য়ুথ এফিয়ার্স অমসুং স্পোর্তসকী কেন্দ্র মন্ত্রী শ্রী অনুরাগ সিংহ থাকুরনা লখনৌদা বুদ্ধ পুর্নিমাগী শেংলবা তাঞ্জা অসিদা মপুংফাবা ফেবর অমসুং থোইদোক হেন্দোকপা এক্সাইতমেন্তকা লোয়ননা খেলো ইন্দিয়া য়ুনিবর্সিতী গেম্স উত্তর প্রদেশ ২০২২গী ওফিসিএল লোগো, মাস্কোত, তোর্চ, এন্থেম অমসুং জর্সী লোঞ্চ তৌখ্রে।

থৌরম অদুদা উত্তর প্রদেশকী মুখ্য মন্ত্রী শ্রী য়োগী অদিত্যনাথসু শরুক য়াখি। 

থৌরম অদুদা ৱা ঙাংলদুনা শ্রী অনুরাগ সিংহ থাকুরনা হায়খি মদুদি, “মসিনা ঙসি ঐঙোন্দা অচৌবা অপেনবা অমা পীরে মদুদি ঐখোয়গী প্রধান মন্ত্রী শ্রী নরেন্দ্র মোদী জীগী মীৎয়েং অমা ওইনা খেলো ইন্দিয়া মুবমেন্ত অসি ঙসিদি রিভোলুসন অমা ওইরে অমদি রিভোলুসন অদু ঙসিদি ভারতকী খ্বাইদগী চাউবা রাজ্য উত্তর প্রদেশ য়ৌরক্লে। গেম্স অসিদা শরুক য়ারিবা য়ুনিবর্সিতী এথেলেতশিংনা খংগনি মদুদি স্পোর্তস মশামক অসি পুন্সীগী খ্বাইদগী লুবা পরা তম্বদা অচৌবা লম্বী অমনি। মরম অদুনা খেলো ইন্দিয়া প্লেতফোর্ম অসি অসি স্পোর্তসতা এক্সেলেন্স শাগৎপনি অমদি দিসিপ্লিন শেমগৎপা, কত্থোকপা অমসুং নেসনগী সর্বিসতা নহাশিংদা মীৎয়েং থম্বনি। য়োগী জীগী থোইদোক হেন্দোকপা লুচিং মখাদা ঐহাক্না থাজবা থম্লি মদুদি উত্তর প্রদেশনা হৌজিক ফাওবগী খ্বাইদগী ফবা খেলো ইন্দিয়া গেম্স পাংথোক্নবা থৌরাংলি।”

মীয়াম তিনখিবা অদুদা ৱা ঙাংলদুনা শ্রী য়োগী অদিত্যনাথনা হায়খি, “ঙসিদি উত্তর প্রদেশ রাজ্যগী এনভাইরনমেন্ত অমসুং পর্সেপসন্না শান্তিগা লোয়ননা অচৌবা ত্রান্সফোর্মেশন অমা পুরক্লি মদুমক্না স্পোর্তস অমসুং স্পোর্তসপর্সনশিং মফম অসিদা চাউখৎপা পুরক্লি। ঐহাক্না শরুক য়ারিবা এথেলেৎ, কোচ, ওফিসিএল অমসুং সপোর্ত স্তাফ পুম্নমকপু অহুমশুবা খেলো ইন্দিয়া য়ুনিবর্সিতী গেম্স উত্তর প্রদেশ ২০২২দা তরাম্না ওকচরি অমদি মখোয় পুম্নমকপু রাজ্য অসিদা মকা লাম্না লৈবিনবা য়াইফ পাউজেল পীজরি। ঐহাক্না থাজবা থম্লি মদুদি ঐখোয়গী তিমনা থৌরম অসি নিংশিংনিঙাই ওইবা অমা ওইহন্নবা খ্বাইদগী ফবা কন্দিসনশিং, স্পোর্তিং ফেসিলিতীশিং অমসুং ইনফ্রাস্ত্রকচর ফংগনি। খেলেগা ইন্দিয়া ভাগেগা ইন্দিয়া।”

“খেলো ইন্দিয়াগী খোংথাং অসিনা লৈবাক অসিগী স্পোর্তস ইকোসিস্তেমগীদমক অকিবগী মশকসু ওইরি। চয়োল খরগী মমাংদা ঐখোয়না খেলো ইন্দিয়াগী চহি ৫ শুরকপগী থৌরম পাংথোকখি। হৌখিবা চহি ৫দা ইন্দিয়ন স্পোর্তসকী লেন্দস্কেপতা চাউনা অহোংবা পুরক্লে।”

কৌশল, নীতি অমসুং ধৈর্যগী আইদিওলোজীনা পুক্নিং থৌগৎলদুনা গেম্স অসি ওফিসিয়েল্লি ওইনা উত্তর প্রদেশকী তোঙান তোঙানবা শহরশিংদা ২০২৩গী মে ২৫দগী জুন ৩ ফাওবা পাংথোক্লগনি।

উত্তর প্রদেশকী মুখ্য মন্ত্রীনা মথংগী নুমিৎ ২০দা ভারতকী খ্বাইদগী চাউবা রাজ্যগী ৱেস্তর্ন, ইস্তর্ন, সেন্ত্রেল অমসুং বুন্দেলখন্দ রিজনশিংদা ফাওদুনা চেনগদবা তোর্চ রেলী মরিসু লমথাখি। মুখ্য মন্ত্রীনা ভারত সরকারগী য়ুথ এফিয়ার্স অমসুং স্পোর্তস অমদি ইনফোর্মেশন অমসুং ব্রোদকাস্তিংগী মন্ত্রী শ্রী অনুরাগ থাকুরগা লোয়ননা পুং অনিশাংবা থৌরমং অসিগী অথোইবা মীথুংলেনসু ওইখি।

শরুক য়াখিবা অতোপ্পা শক্নাইরবশিংগী মরক্তা উত্তর প্রদেশ সরকারগী স্পোর্তস মন্ত্রী শ্রী গিরিশ চন্দ্র য়াদব, ত্রান্সপোর্ত মন্ত্রী (ইন্দিপেন্দেন্ত চার্জ) উত্তর প্রদেশ সরকার শ্রী নবনীত সেহগল, আই.এ.এস. এদিস্নেল চিফ সেক্রেতরী, স্পোর্তস অমসুং য়ুথ ৱেলফেয়র বিভাগ, উত্তর প্রদেশ সরকার, অমসুং শ্রীমতী এক্তা বিশনোই, দিপুতী দাইরেক্তর জেনরেল, স্পোর্তস ওথোরিতী ওফ ইন্দিয়া, দা. পঙ্কজ মিতল, সেক্রেতরী জেনরেল, এ.আই.য়ু., শ্রী সঞ্জয় সারাৱত, একজিক্যুতিব দাইরেক্তর, সাই অমসুং অতোপ্পা শক্নাইরবশিংনা শরুক য়াখি।

হৌদোকপগী থৌরম অসি অয়ুক পুং ৯ তাবা মতমদা মুখ্য মন্ত্রীনা গেম্স লোগো হৌদোকপগী ৱারোল থমদ্রিঙৈ মাংওইননা উত্তর প্রদেশকী স্পোর্তস মন্ত্রী শ্রী গিরিশ চন্দ্র য়াদবনা হৌদোকখি। মসিবু শক্নাইরবা শৈশকপা পালাশ সেন্না শৈরাংবা অমসুং শৈশকপা “খেলো ইন্দিয়া – হর দিল মে দেশ”  হায়না শৈহৌবা গেম্স এন্থেমবু শ্রী অনুরাগ থাকুরনা মায়খুম হাংদোক্তুনা তুংইনখি।

মহাক্না মদুগী মতুংদা ললিত উপাদ্যা, সুধা সিংহ অমসুং দিবিয়া কাকরানগুম্বা শক্নাইরবা উত্তর প্রদেশকী শান্নরোইশিং শক্তাক্লিবা ওফিসিএল গেম্স জর্সী মায়খুম হাংদোকখি।

থৌরম অসিদা গেম্স অসিগী “গর্ব সে গৌরব” শক্তাক্লিবা রাজ্যগী শা বারাসিংহগী জিতু মাস্কোতসু মায়খুম হাংদোকখি।

অরোইবদা মায়খুম হাংদোকখিবা অদুদি য়ু.পি.গী স্পোর্তস আইকোন ললিত উপাধ্যা, বন্দনা কতারিয়া, সুধা সিংহ, বিজয় য়াদব, দানিশ মুজতাবানা অমগী মতুং অমা স্তেজদা পুরকখিবা গেম্স তোর্চশিং মায়খুম হাংদোকখিবনা ওইখি।

লোগো

খোলো ইন্দিয়া য়িনিবর্সিতী গেম্স ২০২২ উত্তর প্রদেশগী ওফিসিয়েল লোগোনা ভারতকী খ্বাইদগী চাউবা রাজ্য উত্তর প্রদেশকী ইনাক খুল্লবা হেরিতেজবু উৎলি।