প্রধান মন্ত্রী, শ্রী নরেন্দ্র মোদীনা ঙসি অঙনবদা নিতি আয়োগকী ৮শুবা গোবর্নিং কাউন্সিলগী মীফমদা ময়াই তাংবল লৌখ্রে। মীফম অদু নই দিল্লীদা প্রগতি মাইদানগী অনৌবা কনভেন্সন সেন্তরদা পাংথোকখি। মসিদা রাজ্য ১৯ অমসুং য়ু.তি. ৬কী মহুৎ শিল্লদুনা মুখ্য মন্ত্রীশিং/লেপ্তনেন্ত গোবর্নরশিংনা শরুক য়াখি।

প্রধান মন্ত্রীনা কেন্দ্র, রাজ্যশিং অমসুং য়ু.তি.শিংনা তীম ইন্দিয়া ওইনা থবক তৌগদবনি অমসুং ৱিকসিত ভারত@ ২০৪৭গীদমক্তা মীয়ামগী মঙলান অসমুং অনিংবা-অপাম্বশিং অদুবু নিংবা থুংহনগদবনি হায়না হায়খি। মহাক্না হায়খি মদুদি নিতি আয়োগনা মথংগী চহি ২৫গীদমক্তা রাজ্যশিংবু মখোয়গী স্ত্রেতেজীশিং শেম্নবা মতেং পাংবদা য়াম্না মরু ওইবা থৌদাং লৌরগনি অমসুং মসিবু নেস্নেল দেবেলপমেন্ত এজেন্দাগা পুনশিল্লগনি। মহাক্না রাজ্যশিং অমসুং য়ু.তি.শিংদা অমৃত কালগীদমক্তা থম্লিবা ভিজন অদুবু ফংনবগী মাইকৈ তম্না লৈবাক অসিবু  পুখৎনবা নিতি আয়োগকা লোইননা থবক তৌমিন্নবা তকশিনখ্রে।

প্রধান মন্ত্রীনা পনখি মদুদি নিতি আয়োগনা এসপিরেস্নেল দিস্ত্রিক্তস প্রোগ্রাম (এ.দি.পি.) অমসুং এসপিরেস্নেল ব্লোকস প্রোগ্রাম (এ.বি.পি.)গুম্বা কোওপরেতিব অমসুং কমপিতিতিব ফেদরেলিজমগী মপাঙ্গল কনখৎহন্নবগীদমক্তা অনৌবা থৌরাং কয়া অমা পাইখৎলি।  মসিগী প্রোগ্রাম অনিমক অসিনা কেন্দ্র, রাজ্যশিং অমসুং জিলাশিং ওইনা পুন্নাথবক তৌমিন্নবগী শক্তি অমসুং গ্রাসরুত লেভেলদা অচম্বা প্রজাশিংগী পুনশি ফগৎহন্নবা দেতা-দ্রিবন গোবর্নেন্সকী শাফু অদুবু উৎলি।

প্রধান মন্ত্রীনা ইন্তর্নেস্নেল য়িয়র ওফ মিল্লেতসতা শ্রী অন্নাবু প্রোমোত তৌবদা রাজ্যশিং অমসুং কেন্দ্রগী তঙাইফদবা অদু পনখি। মহাক্না অমৃত সরোৱর প্রোগ্রামগী খুত্থাংদা ৱাতর কঞ্জার্বেশনগী মাইকৈদা থবক তৌনবগী তঙাইফদবা অদুগী মতাংদা হায়খি।

প্রধান মন্ত্রীনা রাজ্যগী থাক্তা ফিস্কেল দিসিপ্লিন ঙাক্না থম্বগী মরু ওইবা অদুগী মতাংদা হায়খি। মহাক্না রাজ্যশিংদা গতি শক্তি পোর্তলবু ইনফ্রাস্ত্রকচর অমসুং লোজিস্তিক্স খক্ত নত্তনা লোকেল এরিয়া দেবেলপমেন্ত অমসুং সোসিয়েল ইনফ্রাস্ত্রকচর ক্রিয়েশনগীদমক্তশু শিজিন্ননবা তকশিনখি।

লৈবাক অসিদা জি.২০গী মীফম পাংথোক্লিবা অসিগী মতাংদা ঙাংলদুনা মহাক্না হায়খি মদুদি জি.২০ অসিনা ভারতপু মালেমগী স্তেজদা মিংচৎ পুরকপদা নত্তনা রাজ্যশিংবু মালেমগী থাক্তা এক্সপোজর তৌবগী খুদোংচাবা পীখি।

প্রধান মন্ত্রীনা গ্লোবল রিক্বায়রমেন্তশিং অদুবু নিংবা থুংহন্নবা, এম.এস.এম.ই.শিংবু সপোর্ত তৌবা, লৈবাক অসিগী তুরিজম পোতেন্সিয়েল দেবেলপ তৌনবা, মাইনর ওফেন্সশিংগী দিক্রিমিনেলাইজেশন য়াওনা রাজ্যগী থাক্তা কমপ্লায়েন্স হন্থনবা, এক্তা মোলশিং শেম্বদা মীশিংবু হৈ-শিংহনবগী মরু ওইবগী মতাংদা ঙাংখি। নারি শক্তিগী মতাংদা ৱা ঙাংলদুনা মহাক্না নুপীনা লুচিংবা চাউখৎ-থৌরাংগী থবকশিংগী মরু ওইবা আদুবু পনখি। মহাক্না ২০২৫ ফাওবদা তি.বি.গী অকিবা অদুবু লোইশিন্নবগী মতাংদশু হায়খি।

মুখ্য মন্ত্রী/লেপ্তনেন্ত গোবর্নরশিংনা পোলিসীগী থাক্তা লৈবা সজেসনশিং কয়া  অমা পীখি। মখোয়না কেন্দ্র-রাজ্যগী মরক্তা খুৎশম্নবগী মথৌ তাবা রাজ্যশিংগী অখন্নবা ৱাফমশিং পনখি। মখোয়না উৎখিবা মরু ওইবা সজেসনশিং অমসুং খ্বাইদগী ফবা প্রক্তিসশিং অদুদা গ্রীন স্ত্রেতেজীশিং শিজিন্নবা, জোনগী মতুং ইন্না প্লানিং তৌবা, তুরিজম, অর্বান প্লানিং, এগ্রিকলচর, ৱার্কমেনশিপকী ক্বালিতী, লোজিস্তিক্সচিংবশিং অসি য়াওরি।

প্রধান মন্ত্রীনা সি.এম.শিং অমসুং এল.জি.শিংদা মীফমদা শরুক য়াবাগীদমক্তা অমসুং মখোয়গী ভ্যুশিং অমসুং এক্সপরিয়েন্সশিং অদুবু শিয়র তৌবগীদমক্তা তৌবীমল খঙবা উৎখি। নিতি আয়োগ্না রাজ্যশিংগী অৱাবশিং, শিংনবশিং, অমসুং খ্বাইদগী ফবা প্রক্তিসশিং  নৈনরগনি অমসুং মসিগী মতুংইন্না তুংগীদমক্তা প্লান তৌগনি হায়না মহাক্না হায়খি।

****