জি.-২০ কাউন্সিলগী অনিশুবা দিজাস্তর রিস্ক রেদক্সন ৱার্কিং গ্রুপ (দি.আর.আর.দবল্যু.জি.)কী মীফম অদু তেক্নিকেল অমসুং ফংস্নেল লেভেলদা লৈবা ওফিসিয়েলশিংনা দিজাস্তর রিস্ক রেদক্সনগী মতাংদা খন্ন-নৈনবা খুদিংমক্কী খ্বাইদগী মরু ওইবা থীম অমা ওইনা দিজাস্তর রেজিলিয়েন্ত ইনফ্রাস্ত্রকচর অমসুং দিজাস্তর রিস্ক রেদক্সনগী ফাইনান্সিংগী মরু ওইবগী মতাংদা ৱাখল তামিন্নদুনা ঙসি মুম্বাইদা লোইশিনখ্রে।

দেলিগেতশিং অদুনা ইনফ্রাস্ত্রকচর প্রোজেক্তশিংদা ইনভেস্তমেন্ত তৌবদা মতেং পাংবা, ফ্রেগমেন্তাশন তৌহন্দবা অমসুং অসিগুম্বা ইনফ্রাস্ত্রকচর প্রোজেক্তশিং অসিগী থবক পাইখৎপবু প্রোমোত তৌবা ইনস্তিত্যুস্নেল ফরেমৱার্ক অসি য়াম্নমক মথৌ তাই অমসুং জি.-২০গী লৈবাকশিংগী নেস্নেল লিগেল ফ্রেমৱার্ক্তা থৌগৎকদবনি হায়না হায়খি।

অফবা চৎনবীশিং তাথোক-তাশিন তৌবা অমসুং জি.-২০ লৈবাকশিংদগী কেস স্তদীশিংশু খন্ন-নৈনখি। দি.আর.আর.দবল্যু.জি.গী চিয়র (ভারত) অমসুং নেস্নেল দিজাস্তর মেনেজমেন্ত ওথোরিতী (এন.দি.এম.এ.)গী মেম্বর-সেক্রেতরী, শহরী কমল কিশোরনা অসিগুম্বা দেতা খোমগত্তুনা অমসুং অর্লী ৱার্নিং অমসুং অর্লী এক্সন, রেজিলিয়নে্ত ইনফ্রাস্ত্রকচর অমসুং দিজাস্তর রিস্ক রেদক্সনগীদমক্তা ফাইনান্সিং তৌবা হায়রিবা হিরমশিং অসিদা কমপেন্দিয়ম খুৎশম্নদুনা শেমগৎপদা মতেং পাংগনি হায়না হায়খি। সরকারগী দেলিগেতশিং, দি.আর.আর. সপএসিয়েলিস্তশিং, য়ু.এন. এজেন্সী ওফিসিয়েলশিং, কম্যুনিতীদা য়ুমফম ওর্গনাইজেশনশিংগী মীহুৎশিং অমসুং রিসর্চ ওর্গনাইজেশনশীংনা অনিশুবা দি.আর.আর.দবল্যু.জি. মীফমদা শরুক য়াখি। কোলিশন ফোর দিজাস্তর রেজিলিয়নে্ত ইনফ্রাস্ত্রকচর (সি.দি.আর.আই., য়াম্না মরু ওইবা স্তেকহোল্দর অসিশু খন্ন-নৈনবশিং অদুদা শরুক য়াখি।

এন.দি.এম.এ.না দিজাস্তর রিস্ক রেদক্সনগীদমক্তা ইকো-বেস্দ এপ্রোচকী মতাংদা থৌরম অমা পাথোকপগা লোইননা মীফম অদু লোইশিনখি, হায়রিবা থৌরম অসি নোলেজ পার্তনরশিং খুদম ওইনা য়ুনাইতেদ নেস্নস ওফিস ফোর দিজাস্তর রিস্ক রেদক্সন (য়ু.এন.দি.আর.আর), অঙাশিং আমসুং নহারোলশিংগী ওইবা য়ু.এন.গী য়াম্না মরু ওইবা গ্রুপ, য়ু.এন.ই.পি. অমসুং অতোপ্পশিংগা খুৎশম্নদুনা শিনখি।

দেলিগেত ১২২না শরুক য়াখিবা মুম্বাইদা পাংথোকখিবা অনিশুবা দি.আর.আর.দবল্যু.জি. মীফম মনুংদা, ফাইনান্সিং দিজাস্তর রিস্ক রেদক্সন হায়রিবা হিরম অসিগী মতাংদা অকন্নবা মিৎয়েং থমদুনা লনাইগী সেক্তরশিংগা লোইননা রাউন্দ তেবল অমা পাংথোকখি, মসিদা মশিং য়াম্লবা পার্তিসিপেন্তশিংনা শরুক য়াখি। খন্ন-নৈনবা অদুনা দি.আর.আর. স্পেস লুক্রেতিব থিবদা লনাইগী সেক্তরনা মায়োক্নবা শিংনবশিং অদুবু খঙননবা পান্দম থমখি।

তেক্নিকেল সেসনশিং অদুদা, জি.-২০ লৈবাকশিংনা মথংগী চহি অহুমগীদমক্তা দই.আর.আর.দবল্যু.জি.গীদমক্তা রোদমেপ অমা শেম্বগী মতাংদা খন্নখি। ভারতকী প্রেসিদেন্সী অসিনা মসিগী অনৌবা থৌরাংশিং অসিবু মাংদা পুখৎনবা ত্রোইকা লৈবাকশিং অমসুং সাউথ অফ্রিকাগী মরক্তা ওনরশিপ পীবদা থাজবা থম্লি। মসিনা আশা তৌরিবসি দিজাস্তর রিস্ক রেদক্সন অসি পোলিসী স্পেসতা মেনস্ত্রীম ওইহনবদুনি, অমসুং দি.আর.আর.গী ফাইনান্সিং ইনস্ত্রুমেন্তশিং অমসুং মেকানিজমশিংনা দিজাস্তর রেসপোন্সতগী এন্তিসিপেতরী এক্সন অমসুং রিস্ক রেদক্সনদা পারাদাইম সিফ তৌবদা মতেং পাংলগনি হায়না থাজবা থম্লি।

অহৌবগী থৌরম অসিদা হকশেল অমসুং য়াইফ-য়ুম্বালগী রাজ্য মন্ত্রী, দা. ভারতি পাৱর, অমসুং ৱার্কিং গ্রুপকী চিয়র অমসুং নেস্নেল দিজাস্তর মেনেজমেন্ত ওথোরিতী (এন.দি.এম.এ.)গী সেক্রেতরী, শ্রী কমল কিশোরনা শরুক য়াখি। মীফম অসিগী মপান্দা ব্রিহানমুম্বাই মুনিসিপাল কোর্পোরেশনগী দিজাস্তর মেনেজমেন্ত দিপার্তমেন্তনা শিনবা “সাফের মুম্বাই, ফ্যুচর রেদী মুম্বাই – এ ফোতোগ্রাফিক পোর্ত্রেয়ল”গী মতাংদা ফোতো একজিবিশন অমা  কেন্দ্রগী হকশেল অমসুং য়াইফ-য়ুম্বালগী রাজ্য মন্ত্রীনা হৌদোকখি। য়ুমলৈ-কৈরৈ মন্ত্রালয় (এম.ঐচ.এ.)দগী সেনিয়র ওফিসিয়েলশিং, এক্সতর্নেল এফিয়র্স মন্ত্রালয় (এম.ই.এ.) অমসুং মহারাস্ত্র সরকারশু থৌরম অদুদা শরুক য়াখি। মরু ওইনা, য়ুনাইতেদ নেসন্স ফোর দিজাস্তর রিস্ক রেদক্সনগী জেনরেল সেক্রেতরীগী সপেসিয়েল সেক্রেতরি, সুকুমারি মামি মিজুতোরিশু দেলিগেতশিং অদুগী মরক্তা য়াওখি।

দি.আর.আর.দবল্যু.জি. মীফমগী অহানবা নুমিত্তা খন্ন-নৈনখিবা অদুনা মরু ওইবগী মতুং ইন্না সব থীমশিংদা মখাতানা খাইদোক্লবা নুমিৎ চুপ্না ইরোইননা পাংথোকপা থৌরম অমগী খুত্থাংদা, “ফাইনান্সিং ফোর দিজাস্তর রিস্ক রেদক্সন” হায়বা হিরম অসিদা মরু ওইবা মিৎয়েং থমদুনা পাংথোকখি।  দেলিগেতশিং অদুনা সহরশিবু রেজিলিয়েন্ত ওইহনবা, অর্বান ইনফ্রাস্ত্রকচরদা ফাইনান্সিং তৌবা, তুংগীদমক্তা নিংথিনা শেম-শারবা অর্বান ইনফ্রাস্তরকচর অসিনচিংবা তোঙান-তোঙানবা হিরমশিং অসিদা খন্নখি। মীফম অদুনা অতোপ্পা মরু ওইবা থীমশিং, খুদম ওইনা প্রাইভেত ইনভেস্তমেন্তশিংবু ইন্সেন্তিভাইজ তৌবা, সেক্তোরেল ইন্তর্ভেন্সনশিং, রিকনস্ত্রক্সনগীদমক্তা ইন্সুরেন্সকা মরি লৈনবা মেকানিজমশিং অমসুং সোসিয়েল প্রেতেক্সন মেকানিজমশিংগী মতাংদশু খন্নখি। মসিগী সাইদ ইভেন্ত অসিদা মরু ওইবা ইন্তর্নেস্নেল ওর্গানাইজেশনশীং খুদম ওইনা য়ু.এন.দি.পি., ও.ই.সি.দি., আই.এম.এফ., এ.দি.বি. অমসুং ই.বি.আর.দি.দগী এক্সপর্তশিংনা শরুক য়াখি।

ভারতকী জি.-২০ প্রেসিদেন্সীগী মখাদা দিজাস্তর রিস্ক রেদক্সন ৱার্কিং গ্রুপকী অহুমশুবা অমসুং অরোইবা মীফম অদু ২০২৩গী জুলাই ২৪দগী ২৬ ফাওবা চেন্নাইদা পাংথোক্লগনি। দি.আর.আর.দবল্যু.জি. অসি ভারতকী জি.-২০ প্রেসিদেন্সীগী মখাদা পাইখৎলকপা অনৌবা থৌরাংনি। অহানবা দি.আর.আর.দবল্যু.জি. মীফম অদু হন্দক্কী চহি অসিগী মার্চ-এপ্রিলদা গান্ধিনাগরদা পাংথোকখি। জি.-২০দা দিজাস্তর রিস্ক রেদক্সনবু য়াওহন্নবগী ভারতকী অনৌবা থৌরাং অসি ২০১৫দগী ২০৩০ ফাওবগী দিজাস্তর রিস্ক রেদক্সনগীদমক্তা সেন্দাই ফ্রেমৱার্ক (সেন্দাই ফ্রেমৱার্ক)কী শরুক অমনি। মসি মেম্বর স্তেতশিংদা খঙহৌদনা থোরকপা খুদোংথিবশিংদগী চাউখৎ-থৌরাংগী ওইবা কান্নবশিং অদুবু ঙাক-শেন্দুনা থম্নবা মপুং ফাবা এক্সন প্লান অমা পীবা অহানবা মরু ওইবা এগ্রীমেন্ত অমা ওইখি।

* * *