সাইন্স অমসুং তেক্নোলোজী, এম.ও.এস. পি.এম.ও., পর্সনেল, পব্লিক গ্রিভান্সেস, পেনসন্স, এতোমিক ইনর্জী অমসুং স্পেসকী কেন্দ্র রাজ্য মন্ত্রী (ইন্দিপেন্দেন্ত চার্জ), দা. জিতেন্দ্র সিংহনা ঙসি হায়খি মদুদি হৌখিবা চহি ৯দা প্রধান মন্ত্রী নরেন্দ্র মোদীগী মখাদা ভারতনা ঙমখৈ লৈত্রবা “স্পেস”তা চংশিনখ্রে।

ইন্দিয়া দিফেন্স কনক্লেব ২০২৩দা ৱা ঙাংবদা দা. জিতেন্দ্র সিংহনা হায়খি, প্রধান মন্ত্রী মোদীনা ইন্দিজিনস দিজাইন, দিফেন্স ইক্বিপমেন্তগী দিবেলপমেন্ত অমসুং মেন্যুফেকচর পুক্নিং থৌগৎনবা হৌখিবা চহি মাপন্দা তোঙান-তোঙানবা থৌশিল-থৌরাং পাইখৎখি, মসিনা দিফেন্স সেক্তরদা আত্মনির্ভরতা থৌগৎলি। মহাক্না হায়খি মসিনা মরম ওইদুনা স্পেস সেক্তরদা চাউনা খুমাং চাউশিন্দুনা দিকেদ তরুক্কী ময়াগী মমাংদা খুমাং চাউশিনবা ঙমখিবা অদুদগী হেনখ্রে।

পনবা য়াবদি ভারতকী দিফেন্স ইন্দস্ত্রী অসি হৌজিক হায়-এন্দ রিক্বের্মেন্ত মখল কয়া মরুম খুদম ওইনা তেঙ্কশিং, আর্মোর্দ ভেহিকলশিং, ফাইতর এয়রক্রাফশিং, হেলিকোপতরশিং, ৱারশিপশিং, সবমেরিনশিং, মিসাইলশিং, ইলেক্ত্রোনিক ইক্বিপমেন্ত, স্পেসিএল এলোইশিং, স্পেসিএল পর্পস স্তীলশিং, অমসুং এম্ম্যুনিসন মখল কয়া মেন্যুফেকচর তৌবগী মতিক ময়াই লৈরে।

দা. জিতেন্দ্র সিংহনা হায়খি দিফেন্স অমসুং স্পেস সেক্তরশিং অসি অমগা অমগা মরী লৈনৈ অমসুং অনিমক খোঙজেল য়াংশিন্নবা অমসুং পোলিসী গেপশিং মেনখৎতুনা ইন্দিজিনস গ্রোথ লৈনবা প্রধান মন্ত্রীদগী শাহৌ ফংলি। হন্দক্কী গ্লোবেল কনফ্লিকশিং য়েংলগা স্পেসকী স্ত্রেতেজিক রেলিবেন্সকী মতাংদা মন্ত্রীনা হায়খি, স্পেস, দ্যুল-য়ুজ তেক্নোলোজী দোমেন, অসি অমুক্তা ওইখিদ্রিবা মওংদা য়ৌশিনবা ঙমহল্লিবা মরু ওইরিবা মলতি-ফেসতেদ ইনেব্লর অমা ওইরক্লি। মহাক্না মখা তারদুনা হায়খি মথৌ তারকপদা খুদোংথিবশিং থেংনবগী মতিক-ময়াই পুথোকপগা লোয়ননা লৈবাক কয়ানা ঙসি মখোয় শাফনা, সেক্যুর ওইনা অমসুং ফ্রেন্দলী ওইবা মওংদা শীজিন্নবা মখোয়গী মিলিতরী স্পেস কেপাবিলিতীশিং দিবেলপ তৌবদা মীৎয়েং চংলি।

দা. জিতেন্দ্র সিংহনা হায়খি কেন্দ্রগী মন্ত্রী-মন্দলনা সাইন্তিফিক অমসুং ইন্দস্ত্রিএল আর এন্দ দি সীদ, নর্চর অমসুং স্কেল অপ তৌনবা অমসুং ক্বান্তম তেক্নোলোজী (ক্যু.তি.)দা অচৌবা অমসুং ইন্নোবেতিব ইকোসিস্তেম অমা শেম্নবা পান্দমদা ২০২৩-২৪দগী ২০৩০-৩১ ফাওবদা লুপা করোর ৬০০৩.৬৫গী অপুনবা শেনফমদা নেস্নেল ক্বান্তম মিসন (এন.ক্যু.এম.) অয়াবা পীখি। মসিনা ক্যু.তি.না লমজিংবা ইকনোমিক গ্রোথ খুমাং চাউশিনহনগনি, লৈবাক্কী ইকোসিস্তেম য়োকখৎপা অমসুং ভারতপু ক্বান্তম তেক্নোলোজীজ এন্দ এপ্লিকেসন্স (ক্যু.তি.এ,)গী দিবেলপমেন্তদা মাংজিল থাবা লৈবাক ওইহনবা ঙমগনি।

মন্ত্রীনা হায়খি ভারতনা ক্বান্তম তেক্নোলোজীশিংদা লৈরিবা ইলাইৎ ক্লবকী লৈবাক খুজোক খরদা ভারতনা য়াওবা ঙমখ্রে অমসুং হৌজিক আর এন্দ দিনা ক্বান্তম তেক্নোলোজীশিংদা য়ু.এস., কেনেদা, ফ্রান্স, ফিনলেন্দ, চিনা অমসুং ওস্ত্রিয়াদা পাইখৎখি, মরম অসিনা লৈবাক পুম্নমক অসি মিসন অসিগী মতাংদদি থাক মান্ননা লৈ।

স্পেস সেক্তরগী মতাংদা পল্লদুনা দা. জিতেন্দ্র সিংহনা হায়খি, মতৌ অসুম্না প্রধান মন্ত্রীনা শুপ্নগী চহি অহুমগী মনুংদা স্পেসতা স্তার্তঅপ ১০৫ হেন্না হাংদোকপা ঙম্নবা প্রাইবেৎ পার্তিসিপেসনগীদমক স্পেস সেক্তরগী থোং হাংখি। মহাক্না হায়খি ২০১৭গী এস.এ.এ.আর.সি. সেতলাইৎ মিসনদগী হৌরগা পি.এস.এল.বি. মঙা অসি এল এন্দ তি অমসুং ঐচ.এ.এল.না দোমেস্তিক ওইনা পুথোকখি অমরোমদা অমুক্তংদা সেতলাইৎ ১০৪ লোঞ্চ তৌখি।

দা. জিতেন্দ্র সিংহনা হায়খি ভারতকী অতোপ্পা ফ্লেগশিপ স্পেস প্রোগ্রামশিংদা হ্যুমেন স্পেস ফ্লাইৎ সেন্তরসু য়াওখি নত্ত্রগা ভারত্তা ওইনা গগজ্ঞন প্রোজেক্তকী মখাদা ত্রাইএল ফ্লাইৎ অনিগী মতুংদা ২০২৪দা ঐখোয়গী অহানবা ক্রিয়ু ফ্লাইৎ স্পেস্তা থানবা থৌরাং তৌরি।

দা. জিতেন্দ্র সিংহনা হায়খি, ঐখোয়গী নহা অমসুং প্রাইবেৎ ইন্দস্ত্রিএল এন্তর্প্রাইসকী শক্তি অমসুং ইন্নোবেতিব পোতেন্সিএলন তুংদা লাক্কদবা মতমশিংদা গ্লোবেল স্পেস তেক্নোলোজীদা মাংজিল থাবা ঙমহনগনি। মহাক্না ভারতকী নহা ওইরিবা তেক্নোলোজী ৱিজার্দশিংনা স্পেস তেক্নোলোজীগী লমদা লৈরিবা অনৌবা অপনবশিং লান্থোকপা ঙম্বা অমসুং মখোয়না স্পেস দোমেন্না পীরিবা লোইনাইদ্রবা খুদোংচাবশিং অসি কোকহন্নবা চংশিনবা ঙম্বা ওইরসনু হায়না ঐহাক্না আশা তৌরি।

<><><><><>