অতল ইনোভেসন মিসন (এ.আই.এম.), নিতি অয়োগনা অতল তিঙ্করিং লেব প্রোগ্রামগী মখাদা পাঙথোক্কদবা ফ্লেগসিপ সম্মর বুত কেম্প অমা ওইরিবা ‘এ.তি.এল. তিঙ্করপ্রিন্যুর ২০২৩’ গী রেজিস্ত্রেসন হাংদোক্লে‍।

এ.তি.এল. তিঙ্করপ্রিন্যুর অসি মহৈরোয়শিংবু বুতকেম্প অসি লোইশিল্লকপদা মখোয়গী ওইবা ওনলাইন ভেঞ্চর শেমগৎচনবা দিজিতেল স্কিল অমদি ফ্রেমৱর্কশিং পীগদবা চয়োল ৭ শাংবা ভর্চুএল সম্মর বুতকেম্প অমনি‍। বুতকেম্প অসিগী ইকোন কোনবা ইদিসন্দা তীম ইনোভেসন ৫০০০+ শরুক য়াখি, মখোয়গী মরক্তা মকোক থংবা ১০০না ইন্দিয়ন স্কুল ওফ বিজিনেসতগী ইন্তর্নসিপ অমদি ফন্দিংগী খউদোংচাবা ফংখি‍।

বুতকেম্প অসি স্কুল পুম্নমক্তগী (এ.তি.এল. অমদি নন-এ.তি.এল.ৱ মহৈরোয়শিংনা য়াওবা য়াই‍। মহৈরোয়শিংনা সর্তিফিকেৎ, ইন্তর্নসিপ, অমদি অতৈ খুদোংচাবশিং ফংগনি‍। রেজিস্ত্রেসনগী অরোইবা তাং জুন ৫, ২০২৩নি‍।

রেজিস্তর তৌরবা তীম খুদিংমক্তা নিতি অয়োগকী মেন্তর্স ওফ চেঞ্জতগী বুতকেম্প অসিগী মনুংদা দেদিকেতেদ মেন্তরিং সপ্পোর্ত পীগনি‍। বুতকেম্প অসি জুন ৮দগী হৌরগা জুলাই ২৪ ফাওবা চত্থগনি‍। মহৈরোয়শিংনা মখোয়গী এন্ত্রী ওগস্ত ৬ ফাওবা থাজিনবা য়াগনি‍।

চয়োল খুদিংগী, দিজিতেল স্কিল, প্রদক্ত দিভেলপমেন্ত অমদি ওন্ত্রপ্রিন্যুরসিপ স্কিলগী দেদিকেতেদ এক্সপর্ত সেসনশিং, অমদি হেন্না মীৎয়েঙ চঙবা থৌওংগীদমক হেন্দহোল্দিং সেসনশিং লৈগনি‍।

চহি অসিদা, রিজনেল লোলশিংদা অখন্নবা পোদকাস্তশিং, চয়োলগী ওইবা চেলেঞ্জশিং সোল্ব তৌবা অমদি তোঙান তোঙানবা সেসনশিংগী খুত্থাঙদা মখল মখা কয়া তমশিনহৌবগী খুদোংচাবশিং লৈগনি‍।

চেলেঞ্জশিং মায়খুম হাংদোক্লদুনা, মিসন দাইরেক্তর এ.আই.এম., দোক্তর চিন্তন বৈষ্ণবনা হায়খি, “মসি ঐখোয় পুম্নমক্কী য়াম্না মথুম মরাং হৌরবা মীকুপ অমনি‍। ঐখোয়না মমাঙগী ইদিসন অনিদা অফবা ইনোভেসন খরা উবা ফংখ্রে অমদি হন্দক চহিদসু অফবা ইনোভেসন খরা উবা ফংগনি হায়না ঐখোয়না চপ চানা থাজৈ‍। মহৈরোয়শিংগীদমক্তদি, এ.তি.এল. তিঙ্করপ্রিন্যুর অসি ৱাখল খনবদগী থবক ওইনা পায়খৎপা ফাওবগী খোঙচৎ চৎননবা অফবা ফম্পাক অমনি‍।”

মহৈরোয়শিংনা মশানা মশাবু মফমসিদা রেজিস্তর তৌবা য়াগনি: https://kid-ex.com/champions/atltnkr2023

অকুপ্পা ব্রোচরগীদমক, মফমসিদা নম্বিয়ু: https://kid-ex.com/pdf/ATL_Tinkerpreneur_2023_Brochure.pdf

*****