কম্যুনিকেসন অমসুং ইনফোর্মেসন তেক্নোলোজী মন্ত্রালয়

খ্বায়দগী য়াঙবা ৫জি রোলআউত


গঙ্গোত্রীদা ২,০০,০০০শুবা ৫জি মফম হাংদোকখ্রে

থা ৮দা দিস্ত্রিক্ত ৬৯৬ কোনশিন্দুনা মফম ২,০০,০০০দা খিনখ্রে

হৌজিক স্তেত ২৮ অমদি য়ু.তি. ৮দা ৫জি নেতৱর্ক চৎনহনখ্রে

চার ধামদা ফাইবর কন্নেক্তিবিতী মীয়ামদা কত্থোকখ্রে

চারধামদা (বদ্রিনাথ, কেদরনাথ, গঙ্গোত্রী, য়ম্নোত্রী) হৌজিক্তি ৫জি মোবাইল কভরেজ অমদি ফাইবর কন্নেক্তিবিতীনা কোনশিল্লে

হায়রিবা লাইফম মরি অসিদা চৎলিবা লাই খুরুম্বশিংদা অপনবা লৈতবা কন্নেক্তিবিতী পীননবা খোঙজেল য়াঙবা ইন্তরনেৎ বেন্দৱাইথ পীরি

য়ু.এস.এ.না ভারতকী ৪জি/৫জি তেক্নোলোজী স্তেক্তা অপাম্বা উৎলক্লে

Posted On: 24 MAY 2023 10:27PM by PIB Imphal

প্রধান মন্ত্রী শ্রী নরেন্দ্র মোদীনা উত্তরাখন্দগী মনাদা তোঙান তোঙানবা প্রোজেক্তশিংগী উরেপ উয়ুং তম্বদা হায়খি, “২১শুবা চহিচাগী চাওখৎপা ভারতকী মরুওইবা য়ুম্বী অনি লৈ‍। অহানবদা ঐখোয়গী পারি পুরীগী লনদা চাউথোকচবা পোকপা, অমদি অনিসুবদা, চাওখৎপা পুরক্নবগীদমক তৌবা য়াবা পুম্নমক তৌবা হায়বসিনি, অদুগা উত্তরাখন্দনা হায়রিবা য়ুম্বী অনিমকপু মপাঙ্গা কনহল্লি‍।”

প্রধান মন্ত্রীগী মঙলান মঙফাওনহন্নবগী মখা তাবা খোঙথাঙদা অমদি চাওখৎপগী য়ুম্বীশিং মপাঙ্গল কলহন্নবগীদমক, কমম্যুনিকেসন, রেলৱেজ অমদি ইলেত্রোনিক্স অমসুং আই.তি.গী কেন্দ্র মন্ত্রী, শ্রী অস্মিনী বৈষ্ণব অমদি শ্রী পুস্কর সিংহ ধামী, উত্তরাখন্দকী মুখ্য মন্ত্রীনা ঙসি গঙ্গোত্রীদা ২,০০,০০০শুবা ৫জি সাইত হাংদোকখ্রে অমদি দেহরাদুন্দা চারধামদা তিংবা ফাইবর কন্নেক্তিবিতী লৈবাক্কী মফমদা কত্থোকখ্রে‍। কেন্দ্র অমদি স্তেত লৈঙাক্কী তোঙান তোঙানবা মকোক থোংবা ওফিসিএলশিংসু থৌরমদুদা হকথেংননা অমদি ভর্চুএল ওইনা শরুক য়াখি‍।

প্রধান মন্ত্রীনা ওক্তোবর ১, ২০২২দা ৫জি সর্ভিস হৌদোকখি অমদি থা ৮গী মনুংদা দিস্ত্রিক্ত ৬৯৬ কোনশিন্দুনা মফম ২,০০,০০০দা ইন্সতোল তৌখি‍। স্তেত ২৮ অমদি য়ু.তি. ৮মক্তা হৌজিক্তি ৫জি রোল আউত তৌখ্রে‍। মসি মালেমগী ওইনা খ্বায়দগী খোঙজেল য়াঙবা ৫জি রোল আউতশিংগী মরক্তা অমনি‍।

চারধামদা (বদ্রিনাথ, কেদরনাথ, গঙ্গোত্রী, য়ম্নোত্রী) হৌজিক্তি ৫জি মোবাইল কভরেজ অমদি ফাইবর কন্নেক্তিবিতীনা কোনশিল্লে‍। চারধাম য়াত্রাদা লৈরিবা তৱার অয়াম্বা হৌজিক্তি শমখ্রে‍।

খোঙজেল য়াম্না য়াঙবা বেন্দৱাইথ পীরিবা ফাইবর কন্নেক্তিবিতীনা হায়রিবা লাইফমশিং অসিদা লাই খুরুম্বা লাক্লিবা মীওইশিংদা অপনবা লৈতবা এক্সেস পীনবগীদমক খোঙজেল য়াম্না য়াঙবা ইন্তরনেৎ বেন্দৱাইথ ফংহনগনি অমদি লৈঙাক্কী মীয়ামদা য়ুম্ফম ওইবা থৌশিল থৌরাংগী শরুক অমা ওইরিবা মীয়ামগী পুন্সি হিংবদসু কোমহল্লগনি‍। লাই খুরুম্বা লাকপা মীশিং য়াম্লগসু লাইশঙ অমদি খোঙচৎ পরিং পুম্বদা ভোইস অমদি ভিদিও কোলগী ক্বালিতী য়াম্না ফরগনি‍। ঘঙ্গারিয়াদগী হেমকুন্দ সাহিব ফাওবগী ত্রেক্কিং লম্বী পুম্বসু (কিলোমিতর ৬) মোবাইল সর্ভিসনা কোনশিল্লে‍।

তিল্লিবা মীয়ামদা ৱা ঙাঙলদুনা, শ্রী অস্বিনী বৈষ্ণবনা প্রধান মন্ত্রী শ্রী নরেন্দ্র মোদীগী লুচিং মখাদা ভারতনা তেলিকোমগী য়াওল অমা উবা ফংলি হায়খি‍। ৫জি রোলআউত অসি মিনৎ খুদিংগী মফম অমমমগী চাংদা খিন্দুনা মালেমগী খ্বায়দগী খোঙজেল য়াঙবা রোল আউতশিংগী মরক্তা অমা ওইরি‍। স্পেক্ত্রম য়েন্থোকপগী থবক থা অনিদা পাঙথোকখি অমদি এলোকেসন লেত্তর পুং ২৪গী মনুংদা পীদুনা মশানা অদুমক রেকোর্দ ওইবা ফীভম লৈখি‍। ২,০০,০০০শুবা মফম অসি চার ধামগী গঙ্গোত্রীদা খিল্লিবা অসি তশেংনমক চাউথোকচনিংঙাইগী মশক্নি হায়না মহাক্না হায়খি‍। ৬জি তেক্নোলোজী শেমগৎপদা মাঙজিল থাননবা প্রধান মন্ত্রীনা মঙলিবা মঙলান পরিংদা চঙশিল্লদুনা, ভারতনা ৬জি তেক্নোলোজীদা পেতেন্ত ১০০ হেন্না লৌরে, অমদি মসিনা লৈবাকসিদা হৈথোই শিংথোইরবা ইঞ্জিনিয়রশিং অমদি ইনোভেতরশিং লৈ হায়বা উৎলি হায়নসু মহাক্না হায়খি‍। য়ু.এস.এ.গুম্বা চাওখৎলবা লৈবাকশিংনা ভারতকী ৪জি/৫জি তেক্নোলোজী স্তেক্তা অপাম্বা মতৌ উৎলি হায়না মহাক্না মখা তানা হায়খি‍। মহাক্না উত্তরাখন্দা তেলিকোম সর্ভিসশিং খোঙজেল য়াম্না য়াঙনা শেমগৎপদা মতেং পাংলিবা ঙাক্লৌ অমদি থুনা ক্লিয়রেন্স পীরকপগীদমক উত্তরাখন্দ লৈঙাকপু থাগৎপা ফোঙদোকখি‍।

উত্তরাখন্দগী মুখ্য মন্ত্রী শ্রী পুস্কর সিংহ ধামনা স্তেত অদুগী খ্বায়দগী মনুং হঞ্জিনবা মফমশিংদা তেলিকোম সর্ভিসশিং কম্মিসন তৌবদা পীরিবা ঙাক্লৌগীদমক সর্ভিস প্রোভাইদরশিংবু থাগৎখি‍। চারধামদা কন্নেক্তিবিতী পীবনা লাই খুরুম্বা লাক্লিবশিংবু মখোয়গী ইমুং মনুং অমদি মালেমগা শম্ননা লৈহনবদা মতেং ওইরগনি‍। তেলিকোমগী য়াওলদা খ্বায়দগী মনুং হঞ্জিনবা খুঙ্গংশিংসু কোনশিল্লি‍। প্রধান মন্ত্রীনা ২১শুবা চহিচাগী ৩শুবা দেকেদ অসি উত্তরাখন্দগী দেকেদ ওইগনি হায়খিববু মহাক্না নীংশিংখি‍। ভারতনা তেক্নোলোজীদা মাঙজিল থানা চঙশিল্লি‍। চীংদা খোঙজেল য়াঙবা ইন্তরনেৎ ফংহনবনা দিজাস্তর মেনেজমেন্ত অমদি রিএল তাইম বেসিসকী সর্ভিলেন্সগী থৌওংশিংসু ঙমহল্লগনি হায়না মহাক্না হায়খি‍। মালেম পুম্বদা তৌনরিবা দিজিতেল ত্রাঞ্জেক্সন পুম্বগী চাদা ৪০দি ভারত্তাগীনি হায়বা ৱাফমসু মহাক্না পনখি‍। ভারতনা ৫জিগী লমদা মালেমগী ওইবা স্তেন্দর্দ শেম্লি অমদি ভারতনা মোবাইল পুথোকপদা লুচিংবা অমা ওইনা থোরক্লি হায়বা ৱাফমসু মহাক্না ফোঙদোকখি‍। মহাক্কী ৱারোল দিভাইস, দিজিতেল কন্নেক্তিবিতী, দেতা রেত অমদি দিজিতেল ফর্স্তনচিংবা মরুওইবা হীরমশিংদা মীৎয়েঙ থমখি‍। অন্তয়োদয়াগী পান্দম ফংননবগীদমক কেন্দ্র অমদি স্তেত লৈঙাক্না লাস্ত মাইল কন্নেক্তিবিতী ফংহন্নবা পুন্না চৎমিন্নরি হায়বা ৱাফম ফোঙদোক্তুনা মহাক্কী ৱারোল লোইশিনখি‍।

উত্তরাখন্দদা হৌজিক হৌজিক পায়খৎলিবা তোঙান তোঙানবা তেলিকোম, পোস্তেল অমদি রেল প্রোজেক্তশিংসু য়েংশিনখি‍।

ভারত লৈঙাক্না লৈবাকসিগী খ্বায়দগী মনুং হঞ্জিনবা খুঙ্গং খুদিংদা অমদি মীওই খুদিংদা মালেমগী থাক্কী কন্নেক্তিবিতী ফংহন্নবা চোকথবা নাইদনা থবক পায়খৎলি‍।

উত্তরাখন্দদা তেলিকোম কন্নেক্তিবিতীগী তোঙান তোঙানবা থৌরাংশিং

স্তেত অসিগী খ্বায়দগী মনুং হঞ্জিনবা মফম ফাওবদা খোঙজেল য়াঙনা মপাঙ্গল য়াম্না কনবা অমদি মমল তাবা কম্ম্যুনিকেসন সর্ভিসশিং য়ৌহন্নবগীদমক কম্ম্যুনিকেসন মন্ত্রালয়না য়াম্লবা প্রোগ্রামশিং অমদি হেন্না নৌবা তেক্নোলোজীশিং পায়খৎলি‍।

ঙসি উত্তরাখন্দ স্তেত্তা লৈরিবা তেলিকোম সর্ভিসশিং মখাদা পীরি:

  • খুঙ্গংগী মীশিংগী চাদা ৯২.৫ ৪জি মোবাইল সিগ্নেলনা কোনশিল্লি (৩০.০৪.২০২৩ ফাওবদা উত্তরাখন্দ স্তেত্তা মোবাইল সব্সক্রাইবর করোর ১.৪ অমদি ৱাইয়রলাইন সব্সক্রাইবর লাখ ৩.২ লৈরে)
  • হায়রিবা অসি ৩০,০০০ বি.তি.এস.কী তৱার ৯,০০০না কোনশিনবনি
  • উত্তরাখন্দকী তৱার কয়া অমদি ৫জি কেপাসিতীদা অপগ্রেদ তৌখ্রে

হৌখিবা চহিশিংদা, মখাদা পীরিবা অখন্নবা প্রোগ্রামশিং অসি উত্তরাখন্দদা মায় পাক্না পায়খৎখ্রে:

ক.   ৩৫৪ য়ু.এস.ও.এফ. স্কীম: উত্তরাখন্দদা তৱার ৫৬ থৌরাং তৌখি, মদুগী মনুংদা মফম ৪১দা চলাইবা হৌখ্রে, লেমহৌরিবা মফমশিংদা থবক পায়খৎলি

খ.    ৪জি সেচুরেসন স্কীম: স্কীম অসিগী মখাদা অপুনবা খুঙ্গং ১২৩৬ কোনশিন্নবা থৌরাং তৌখি, খুঙ্গংগী মফম ৩৬০দা অনৌবা তৱারশিং ফাইনেলাইজ তৌখ্রে, অহেনবা খুঙ্গং ৩৮২সু প্রপোজ তৌখ্রে, অমদি মফম ৭৭তা হান্না লৈরিবা তৱারশিং ৪জিদা অপগ্রেদ তৌরি‍। স্তেত অসিগী খুঙ্গং খুদিংমক্তা ৪জি মোবাইল সর্ভিস ফংহন্নবগী সর্ভে চত্থরি‍।

গ.    ভারতনেত প্রোজেক্ত: প্রোজেক্ত অসিগী ফেজ-১গী মখাদা তৌরিবা অপুনবা থৌরাংদি গ্রাম পঞ্চায়ত ১৮৪৯ (বি.ঐচ.ক্যু.শিং য়াওরগা) কোনশিনবনি; মসিগী মনুংদা খুঙ্গং/জি.পি. ১৮১৬তি হান্ননা ইন্তিগ্রেত তৌখ্রে (২২/০৫/২০২৩ ফাওবদা)‍। লেমহৌরিবা জি.পি. ৩৩দা জুন ২০২৩ ফাওবগী মনুংদা লোইশিন্নবা পান্দম থম্লি‍।

********



(Release ID: 1928521) Visitor Counter : 101