রোদ ত্রান্সপোর্ত অমদি হায়ৱেজকী কেন্দ্র মন্ত্রী শ্রী নিতিন গারকরীনা নেস্নেল হায়ৱে দিভেলপমেন্ত ইকোসিস্তেমগীদমক্তা পি.এম. গতী শক্তি মাস্তর প্লানগী মখাদা স্তেকহোল্দরশিংগী মরক্তা খুৎশম্ননা চৎমিন্নবা, তেংবাংনবা অমদি ঈ-পাউ ফাওদোক্নবা মথৌ তাই হায়বা ৱাফম থমখ্রে‍। ঙসি নই দিল্লীদা ইমপ্লিমেন্তেসন ওফ ই-বি.জি. অমদি ইন্স্যুরেন্স স্যুরতী বোন্দ ফোর কন্ত্রেক্তকী মতাঙদা পাঙথোকপা এন.ঐচ.এ.আই. ৱর্কসোপ্তা ৱা ঙাঙলদুনা, অকক্নবা মতমদা লৌথুপ লৌকোয় লৈতনা অমদি ফংলক্কদবা মহৈদা য়ুম্ফম ওইদুনা ফিরেপ লৌববা মথৌ তাই হায়না মহাক্না হায়খি‍।

থৌরম অদুদা রাজ্য মন্ত্রী জেনেরেল (দোক্তর) ভি.কে. সিংহ (রিতাইয়র্দ); শ্রী অনুরাগ জৈন, সেক্রেতরী, এম.ও.আর.তি.ঐচ.; শ্রী সান্তোস কুমার য়াদব চেয়রমেন, এন.ঐচ.এ.আই. অমদি এম.ও.আর.তি.ঐচ., এন.ই.এস.এল.ও আই.আর.দি.এ.আই., এন.ঐচ.এ.আই., এন.ঐচ.আই.দি.সি.এল.গী মকোক থোংবা ওফিসিএলশিং, ইন্দস্ত্রী এক্সসপর্তশিং, বেঙ্ক অমদি ইন্স্যুরেন্স কম্বেনীশিংগী মীহুৎশিংনা শরুক য়াখি‍।

ৱর্কসোপ অদুগী পান্দমদি স্তেকহোল্দরশিংগী মরক্তা ই-বি.জি. অমদি ইন্স্যুরেন্স স্যুরতী বোন্দশিংগী কান্নবশিং খঙহনবা অমদি হায়রিবা ইন্সত্রুমেন্তশিং অসি শীজিন্নবগী খোঙজেল য়াঙখৎহনবনি‍। ই-বি.জি. অমদি ইন্স্যুরেন্স স্যুরতী বোন্দশিং হেন্না পাক শন্না চৎনবনা থবক থৌওংশিংদা হেন্না অরোন অথুপ লৈহন্দবা অমদি মতিং লৈহনবা ঙমগনি‍।

ৱর্কসোপ অদুদা এন.ই.এস.এল., বেঙ্কশিং অমদি ইন্স্যুরেন্স কম্পেনীশিংনা তোঙান তোঙানবা প্রজেন্তেসনশিং উৎখি‍। সেসনশিং অদুনা ই-বি.জি. ৱর্কফ্লো, রিগুলেতরী ফ্রেমৱর্ক ওফ স্যুরতী বোন্দগী মতাঙদা মনুং হুৎনা নৈনখি অমদি ভেন্দরশিংগী অমদি বেনিফিসরীশিংগী খেন্নবা ফীভমশিংগী মতাঙদা নৈনখি‍।

এন.ঐচ.এ.আই.না বিদ সিক্যুরিতী অমদি পর্ফোর্মেন্স সিক্যুরিতী ই-বি.জি.গী মওংদা লৌবা হৌখ্রে‍। অদুম ওইনমক, হৌজিক্কী ওইনা স্তেত অমদি য়ুনিয়ন তেরিতরী ১৯দা লৈবা বেঙ্ক ১৯খক্তনা ই-বি.জি. থাদোকপগী ফেসিলিতী পীরি‍। মসি ওইদুনসু, ঙসি ফাওবদা এন.ঐচ.এ.আই. কন্ত্রেক্তকা মরী লৈনবা ই-বি.জি. ২০২ তোঙান তোঙানবা স্তেতশিংদা লৈবা বেঙ্কশিংনা এন.ই.এস.এল. প্লেৎফোর্মগী খুত্থাঙদা থাদোকখ্রে‍।

ইন্স্যুরেন্স স্যুরতী বোন্দশিংবু বিদ সিক্যুরিতী অমদি/নৎত্রগা পর্ফোর্মেন্স সিক্যুরিতী দিপোজিৎ থাজিন্নবগী অহেনবা থৌওং ওইনা শীজিন্নবগী মতাঙদা নৈননবা এন.ঐচ.এ.আই.না ইন্স্যুরেন্স কম্পেনীশিংগা ৱারী শানরি‍। থাদোক্লিবা ইন্স্যুরেন্স স্যুরতী বোন্দশিং অসি এন.ঐচ.এ.আই. প্রোজেক্তশিংগীদমক্তা শেল য়াম্না চঙদবা অমদি মতিক চাবা সিক্যুরিতী পীবা ঙমগনি‍।

বেঙ্ক গরেন্তী (বি.জি.) হায়বসি, করিগুম্বা ওরিজিনেল কন্ত্রেক্ততা য়াওরিবা দেত্তর অমনা কন্ত্রেক্কী তৌফম থোকপশিং মপুং ফানা তৌরকপা ঙমদ্রগদি, বেঙ্কশিংনা গরেন্তর অমা ওইদুনা গরেন্তীদা পীরিবা অকক্নবা শেন্ফম অদু বিনিফিসরীদা পীননবা ৱাফম য়াজরিবা লিগেল কন্ত্রেক্ত অমা ওইনা শীজিন্নবা ফাইনান্সিএল ইন্সত্রুমেন্ত অমনি‍। মতৌ অসুম্না, ইন্স্যুরেন্স স্যুরতী বোন্দশিং অসিনা, ইন্স্যুরেন্স কম্পেনীশিংনা কন্ত্রেক্তর অদুনা য়ানখিবা তর্মশিং অদুগী মতুং ইন্না তৌফম থোকপশিং তৌগনি হায়বগী ‘’ই্যুরতী’ অমা ওইদুনা ফাইনেন্সিএল গরেন্তী পীরিবা ইন্সত্রুমেন্তশিংনি‍। ভারত লৈঙাক্কী শেলথুম মন্ত্রালয়না লৈঙাক্কী প্রোকর্মেন্ত খুদিংমক্তা ই-বি.জি. অমদি ইন্স্যুরেন্স সুরতী বোন্দশিংদা চপ মান্ননা শীজিন্নবা য়াহনখ্রে‍।

ভারতনা দোলর ত্রিলিয়ন ৫গী শেন্মিৎলোন ওইননবা তানখৎলকপগা লোয়ননা, ই-বি.জি. অমদি ইন্স্যুরেন্স স্যুরতী বোন্দনচিংবা ইন্সত্রুমেন্তশিংনা লিকুইদিতী অমদি কেপাসিতী হেনগৎহন্দুনা নেস্নেল হায়ৱে ইনফ্রাস্ত্রকচর শেমগৎপগী থবক মপাঙ্গল কনখৎহনগনি অমদি ঐখোয়গী লৈবাকসিগী শেন্মিৎলোন চাওখৎহনবদা মতেং ওইগনি‍।

*****