فوڈ کارپوریشن آف انڈیا (ایف سی آئی)، جو ملک کی خوراک کے تحفظ کو یقینی بنانے کے لیے امور صارفین ، خوراک اور عوامی نظام تقسیم کی وزارت کے تحت  کام کرنے والا سرکاری شعبے کی ایک بڑی کمپنی ہے،   ہر سال  بڑی تعداد میں نوجوانوں کی بھرتی کرکے  حالیہ برسوں میں  بھرتی کرنے والی سرکردہ کمپنی بن گئی ہے۔

ایف سی آئی کی بھرتی کا عمل صرف آن لائن امتحان کے ذریعے کیا جاتا ہے اور ایمپلائمنٹ نیوز کے ساتھ ساتھ سرکردہ قومی/مقامی اخبارات میں بڑے پیمانے پر اس کا اشتہار دیا  جاتا ہے۔ انتخاب کھلے کمپٹشن کے ذریعے کیا جاتا ہے اور خالصتاً میرٹ کی بنیاد پر ہوتا ہے۔ ایف سی آئی کارپوریشن / حکومت ہند کے قواعد و ضوابط کی سختی سے پابندی کرتے ہوئے انتہائی شفافیت اور سچائی کو یقینی بناتی ہے۔

مختلف زمروں (زمرہ I، II، III اور IV) کے تحت آسامیوں  کی باقاعدگی سے تشہیر کی جا رہی ہے۔ ایف سی آئی نے سال 2020 کے دوران 3687 زمرہ III، 307 زمرہ II اور 87 زمرہ I کے افسران کو سال 2021 کے دوران کامیابی سے بھرتی کیا ہے۔

فی الحال، ایف سی آئی  نے سال 2022 میں زمرہ II اور III کی 5159 آسامیوں کا اشتہار دیا ہے۔ 11.70 لاکھ امیدواروں نے بھرتی کے عمل میں حصہ لیا ہے۔ دو مرحلوں میں آن لائن امتحانات پہلے ہی مکمل ہو چکے ہیں۔ اس کے علاوہ  بھرتی کا عمل اپنے آخری مرحلے میں ہے اور جلد ہی مکمل ہونے کا امکان ہے۔

ملازمین کی تعداد  کم کرنے کے بجائے، ایف سی آئی کارپوریشن میں موجودہ اسامیوں کو موثر آپریشنز اور انسانی وسائل کی کمی کو پورا کرنے کے لیے پُر کر رہی ہے۔

۔۔۔۔۔۔۔۔۔۔۔ ۔

ش ح۔ا گ۔ن ا۔

U-5724