کیمیاوی مادوں اور کیمیاوی کھادوں اور صحت اور خاندانی بہبود  کے مرکزی وزیر ڈاکٹر منسکھ مانڈویہ  نے آج دواسازی اور طبی آلات کے شعبہ پر آٹھویں بین الاقوامی کانفرنس کے دوسرے دن ملک میں دواسازی کی صنعت کے سرکردہ ایگزیکیوٹو افسروں کے ساتھ ایک گول میز میٹنگ کی صدارت کی۔اس موقع پر میڈیکل  شعبہ کی سکریٹری محترمہ ایس اپرنا بھی موجود تھیں۔

صنعت کی ترقی کی رفتار کی ستائش کرتے ہوئے وزیر موصوف نے کہا کہ  اس صنعت میں تیزی سے ترقی ہورہی ہے اور عالمی دواسازی کے طورپر  اپنی  مقبولیت کو برقرار رکھنے کےلئے ہمیں  تحقیق اور اختراع  پر زیادہ توجہ دینے کے ساتھ ساتھ معیار اور کفایتی  مینوفیکچرنگ پر توجہ دینے کی ضرورت ہے۔ڈاکٹر  مانڈویہ  نے شراکت داروں سے موجودہ مواقع کا فائدہ اٹھانے کی اپیل کرتے ہوئے کہا ہے کہ پروڈکشن  سے وابستہ  ترغیبی  اسکیموں کے ساتھ ساتھ آئندہ  طبی پارکوں کے طورپر  مناسب سرمایہ کاری سے سودمند نتائج مل رہے ہیں۔ترقی کو فروغ دینے کےلئے ہمیں دنیا  میں اپنی موجودگی کو مضبوط  بنانے کےلئے مسابقتی  سطح کو برقرار رکھنا چاہئے۔

حکومت کے عزم اور عہد  کو دہراتے ہوئے مرکزی وزیر صحت نے کہاکہ سرکار صنعتوں کے مطابق اور تعاون سے منسلک مواقع  کا خیر مقدم کرتی ہے۔انہوں نے کہا کہ  ملک کی ترقی کے لازمی حصے کے طور پر  حکومت اور صنعتوں کو مجموعی ترقی حاصل کرنے کےلئے متحد ہوکر کام کرنا چاہئے۔

حکومت کی حمایت کی تصدیق کرتے ہوئے ڈاکٹر مانڈویہ نے اپنی تفصیلی پیش کش میں متعلقہ کارروائی سے وابستہ مسئلوں کے ساتھ  قیمتوں کا تعین، ریگولیٹری، پالیسی اور حکمت عملی کے پہلوؤں کا حل تلاشنے  کےلئے شراکت داروں کو اپنے  مشورے دینے کی دعوت دی تاکہ ان مشوروں کی مدد سے پالیسی  حمایت اور ترقی کو سہولیات سے آراستہ بنانے کےلئے ان پر مناسب غوروخوض کیا جا سکے۔

صنعت کے ممکنہ مستقبل کی ترقی کا ذکر کرتے ہوئے،دواسازی کے محکمے  کی سکریٹری محترمہ ایس اپرنا نے حصہ لینے والے نمائندوں سے اپیل کی  کہ وہ سبھی کےلئے ایک مضبوط ایکوسسٹم  کو فروغ دینے میں پالیسی سازوں اور حکومت کو سہولت کے لئے  مندرجہ ذیل چار مراحل پر عمل درآمد کرنے کےلئے مجموعی طورپر اپنے خیالات کا اظہار کریں۔

گول میز کانفرنس  میں 60  سے زیادہ  کمپنیوں کے نمائندوں کو ایک ساتھ ایک پلیٹ فارم پر مدعو کیا گیا، جس کی نمائندگی سینئر قیادت کے ذریعہ کی گئی۔اس کانفرنس  میں قومی اور بین الاقوامی بازاروں کے صنعت سے متعلق کئی سربراہ  بھی موجود تھے۔اس موقع پر طبی محکمے  کے جوائنٹ سکریٹری  جناب این یوراج ،سینئر اقتصادی مشیر  جناب اودھیش  کمار چودھری،نیشنل فارماسیوٹیکل پرائسنگ  اتھاریٹی،ڈی سی جی آئی کی رکن سکریٹری محترمہ ونود کوتوال،این پی پی اے کے صدر ڈاکٹر راجیو رگھوونشی ،جناب کملیش پنت،مختلف صنعت شراکت دار اور  ماہر تعلیم  اور فیڈریشنوں کے نمائندے بھی موجود تھے۔

دواسازی اور طبی آلات کے شعبہ پر  محیط بین الاقوامی کانفرنس کے بارے میں :

اس اہم سالانہ کانفرنس کا انعقاد  دو دن کیا جائے گا۔26 مئی 2023 کا دن ‘‘سسٹین ایبل  میڈ ٹیک 5.0 :اسکیلنگ  اینڈ انو ویٹنگ انڈین میڈٹیک ’’ موضوع پر انڈیا میڈیکل ڈیوائس سیکٹر کےلئے مختص ہوگا اور 27 مئی 2023 کا دن  ‘‘بھارتیہ فارما صنعت  :اختراع کے ذریعہ سے معیار فراہم کرنا’’موضوع پر دواسازی  کے شعبہ کےلئے مختص  ہوگا۔

ش ح ۔ا م۔

U:5543