমসুং কোল্লাবোরেসন ইসুশিংদা থবক পাইখৎনবগীদমক স্ত্রকচর শেম্বদা মীৎয়েং চংখি। মসিদা অখন্ননা মশক খঙদোক্লবা হীরমশিংদা থবক তৌনবা জোইন্ত সেক্রেতরীগী থাক্তা ৱার্কিং গ্রুপ অমা শেম্বা অমসুং আইদিয়াশিং অমসুং মরী লৈনবা কো-ওপরেতিব এক্তিবিতীশিং কনক্রিতাইজ তৌরবা মতমদা হায়রিবা অসি স্কেল অপ তৌদুনা জোইন্ত ত্রেদ কম্মিতীগী মীফমদা ফাইনেলাইজ তৌবা য়াওরি। মহাক্না মখা তারদুনা হায়খি মসিদা নাকল অনিমক্তগী অকনবা খোঙথাং অমা মথৌ তাগনি অমসুং জি২জি, বি২বি অমসুং বি২বি ইন্তরেক্সনশিংদা খন্নখিবশিং অদু থবক ওইনা ওন্থোক্কদবনি।

শ্রী রাজেশ অগর্ৱালনা য়ু.পি.আই. সিস্তেম লৈহনবা, কার্বোন ক্রেদিৎ, কিৱি উহৈগী পেকেজ প্রপোজেল, ত্রান্স-শিপমেন্ত হব, মতম চানা ৱারেপ লৌনবগীদমক বাইলেতরেল ত্রেদকী হীরমশিং প্রাইওরিতাইজ তৌবা, তেক্নোলোজীগী লমশিংদা কোল্লাবোরেসন পীনবা, ৱার্ক বিজাগী মরী লৈনবা লমশিংদা, বেঙ্কিংগী মরীশিং ফগৎহনবা অসিগুম্বা সর্ভিসশিংদা কোওপরেসন পীনবা অসিনচিংবা য়াওনা কোওপরেসন পীনবগী লম কয়ামরুম মশক খঙদোকপা ঙম্নবা খন্ন-নৈনখিবা অদুবু থাগৎখি। কান্নরবা আইদিয়াশিং অমসুং সোল্যুসনশিং য়াওবা জোইন্ত ত্রেদ কম্মিতিদা কান্নবা পীগদবা ৱার্কিং গ্রুপ শেমদুনা নাকল অনিমক্তা কান্নবা পীনবগীদমক প্রোএক্তিব ওপরেস্নেল ফ্রেমৱার্ক অমা শেম্বগী মথৌ তাবা অদু মহাক্না থমখি।

আই.তি. অমসুং আই.তি.ই.এস.গুম্বা সর্ভিস সেক্তরশিং, লোজিস্তিক্স অমসুং বেঙ্কিং সেক্তর লোয়ননা মেন্যুফেকচরিং সেক্তরশিং মমিং ওইনা পল্লবদা ফুদ প্রোসেসিং, ফার্মাস্যুতিকেল্স, ওতোমোবাইল, কনস্ত্রক্সন অমসুং পাৱরদগী ইন্দিয়ন ইন্দস্ত্রীগী মীহুৎনা বাইলেতরেলগী লমদা কান্নরবা ৱাখল্লোনশিং অমসুং অসিগুম্বা ইন্তরেক্সনশিং অমসুং খোঙথাংশিংগী খুত্থাংদা য়োকখৎপা মথৌ তাবা ইকনোমী অনিগী মরক্তা লৈরিবা অচৌবা পোতেন্সিএল অমসুং খুদোংচাবা কয়ামরুম অসিগী মতাংদা ফোঙদোকখি।

ন্যু জীলেন্দগী মাইকৈগী ইন্দস্ত্রী অমসুং ইন্দস্ত্রী এসোসিএসনশিংনা লৈবাক অনিগী মরক্তা লৈরিবা ইকনোমিগী মরীদা মরু ওইবা মীকুপ অমনি হায়রদুনা থবক-থৌরমশিং খোঙজেল য়াংখৎহনবা অমসুং হৌজিক তৌরিবা অসিগুম্না হেন্না স্ত্রকচর ওইবা মওং অমদা মখা তানা দাইলোগ তৌবগী তঙাই ফদবা অদু ফোঙদোকখি।

নাকল অনিমক্না হেন্না ফবা নাকল অনিগী কান্নবশিং পুরক্নবা ইন্দস্ত্রী দাইলোগশিং তৌনবা সরকারনা থবক হেন্না পাইখৎপা মথৌ তাই হায়বা অসিদা অমত্তা ওইনা য়ান্নখি।

***