য়ুনিয়ন হোম অমসুং কোওপরেশন মিনিস্তর, শ্রী অমিত শাহনা মহাক্কী মনিপুরগী খোংচৎকী হুম্নিশুবা নুমিত্তা, মোরে অমসুং কাংপোকপিদা চৎখি অমসুং সিভিল ওর্গনাইজেশনশিংগা য়াম্লবা হিরম কয়া অমগী মতাংদা খন্ন-নৈনখি। মআক্না হিল ত্রাইবল কাউন্সিল, কুকি স্তুদেন্তস ওর্গনাইজেশন, কুকি চীফস এসোসিয়েশন, তামিল সঙ্গম, গোর্খা সমাজ অমসুং মোরেদা লৈবা মনিপুর মুস্লিম কাউন্সিলগী মীহুৎশিংগা উনখি। দেলিগেতশিং অদুনা রাজ্য অসিদা হান্নগী মতৌগুম হঞ্জিনহল্লক্নবা সরকারনা লৌখৎলিবা থৌরাংশিং অদুবু কন্না সপোর্ত তৌই হায়না ফোংদোকখি। য়ুনিয়ন হোম মিনিস্তর অদুনা সেনিয়র ওফিসিয়েলশিংদগী লৈরিবা সেক্যুরিতীগী ফিভম অদুগী মতাংদাশু খঙহনখি।

কাংপোকপিদা, য়ুনিয়ন হোম মিনিস্তর, শ্রী অমিত শাহনা সিভিল সোসাইতী ওর্গনাইজেশনশিং খুদম ওইনা কমিতী ওন ত্রাইবল য়ুনিতী, কুকি ইনপি মনিপুর, কুকি স্তুদেন্তস ওর্গনাইজেশন, থাদৌ ইনপি অমসুং শক্নাইরবা মীওইশিং অমসুং অখঙ-অহৈশিংগী মীহুৎশিংগা উনখি। শ্রী অমিত শাহনা চিংগী লমশিংদা তঙাইফদনা চংবা পোৎলমশিং সপ্লাই পীনবা অমসুং চুরচান্দপুর , মোরে অমসুং কাংপোকপিদা অথুবগী তঙাইফদবশিং অদুগীদমক্তা হেলিকোপ্তর সর্বিসশিং পীরগনি হায়না থাজবা পীরকখ্রে।

হোম মিনিস্তরনা কাংপোকপিদা লৈরিবা রিলীফ কেম্পতা চৎখি অমসুং কুকি ফুরুপকী মীওইশিংগশু উনখি। শ্রী অমিত শাহনা য়ারিবমখৈ য়াম্না থুনা মনিপুরদা শান্তি অমুক হন্না হঞ্জিল্লক্নবা অমসুং মখোয়শিংবু মখোয়গী ময়ুমশিংদা অমুক হন্না হঞ্জিনহন্নবা খোংফম চেৎনা লেপ্লি হায়না হায়খি।

মতুং তারকপদা, শ্রী অমিত শাহনা মৈতৈ ফুরপকী মীওইশিংনা লৈরিবা ইম্ফালগী  রিলীফ কেম্প অমদা চৎখি। হোম মিনিস্তরনা মনিপুরবু তুংদা-লৈতাবা অমসুং নুংশি-চান্ননা লৈবা হান্নগী ফিভমদা অমুক হন্না হঞ্জিল্লক্নবা অমসুং অথুবা মতমদা মখোয়বু মখোয়গী ময়ুমশিংদা হঞ্জিনহন্নবা ঐখোয়না লৌখিবা ফিরেপ অদুমক খোংফম চেৎনা লেপ্লি হায়না মহাক্না হায়খি। 

হোম মিনিস্তরনা ইম্ফালদা অৱাংবা থাক্কী ওফিসিয়েলশিংগা সেক্যুরিতী রিভ্যু মীতিংশু পাংথোকখি, হিংশা থোক্তনবা খুৎলাই পাইবা ফত্তবা মীশিংগী মায়োক্তা অমসুং অথুবা মতমদা হান্নগী ফিভমদা হঞ্জিনলক্নবা লুত তৌখিবা খুৎলাইশিং অদুবু ফাগৎনবা  য়াম্না হকচিন্না অমসুং য়াম্না য়াংনা থবক পাইখৎনবা মখোয়দা য়াথং পীখি।

*****