রোদ ত্রান্সপোর্ত অমসুং হাইৱে মন্ত্রালয়
শ্রী নিতিন গদকরিনা নোর্থিস্ত রিজনদা য়ুমথংনবদা লৈরিবা রাজ্যশিংগা কনেক্তিবিতী ফগৎহন্নবা নাগালেন্দদা কি.মি.২৫ শাংবা লেন ২গী আইৱে শেম্বগী থবক পাইখৎখ্রে হায়না হায়খি
प्रविष्टि तिथि:
06 JUN 2023 12:37PM by PIB Imphal
কেন্দ্রগী রোদ ত্রান্সপোর্ত অমসুং হাইৱেজকী মন্ত্রী, শ্রী নিতিন গদকরিনা হায়খি মদুদি হৌজিক-হৌজিক ঐখোয়না নাগালেন্দদা পেকেজ- ৩গী শরুক অমা ওইনা পাইখৎলিবা চাকাবামাদগী জুনহেবোতো ফাওবগী ওইবা কি.মি. ২৫ শাংবা লেন ২গী হাইৱে অসি হার্দ শোল্দরশিংগা লোইননা শেম্লি।
ত্বীত কয়া অমদা মন্ত্রী অসিনা খঙহল্লকখি মদুদি মসিগী প্রোজেক্ত অসিগী মরু ওইবা পান্দমদি নোর্থিস্ত রিজনদা লৈরিবা য়ুমথংনবা রাজ্যশিংগা কনেক্তিবিতী হেনগৎহন্নবনি, মসিনা চত্থোক-চৎশিন তৌরিবা মীপুম খুদিংমক্তা য়াম্না ফবা, তুং-কোইনা চৎকদবা অমসুং শেন্মিৎলোনগী ওইবা পোৎচৈ পুধোক-পুশিন তৌবদা য়াম্না চাউনা মতেং পাংলগনি।
শ্রী গদকরিনা হায়খি মদুদি প্রধান মন্ত্রীগী লুচিং মখাদা ঐখোয়না নোর্থইস্ত রিজনদা অৱাংবা থাক্কী হাইৱে ইনফ্রাস্ত্রকচর শেমগৎনবগী অচেৎপা ফিরেপ লৌরি, মসিনা লমদম অসিগী শেন্মিৎলোন চাউখৎহনবদা য়াম্না চাউনা মতেং পাংলগনি।
***
(रिलीज़ आईडी: 1930245)
आगंतुक पटल : 137