ঙসি এন.সি.সি. পেরেদ গ্রাউন্দদা শিনখিবা ‘য়োগ মাহোতসব’তা থৱাই য়াওবা মী লিশিং ৫০,০০০না শরুক য়াবা থেংনখি। আয়ুশ মন্ত্রালয়গী মখাদা মোরারজী দেসাই  নেস্নেল ইনস্তিত্যুত ওফ য়োগ (এম.দি.এন.আই.ৱাই.)না শিনখিবা থৌরম অদু ইন্তর্নেস্নেল দে ওফ য়োগ লাক্কদবা নুমিৎ ২৫ খক্তা ঙাইবগী পাংথোকখিবনি।

ইকাইখুম্নরবা তেলঙ্গনাগী রাজ্যপাল, দা. তামিলিসাই সৌন্দারাজন্না থৌরম অদুগী অথোইবা মীথুংলেন ওইনা শরুক য়াখিবগা লোইননা কেন্দ্রগী আয়ুশ মন্ত্রী, শ্রী সর্বানন্দা সোনোৱাল; কেন্দ্রগী কলচর, তুরিজম অমসুং দোনরগী মন্ত্রী, শ্রী জি. কিশন রেদ্দী; কেন্দ্রগী আয়ুশকী রাজ্য মন্ত্রী, দা. মুনিপারা মহেন্দ্রভাইনা মসিগী চাউরবা থৌরম অসিবু য়াম্না চাউবা মাইপাকপা অমা ওইহন্নবা শরুক য়াখি।  সহর অসিদগী সেলেব্রিতীশিং খুদম ওইনা পদ্মা ভুশন এৱার্দী অমসুং শক্নাইরবা বেদমিন্তনগী শান্নরোই অমসুং কোচ পুল্লেলা গোপিচন্দ; সিনে এক্তর স্রিলীলা, ভিশ্বাক সেন, কৃষন চৈতন্যানা ঙসিগী য়াম্না নুংঙাইরবা থৌরম অসিদা শরুক য়াখি। এম.দি.এন.আই.ৱাই.গী দাইরেক্তর, দা. ইশ্বর ভি. বাসাবারদ্দিনা মী লিশিং কয়া অমনা স্পিরিচুৱল ওইবা মওংদা য়োগ পাংথোক্লিঙৈদা কমন য়োগ প্রোতোকোল (সি.ৱাই.পি.) পাংথোকখি।

থৌরম অদুদা ৱা ঙাংলদুনা, দা. তামিলিসাই সৌন্দারারাজন্না য়োগবু হরাও-নুঙাইবগী কুম্মৈ, হকশেল ফবগী কুম্মৈ অমা ওইনা পাংথোকপা হায়বসি ঐখোয় পুম্নমক্কী য়াম্না অফবা খুদোংচাবা অমনি হায়না হায়খি। মহাক্না মীপুম খুদিংমকপু য়োগ তৌনবা হায়খি। মহাক্না মখা তারদুনা য়োগনা নখোয়বু নুঙাইহনগনি, য়োগনা নখোয়বু হকচাং ফহনগনি, য়োগনা নখোয়বু ফজহনগনি হায়না হায়খি।

মীয়মগী মীতিন অদুদা ৱা ঙাংলদুনা, শ্রী সর্বানন্দা সোনোৱালনা হায়খি, “ঙসিগী য়োগ মাহোতসব অসিদা মী লিশিং কয়া অমনা য়োগগী খুত্থাংদা হকচাং ফনবগী অফবা থৌগল অমা পাংথোকপা উবআ অসিদা ঐগী থমোই অসি নুংঙাইবনা থল্লে। মসি ভারতকী নিংথিরবা হেরিতেজকী খুদম অমনি, মালেম অসিনা চহি খুদিংগী জুন ২১দা য়োগবু সেলেব্রেত তৌবা হৌরকপদগী য়োগবু মমাংদা অমুক্তা থোকখিদ্রিবা মওংদা হেন্না ইনোৎ হাপ্লকখি। য়োগনা লেপ্তনা মালেম শিনবা থুংনা  য়ৌশিল্লক্লি অমসুং মখোয় পুম্নমক্না মখোয়গী ফিজিকেল, মেন্তেল অমসুং স্পিরিচুৱলগী ওইবা মওংদা ফগৎলকখি। য়োগনা জাত-বিজাত, লাইনিং-লাইশোল, নুপা-নুপী, ধর্ম অমসুং লেবাক্কী খেৎনবা অমত্তা থমখিদে। মালেম অসিদা চহি খুদিংমক্কী মীওইশিং মখোয়গী কান্ননবগীদমক্তা য়োগবু পাম্নরকখি। হন্দক্কী চহি অসিগী আই.দি.ৱাই.গী থীম – ৱাসুধৈবা কুতুম্বকমগীদমক্তা য়োগ তৌবা অসি থোইদোক্না চানবা ওইখি। মসিনা য়োগবু নেস্নেল অমসুং গ্লোবলগী থাক্তা মীয়ামগী মুদ, স্পিরিৎ অমসুং মীয়ম্না পাম্নরিবা অদুবু ময়েক শেংনআ থাক্লি। খুঙ্গংদা লৈবা মীশিংদগী হৌরগা সহরদা লৈবা মীশিং ফাওবা, মহৈরোইশিংদগীনা য়ুমদা লৈরিবশিং অমসুং কোর্পোরেত্তা থবক তৌরিবশিং ফাওবা মীপুম খুদিংমক্না হকচাং অমসুং ৱাখল ফনা লৈনবগীদমক্তা য়োগবু পাম্নরক্লি। ঐখোয়গী মতিক-মগুন লৈরবা প্রধান মন্ত্রী, শ্রী নরেন্দ্র মোদী জীনা অৱাবা লৈতনা হোৎনরকখিবা অদুনা মরম ওইরগা হান্নদগীশু হেন্না য়োগগী শাফু অমসুং মালেমগী মীয়াম্না পাম্নবা হেনগৎলক্লি। ঙসিদি মালেম পুম্বনা য়োগবু হোলসি্তিক হেল্থ অমসুং ৱেল-বিংগী পাম্বৈ অমা ওইনা মীয়াম্না পাম্নরক্লি।”

হন্দক্কী চহি অসিগী আই.দি.ৱাই.গী থৌরম পাংথোকপদা পুরক্লিবা অহোংবশিং অদুবু পল্লদুনা, শ্রী সোনোৱালনা মখাতানা হায়খি মদুদি হোংলক্লিবশিং অসি ইন্তর্নেস্নেল, নেস্নেল অমসুং লোকেলগী থাক্তা ওইগনি হায়না হায়খি।

“ইন্তর্নেস্নেলগি থাক্তা, জুন ২১দা ঙাকশেল মমন্ত্রালয়, এক্সতর্নেল এফিয়র্স মন্ত্রালয় অমসুং পোর্ত, শিপ্পিং অমসুং ৱাতরৱেজ মন্ত্রালয়না  হিথাংফম কয়া অমদা, হিং কয়া অমদা য়োগ দেমোন্সত্রেশনশিং পাংথোক্লগনি অমসুং য়োগগী ওসীন রিং অমা শেম্লগনি অমসুং এক্সরসাইজ অসিদা মরুপ ওইরিবা লৈবাকশিংনা শরুক য়ারগনি। অসুম্না য়োগ দেমোন্সত্রেশন অসি আর্ক্তিক্তগীনা এন্তার্তিকা ফাওবা পাংথোক্লগনি - প্রাইম মেরিদিয়ন লাইনদা লৈবা নত্রগা মনাক্তা লৈবা লৈবাকশিংনা  য়োগ দেমোন্সত্রেশন অসিদা শরুক য়ারগনি। আই.এন.এস. ৱিক্রান্ত অমসুং আই.এন.এস. ৱিক্রমদিত্যগী ফ্লাইত দেকশিংদা চপ মান্ননা য়োগ দেমোন্সত্রেশন উৎলগনি। য়োগ ভারতমালাগী মখাদা, ভারতকী লান্মী, ভারতকী এয়র ফোর্স, ভারতকী কোস্ত গার্দ অমসুং বোর্দর রোদ ওর্গনাইজেশনশিংনা খুৎশম্নদুনা বোর্দরশিংদা, কোস্তশিংদা অমসুং আইলেন্দশিংদা য়োগ ভারতমালা শেম্না য়োগ দেমোন্সত্রেশনদা শরুক য়ারগনি। য়োগ অসি নোর্থ অমসুং সাউথ পোলদশু পাংথোক্লগনি।  আর্ক্তিক্কী স্বালবার্দতা লৈবা ভারতকী রিসর্চ বেস – হিমাদ্রিগা লোইন-লোইননা ভারতি-  এন্তার্তিকাদা লৈবা ভারতকী অহুমশুবা রিসর্চ বেসতশু পাংথোক্লগনি। লোকেলগী থাক্তা, পঞ্চায়তশিং, অঙ্গনৱাদিশিং, আশা.এ.এন.এম.শু য়োগ দেমোন্সত্রেশন অসিদা শরুক য়ারগনি। লৈবাক অসিদা লাখ ১.৫ হেন্না লৈরিবা হকশেল অমসুং আয়ুশ মন্ত্রালয়গী হেল্থ অমসুং ৱেলনেস সেন্তরশিং অমসুং অমৃত সরোৱরশিং পুম্নমক (চাউরাক্না লিশিং ৫০) না য়োগ দেমোন্সত্রেশন অসিদা শরুক য়ারগনি। হন্দক্কী চহি অসিদা ঐখোয়না ‘হর আঙ্গন য়োগ’ অসিগী অশেংবা ৱাখল্লোন্দা উবা ফংলগনি” হায়না মহাক্না খঙহল্লকখি

থৌরম অদুদা ৱা ঙাংলদুনা, শ্রী জি. কিশন রেদ্দীনা হায়খি, “ য়োগ অসি মীওইবা জাতি অসিবু হকচাং ফনা অমসুং তিঞ্জং-কাইজংদনা থম্নবা ভারতকী ফজরবা হেইরতেজ অসিগী য়াম্না অফবা খুদোলনি।  ঐখোয়া ময়াম্না মফম অসিদা পুল্লরবা অসিগুম্না মীয়াম্না মসিদা শরুক য়াবা অসিনা য়োগগীদমক্তা মীয়াম্না নুংশিবীবা অদুবু ময়েক শেংনা তাক্লি। ভারতকী কলচর ফজবা অসিবি প্রধা মন্ত্রী, শ্রী নরেন্দ্র মোদী জীগী দাইনামিক ওইবা লুচিং মখাদা অমুক হন্না ইংগৎহল্লরে, মরমদি হৌজিক্তি মসি হকচাং ফনা লৈনবগী মাইকৈদা মালেমগী ওইবা খোংজং অমা ওইরক্লে। ঙসিগী তাইবং অসিদা, ইশাবু ইং তপ্না অমসুং পুক্নিং চংনা লৈহনবদা য়োগনা লৌরিবা থৌদাং অসি য়াম্না চাউই। ঐখোয় পুম্নমক্না য়োগ তৌদুনা অমসুং নুমিৎ খুদিংগী লেপ্তনা তৌদুনা মসিবু মিৎকুপ খুদিং সেলেব্রেত তৌরি। ইন্তর্নেস্নেল দে ওফ য়োগ পালন তৌনবগী মতম্না অসুম নকশিল্লকপা লোইনা ঐখোয়না মসিগী থৌরম অসিবু য়াম্না চাউবা মাইপাকপা অমা ওইহনসি।”

মহাক্কী ৱেলকম এদ্রেসতা, দা. মুনিপারা মহেন্দ্রনা হায়খি, “ইন্তর্নেস্নেল দে ওফ য়োগ অসি মালেম শিনবা থুংনা মশক খঙলে। ঐখোয়গী ইকাইখুম্নরবা প্রধান মন্ত্রী, শ্রী নরেন্দ্র মোদী জীনা অৱাবা লৈতনা অমসুং মিৎয়েং শান্না থমদুনা থাংজিনবা খোংথাং অদুনা মরম ওইরগা য়োগগী লিরবা সাইন্স অসি য়াম্না য়াংনা মালেম অসিগী লৈবাক অয়াম্বদা হকশেল ফনা থম্বগী খোংচৎকী শরুক অমা ওইরক্লি। নুমিৎ ২৫নিগী কাউন্তদাউন অসিনা আই.দি.ৱাই, ২০২৩ অসি য়াম্না নকশিল্লক্লে হায়না তাক্লি অমসুং ঐহাক্না নখোয় ময়াম্বু অসিগুম্বা য়াম্না মরু ওইবা থৌরম অসিগী শরুক অমা ওইবগীদমক্তা হন্না-হন্না থগৎপা ফোংদোক্লি। ঐহাক্না মীপুম খুদিংমক্তা মৈরা অদুবু চুখত্তুনা থম্নবা আপীল তৌরি।”

থৌরম অদুদা আয়ুশ মন্ত্রালয়গী সেক্রেতরী ভৈদ্য রাজেশ কোতেচা; আয়ুশ মন্ত্রালয়গী জোইন্ত সেক্রেতরী কৱিতা গার্গনা কেন্দ্র সরকার অমসুং তেলঙ্গনা সরকারগী সেনিয়র ওফিসিয়েলশিংগা লোইননা থৌরম অসিদা শরুক য়াখি। থৌরম অসি তেবল তেনিসকী শানরোই, নেনা জাইস্বাল, এক্ত্রেস ইশঅ রেব্বা, পতাম্জলি য়িগ পীথকী জি. স্রিধার রাও, নেস্নেল য়োগসনা স্পোর্তস ফেদরেশনগী জোইন্ত সেক্রেতরী, নন্দনম ক্রুপাকরনা অতোপ্পা দিগ্নিতরীশিং অমসুং মীথুংলেনশিং অদুগা লোইননা মসিদা শরুক য়াখি।

****