৩শুবা জি-২০ হেল্থ ৱার্কিং গ্রুপ মীফমগী নাকলদা, ভারত সরকারগী ফার্মাসিউতিকেল দিপার্তমেন্তনা শীন্দুনা ভারতনা জি-২০গী প্রসিদেন্ত ওইবগী থৌরমগী শরুক অমা ওইনা ভেক্সিন রিছার্স অমসুং দিবলপমেন্তগী মতাংদা মালেমগী ভেক্সিন রিছার্সকী মতাংদা মতেং পাংন্নবা খন্ন-নৈন্না অমা ঙসি হায়দ্রবাত্তা পাংথোকপদা কেমিকেলস অমসুং ফর্তিলাইজরস অমসুং হেল্থ অমসুং ফেমিলি ৱেলফিয়ারগী য়ুনিয়ন মিনিস্তর দোক্তর মনসুখ মন্দাবিয়ানা হায়খি ভেক্সিন রিছার্স অমসুং দিবলপমেন্তগী লমদা মালেমগী ওইনা মতেং পাংনবগী মরুওইবা অদু কোবিদ-১৯ লাইচৎনা তাক্লে। চহি ১০০গী মনুংদা অমুক খক্তং থোকপা মীয়ামগী হকশেলগী অৱাবা ঐখোয়না থেংনদুনা, অনৌবা মহিকশিংগী ভেক্সিন পুথোকপা থুজিন্নবা রিছার্স তৌবগী মরুওইবা ঐখোয় খঙলে।

য়ুনিয়ন মিনিস্তরনা মীফম অদুদা হায়খি নৌনা থৌরকপা মহিকশিং অসি থেংন্নবা অফবা মখলগী ভেক্সিন পুথোক্নবা রিছার্স তৌনবা মালেম থাক্কী ওইনা মতেং পাংনবা দরকার ওইরে। ঐখোয়না মালেমগী হকশেলগী লমদা থবক তৌরিবশিং অপুনবা ওইনা থবক তৌমিন্নবা দরকার ওই অমসুং ঐখোয়না লাইচৎশিং থেংন্না শেম-শাবগী থবক মপাঙ্গল কনখৎহনগদবনি। নৌনা থোরক্লিবা মহিকশিংগী অফবা ভেক্সিন পুথোক্নবা মালেমগী ওইনা মতেং পীনবা দরকার ওই অমসুং সরকারশিং, রিছার্স ওর্গনাইজেসনশিং, ফার্মাসিউতিকেল কম্পেনিশিং অমসুং অতোপ্পা মরী লৈনবশিংগী মরক্তা মতেং পাংনবা য়ানবা জি-২০ অসি মরুওইবা মফম অমা ওইনা থবক তৌবা য়াগনি।

ভেক্সিন রিছার্স অমসুং দিবলপমেন্তগী লমদা চহি কয়া ভারতনা মাঙজিল থাদুনা লাকখিবা অদু পল্লদুনা মহাক্না হায়খি ভারত অসি ভেক্সিন পুথোকপা অমসুং ফংহনবদা মালেমগী ওইনা মাঙজিল থাবা লৈবাক অমনি অমসুং মসিগী পান্দম অসি ফংনবা মালেমগী ওইনা মতেং পাংনবদা লৈবাক অসিনা মরুওইবা থৌদাং অমা লৌগনি। অফবা ভেক্সিনশিং পুথোকপা অমসুং কাপ্পা অসিনা লাইচৎশিং থেংনবদা মতেং পাংগনি অমসুং মসিগী পান্দম অসি ফংনবা ঐখোয়না রিছার্সকী থবকশিং মরুওইনা লৌগদবনি।

ভেক্সিন পুথোকপা অমসুং ফংহনবগী থবক ফগৎহন্নবা ভারতনা পায়খৎলিবা থবকশিংগী মতাংদা য়ুনিয়ন মিনিস্তরনা হায়খি ভেক্সিন পুথোক্লিবশিংনা মখোয়গী ভেক্সিন পুথোকপা হেনগৎহন্নবা সরকারনা শেন্থং পীরি অমসুং চৎন-কাংলোনশিং নিংথিনা শেন্নরি। হৌজিক লৈরিবা প্রাইমারি হেল্থ সেন্তরশিং অমসুং অতোপ্পা অনা-লায়য়েংগী খুদোংচাবশিং ফগৎহন্দুনা খুঙ্গংগী লমশিংদা ভেক্সিন ফংহন্নবা সরকার খোঙথাং কয়া পায়খৎলে।

লাইচৎকী শেম-শাবা, হিদাক-লাংথকশিং অমসুং তিকাশিং ফংহনবা অমসুং মীপুম খুদিংমক হকশেলগী খুদোংচাবা ফংহন্নবা ভারতনা পায়খৎলিবা থবকশিং অমুক হন্না পল্লদুনা দোক্তর মন্দাবিয়ানা হায়খি নৌনা থোরকপা অমসুং লাইচৎ থোকহনবা য়াবা মহিশিংগী ভেক্সিন পুথোক্নবা থবকশিংদা হায়রিবা হিরমশিংদা লৈরিবা ভারতকী লৌশিং ঐখোয়না শীজিন্নগদবনি। কোবিদ-১৯ ভেক্সিন পুথোকপা অমসুং ফংহন্নবদা ভারতনা মাঙজিল থারিবা অসি মালেমগী হকশেলগী থবক ফগৎহন্নবা ভারতনা পীখিবা থাজবা অদুগী খুদম অমনি। মীয়াম শেন্থোক নত্ত্রগা করম্বা লৈবাক্কী মীওইনো হায়বা থিদনা মীওই খুদিংমক ভেক্সিন ফংহনবা অসি তঙাইফদে হায়বা ঐখোয়না খঙলে অমসুং মসি ঐখোয়না থবক ওইনা পাংথোক্লে।

য়ুনিয়ন হেল্থ সেক্রেতরি, শ্রী রাজেস ভুসন্না হায়খি জেনেরিকশিং অমসুং বাইওসিমিলারশিং পুথোকপদা ভারত মাঙজিল থারি অমসুং মালেমদা ফংলিবা ভেক্সিনগী চাদা ৫০ হেন্না ভারতকী ভেক্সিন পুথোকপা কম্পেনিশিংনা পুথোকলি। কোবিদ-১৯ লাইচৎনা মরম ওইদুনা ভেক্সনি পুথোকপশিংগী মতম চহি ১০ হেন্না লৌরম্বদগী হৌজিক চহি অমগী মখাদা লৈরে। লাইচৎ মনুংদা ইন্সিতিতুৎশিংনা ফংখিবা লৌশিং কয়া মহাদে কয়া শীনবা থুংনা লৈবাকশিংদা ফংহনগদবনি।

দিপার্তমেন্ত ওফ ফার্মাসিউতিকেলসকী সেক্রেতরি  শ্রীমতি এস. অর্পাননা হায়খি মালেমদা শীজিন্নবা হৌখ্রবা মতুং থা ১৮গী মতুংদা লৈবাক খরদা ভেক্সিন ফংখিদে। মালেমগী ভেক্সিন রিছার্সকী থবক্তা মতেং পাংনবা অসিগী মরুওইবা পান্দমদি মসিগী অহোবা অসি লৈহন্দবা অমসুং মালেমগী থাক্তা মীওই খুদিংমক ভেক্সিন ফংহনবা অসিনি। মসিনা মরুওইবা লন-থুমশিং মপুংফানা শীজিন্নবা ঙমহনগনি।

তেলাঙ্গানা সরকারগী প্রিন্সিপাল সেক্রেতরি শ্রী জয়েস রঞ্জন্না হায়খি হায়দ্রবাত্তা চহি অমদা ভেক্সিন দোজ মিল্লিয়ন ৯ পুথোক্লি অমসুং মসি চহি অমদা পুথোকপদা অপুনবা ভেক্সিনগী শরুক অহুম থোকপগী শরুক অমনি। ভারতকী অহানবা কোবিদ-১৯ ভেক্সিন কোবেক্সিন অসি হায়দ্রবাত্তা রিছার্স তৌবা অমসুং পুথোকপনি অমসুং মালেমগী মমিং লৈরবা স্পুতনিক ভেক্সিনগী শরুক খরা রিছার্স অমসুং দিবপলমেন্ত হায়দ্রবাত্তা পাংথোকখি।

নুঙগীৱারোল

মালেমগী ভেক্সিন রিছার্স কোল্লাবোরেসন অমা শেমগৎনবা জি-২০ লৈবাকশিং অমসুং অতোপ্পা স্পিসিএল ইনভাইভি লৈবাকশিংগী মরক্তা ৱাখল তিমিন্ননবা প্রোগ্রাম ফোর এপ্রোপ্রিয়েত তেক্নোলোজি ইন হেল্থ(পাথ) অমসুং কোলিএসন ফোর ইপিদেমিক প্রিপিয়ারনেস ইন্নোবেসন্স(সেপি)গা লোয়ন্না দিপার্তমেন্ত ওফ ফার্মাসিউতিকেলসনা থবক তৌরি।

হয়েংদগী হৌগদৌরিবা ৩শুবা জি-২০ হেল্থ ৱার্কিং গ্রুপ মীফমশিংদা খন্ননবা থৌরম অসি পাংথোকপনি। ঙসি খন্ন-নৈনবদা ফংলকপা ৱারেপশিং অমসুং প্রিন্সিপালশিং মখা তানা হেল্থ ৱার্কিং গ্রুপ মীফমশিংদা খন্নগনি।

থৌরম অদুদা হেল্থ রিছার্স দিপার্তমেন্তগী সেক্রেতরি দোক্তর রজিব বাহল, দব্লিউ.ঐচ.ওগী চীফ সাইন্তিস্ত জেরেমি জে ফারার, দব্লিউ.ঐচ.ওগী হান্নগী চীফ সাইন্তিস্ত দোক্তর সৌময়া শ্বামিনাথন অমসুং দব্লিউ.ঐচ.ও, ৱার্ল্দ বেঙ্ক, য়ু.এস.এদ, দব্লিউ.ই.এফকী মীহুৎশিং অমসুং কেন্দ্র সরকারগী সেনিয়র ওফিসারশিং শরুক য়াখি।

****