বিনিফিসরিশিংনা তোইনা বেঙ্ক একাউন্ত নম্বর হোংবা অমসুং মরী লৈনবা প্রোগ্রাম ওফিসারশিংনা অনৌবা একাউন্ত নম্বর পীখৎলক্তবা, বেনিফিসরিশিংনা মতম চানা অনৌবা একাউন্ত নম্বর পীশিন্দবনা মরম ওইদুনা মরী লৈনবা বেঙ্ক ব্রাঞ্চনা খুৎশুমল পীবা য়াদবগী থৌদোক কয়া লৈরে হায়বা কেন্দ্র সরকারনা খঙলে।

তোঙান-তোঙানবা মরী লৈনবশিংগা খন্নদুনা, অসিগুম্বা খুৎশুমন পীবা য়াদবা অসি লৈহন্দনবা, দি.বি.তিগী খুৎথাংদা খুৎশুমন পীনবা খ্বাইদগী ফবা পাম্বৈ অসি এ.বি.পি.এসনি। মসিনা বেনিফিসরশিংনা মতম চানা মখোয়গী খুৎশুমল ফংবা ঙমগনি।

স্কিম দেতাবেজদা আধার অমুক্তা অপদেদ তৌখ্রবা মতুংদা, মখোয়গী লৈফম হোংবা নত্ত্রগা বেঙ্ক একাউন্ত নম্বর হোংবদগী বেনিফিসরি অমনা একাউন্ত নম্বরশিং অপদেদ তৌবা দরকার ওইদে। আধার নম্বরগা শম্নবা বেঙ্ক একাউন্ত অদুদা খুৎশুমন পীগনি। বেনিফিসরি অমগী বেঙ্ক একাউন্ত অমদগী হেন্না লৈরবদি, বেনিফিসরি অদুনা অপাম্বা একাউন্ত খনগদবনি।

দি.বি.তিগী ওইনা আধার শীজিন্নবা অসি চাদা ৯৯.৫ ফাওবা মাইপাকপা ঙম্মি হায়বা এন.পি.সি.আই দেতানা উৎলে। এ.বি.পি.এসগী মাইপাকপা অসিনা চাদা ৯৮ নি।

এম.জি.এন.আর.জি.এসগী মখাদা ২০১৭দগী এ.বি.পি.এস শীজিন্নদুনা লাক্লি। মীওই খুদিংমক আধার নম্বর ফংলবা মরম্না, স্কিম অসিগী মখাদা বেনিফিসরিশিংদা এ.বি.পি.এসগী খুদোংচাবা ফংহন্নবা হৌজিক ভারত সরকারনা ৱারেপ লৌরে। এ.বি.পি.এসগা শম্নবা একাউন্ত খক্তদা এ.বি.পি.এসগী খুৎথাংদা শেন পীগনি, হায়বদি মসি য়াম্না য়াংবা অমসুং অশোই অঙাম থোক্তবা শেন পীনবা পাম্বৈ অমনি ।

বেনিফিসিরি করোর ১৪.২৮গী মনুংদা করোর ১৩.৭৫ আধারগা শম্নরে। হায়রিবা আধারগা শম্নরবা মশিং অসিগী মথক্তা, আধার করোর ১২.১৭ অচুম্বনি হায়বা খঙলে অমসুং হৌজিক চাদা ৭৭.৮১ এ.বি.পি.এসকী খুদোংচাবা ফংবা য়ারে। মে ২০২৩দা, খুৎশুমল পীথোকপগী চাদা ৮৮ রোম এ.বি.পি.এসকী খুৎথাংদা পীখি।

য়ু.আই.দি.এ.আইগী মতুংইন্না, অপুনবা অহল মীশিংগী চাদা ৯৮ আধার নম্বর লৈরে। লনাই মীওই অমনা আধার নম্বর দরকার ওইরবদি, অনকপা আধার সেন্তর অমদা চৎলগা আধার নম্বর ফংবা য়াগনি।

এ.বি.পি.এস চাদা ১০০ পাংথোকপা ঙম্নবা রাজ্যশিংনা কেম্পশিং পাংথোক্কদবনি অমসুং বেনিফিসরিশিংগা থবক তৌমিন্নগদবনি। থবক শুজগে হায়না লাকপা বেনিফিসরিশিংদা আধার নম্বর পীরক্নবা হায়গদবনি অদুবু পীরক্তবশিং থবক শুহন্দবা তৌরোইদবনি হায়না মিনিস্ত্রিনা রাজ্যশিংদা খঙহনখ্রে।

কনাগুম্বা বেনিফিসরি অমনা থবক শুজগে হায়দ্রবদি, মহাক্কী এ.বি.পি.এস ফংবা য়াবগী খুদোংচাবা অদু কক্লোইদবনি। শিন্মীশিং এ.বি.পি.এসগী খুদোংচাবা ফংবা য়াদ্রবদি মখোয়গী জোব কার্দশিং ককথৎলোইদবনি।

এম.জি.এন.আর.জি.এস অসি দরকারগী মতুংইন্না পায়খৎপা স্কিম অমনি অমসুং তোঙান-তোঙানবা শেন-থুমগী মরমশিংনা অকায়বা পীবা য়াওই। এ.বি.পি.এসগী চপ চাবা ফিবম অমা শেমগৎলে। বেনিফিসরিশিংগী ওইনা এ.বি.পি.এসগী কান্নবশিং য়েংলগা, মসিগী খ্বাইদগী ফবা সিস্তেম অসি চৎনগদবনি।

আধারদা য়ুম্ফম ওইবা শেন পীবা অসি করিশু নত্তে, মসি বেনিফিসরিশিংগী একাউন্তদা শেন পীবা থবক অমনি। সিস্তেম অসি চপ চারবা থবকশিং শীজিন্নরি অমসুং মসিদা বেনিফিসরিশিং, ওফিসিএলশিং অমসুং অতোপ্পা মরী লৈনবশিংগী মশক ফজনা তাক্লি।

অশেংবা বেনিফিসরিশিংদা শেন পীবদা এ.বি.পি.এসনা মতেং পাংলি অমসুং শাশিন্নবা বেনিফিসরিশিং লৌথোক্নবা খুৎলায় অমা ওইরি। এম.জি.এন.আর.জি.এসতা আধারদা য়ুম্ফম ওইবা শেন পীবগী থবক পাংথোক্তে। স্কিম অসিদা আধার বেজ পেমেন্ত ব্রিজ সিস্তেম চৎনরে।

*****