سڑک ٹرانسپورٹ اور قومی شاہراہوں کے مرکزی وزیر جناب نتن گڈکری نے آج مہاراشٹر کے بلڈھانہ کے کھامگاؤں میں امراوتی-چکھلی قومی شاہراہ 53 پر 816 کروڑ روپے  کی لاگت سے بنے شیلاڈسے نندورا  پروجیکٹ کا افتتاح کیا۔

  قومی شاہراہ 53  ملک میں گجرات، مہاراشٹر، چھتیس گڑھ اور اڈیشہ ریاستوں کے درمیان ایک بڑے تجارتی رابطے کے طور پر اہم ہے۔ اس کے علاوہ، یہ مہاراشٹر کے نندوربار، دھولے، جلگاؤں، (کھا مگاؤں) بلڈھانہ ، اکولہ، امراوتی، ناگپور اور بھنڈارا اضلاع کو جوڑنے والی ایک شاہراہ ہے۔ یہ شاہراہ اس لیے بھی اہم ہے کیونکہ اس کارائے پور-ناگپور-سورت یا ایسٹ ویسٹ کوریڈور سے اچھا رابطہ ہے۔

صدر شیلاڈ-نندورا ڈویژن کے چوکور(کواڈ رینگل) منصوبے کی کل لمبائی 45 کلومیٹر ہے اور اس میں 14 کلومیٹر گرین فیلڈ بائی پاس، 4 بڑے پل، 16 چھوٹے پل اور 63 پلیا ، 1 آراوبی ،8 گاڑیوں کے انڈر پاس، 2 پیدل مسافر انڈر پاس، 12 بس شیلٹرز شامل ہیں۔ یہ پروجیکٹ سلور سٹی کھا مگاؤں کی مشہور سلور مارکیٹ کے لیے کارآمد ہو گا جو بلڈھانہ ضلع کا سب ڈویژن ہے۔

اس پروجیکٹ کے ذریعے کھامگاؤں  شہر میں ٹریفک کی بھیڑ کا مسئلہ حل ہوگیا ہے اور یہ حادثات کو کم کرنے میں مددگار ثابت ہوگا۔ وہیکل انڈر پاس اور آر او بی سڑک استعمال کرنے والوں کی حفاظت کو یقینی بنائیں گے۔ یہ پروجیکٹ شیگاؤں، لونار یا مذہبی اور جغرافیائی لحاظ سے اہم مقامات تک رسائی  کی سہولت فراہم کرے گا۔ اس منصوبے سے سیاحت، صحت، تعلیم اور روزگار کے مواقع پیدا ہوں گے۔

ہائی وے پروجیکٹ کے تحت تالابوں کو کھولنے کے لیے مرکزی حکومت کی امرت سروور اسکیم کے تحت جل کمبھچی کی تعمیر کی گئی ہے، جس سے کھامگاؤں جیسے گرم اور خشک علاقوں میں پانی کی نکاسی کا مسئلہ حل کرنے میں مدد ملی ہے۔

کل 1200 کروڑ کی لاگت سے ملکاپور-بلڈھانہ-چکھلی سڑک اور 350 کروڑ روپے کی لاگت سے بالاپور-شیگاؤںیا 22 کلومیٹر سڑک کے پروگرام کا اعلان کیا گیا تھا۔ اس کے ساتھ ساتھ چکھلی سے ٹھکر کھیڈ اور دیگر سڑکوں کے لیے 25 کروڑ روپے کے کام کی منظوری دی گئی۔

******

شح۔ مم۔ م ر

U-NO.6039

11.06.2023