U Chairman jong ka National Level Committee for drafting new National Cooperation Policy document u Suresh Prabhu, u la ai ka jingbatai sha u Myntri sorkar pdeng ba dei khmih ia ka Tnat Kam Pohiing bad Cooperation, u Amit Shah ha New Delhi mynta ka sngi. Ha kane ka jingialang la iadonlang ruh kiwei kiwei ki dkhot jong ka committee kynthup ia u Dileep Sanghani, Chairman, NCUI, u K V Shahji, Chairman, NABARD, u Jyotindra Mehta, Chairman, NAFCUB, u P K Aggarwal, Financial Advisor, D/o Cooperation, Sorkar Uttar Pradesh, Dr. Umakant Dash, Director, Institute of Rural Management Anand (IRMA), u Satish Marathe, Director, RBI, Dr C Pitchai, Professor, Gandhigram Rural University, Dr. Hema Yadav bad Director, VAMNICOM.  Secretary (Cooperation), Additional Secretary (Cooperation) bad ki heh ophisar jong ka Tnat Cooperation jong ka sorkar pdeng.

Ki dkhot jong ka Committee ki la ai jingtip ia u Myntri ka Tnat Cooperation, u Amit Shah shaphang ki jingthmu, ka thong bad ka mission jong ka draft policy ryngkat bad ki jingai jingmut ba kongsan ha ki kam bapher bapher kynthup ki jingpynkylla bad ka jingai jingshakri Sorkar, ki cooperative kum ki kynhun kiba khlain ha ka ioh ka kot, ka jingkynthup ia ki bynta ba kham kongsan, ka jingpyndonkam ia ka teknoloji, ka jingkyntiew ia ka sap treikam bad ka jinghikai pyntbit bad ka jingpyntreikam ia ka jingthmu.

Ha kane ka jingialang, u Myntri Sorkar pdeng ba dei khmih ia ka Tnat Kam pohiing bad Cooperation, u Amit Shah u la ai jingmut halor kumno ban pynurlong ia ka thong jong u Myntri Rangbah duh, u Narendra Modi ha kaba iadei bad ka ‘Sehkaar se Samriddhi’ bad ban pynkhlain ia ka jingiakhih Cooperative naduh na ki jaka nongkyndong lyngba ka policy ba thymmai. Katkum ka jingai jingmut ba la ioh na u Myntri ka Tnat Cooperation, ka Committee kan pynkhreh ia ka draft ba thymmai. La khmih lynti ban pyllait paidbah ia ka Cooperation policy ba thymmai ha u Naitung, 2023 hadien ka jingiamir jingmut bad kiba iadon bynta ha kane ka kam kynthup ki sorkar jylla, ki tnat sorkar pdeng, ki National Cooperative bad kiwei kiwei.

La thaw ia ka National Level Committee for drafting New National Cooperation Policy ha ka 2 tarik Nailur 2022 da ka jing thmu ban pynkhreh ia ka National Policy ba thymmai ban pynurlong ia ka thong jong u Myntri Rangbah duh, u Narendra Modi ha kaba iadei bad ka ‘Sehkaar se Samriddhi’ hapoh ka jingialam u Myntri Kam pohiing bad Coperation, u Amit Shah. Ka policy ba don mynta ha kaba iadei bad ka cooperation kadei kaba la wanrah ha u snem 2002 bad la sngew donkam ban pynkhreh ia ka policy ba thymmai ban peit katkum ka jingkylla ka jinglong ka ioh ka kot. 

La pyniaid ia ka drafting Committee da u Suresh Prabhu, u Myntri sorkar pdeng barim. Ka kynthup 49 ngut ki dkhot na kylleng ka ri bad kiwei kiwei kiba iadon bynta kum ki ophisar jong ka tnat Cooperation jong ki sorkar jylla bapher bapher, ki tnat ba dei khmih jong ka sorkar pdeng, ki kynhun kum ka IRMA, RBI, ki National federation kum ka IFFCO, NCCF, NAFCARD, NAFCUB, KRIBHCO, NFCSF, NCUI, NAFED, ki dkhot na ki Cooperative Society ha ki kam bapher bapher bad ki riewshemphang.

Ka kam ban wanrah ia ka National Cooperation Policy ba thymmai kadei da ka jingiamir jingmut  ha ka jingialang jong ki Cooperation Secretary/ RCS jong ki jylla ba la long ha ka 12 & 13 tarik Iaiong, 2022 bad ki Myntri ka tnat Cooperation jong ki jylla kaba la long ha ka 8 & 9 tarik Nailur, 2022 kaba la plie da u Myntri ka Tnat kam pohiing bad Cooperation.  Palat 500 tylli ki jingai jingmut la ioh pdiang na kito kiba iadon bynta ha kane ka kam bad ki paidbah na ka bynta ka draft policy document. Hadien ba la sdang ia ka National Level Committee la pynlong palat 8 tylli ki jingialang bad la iamir jingmut ruh bad kito kiba iadon bynta ban pynkhreh ia ka draft document.