নুমিৎ নিনিগী ওইবা নেস্নেল আয়ুশ মিসন কনক্লেব ২০২৩দা রাজ্য অমসুং য়ু.তি.গী সরকারশিংদগী শরুক য়ারিবা হকশেল অমসুং আয়ুশ মন্ত্রীশিংগীদমক্তা মরু ওইবা রাউন্দতেবল দিস্কসন পাংথোকখ্রে। খন্ন-নৈনবা অসিগী মরু ওইবা পান্দমদি রাজ্যশিংঅমসুং য়ু.তি.শিংদা নেস্নেল আয়ুশ মিসনগী খুত্থাংদা আয়ুশ ইনফ্রাস্ত্রকচরবু মপাঙ্গল কনখৎহন্নবনি। কেন্দ্রগী আয়ূশ অমসুং পোর্তস, শিপ্পিং অমসুং ৱাতরৱেজকী মন্ত্রী, শ্রী সর্বানন্দা সোনোৱাল, আয়ুশকী রাজ্য মন্ত্রী, দা. মুনিপারা মহেন্দ্রভাইনা উত্তর প্রেদেশ সরকারগী শ্রী দয়া শঙ্কর মিশ্রা (দয়ালু), মধ্য প্রদেশ সরকারগী শ্রী রাম কিশোর কাৱরে, ঝারখন্দ সরকারগী শ্রী বন্না গুপ্তা, মিজোরাম সরকারগী দা. আর. লালথাংলিয়ানা, অরুনাচল সরকারগী শ্রী অলো-লিবাং, অসাম সরকারগী শ্রী কেশব মহন্তা, নাগালেন্দ সরকারগী শ্রী এস. পাংন্যু ফোম অমসুং জম্মু অমসুং কাশ্মিরদগী এল.জি.গী আদভাইজরগা লোইননা শরুক য়াখি

থৌরম অসিদা, শহরী সর্বানন্দা সোনোৱালনা হায়খি, “রাজ্য সরকারশিংনা আয়ুশকী অরিবা মহৈ-লৌশিং অমসুং চৎনবীশিং অদুবু শিয়র তৌনবা খোংথাংশিং লৌখৎকদবনি। ঐহাক্না নখোয় পুম্নমকপু লাক্কদৌরিবা আই.দি.ৱাই. ২০২৩দা মশিং খ্বাইদগী য়াম্না শরুক য়াহন্নবা নখোয়গী নশা-নশাগী রাজ্যশিংদা য়োগগী মতাংদা পাউজেল অসি চেলহন্নিংঙি।”

আয়ুশকী রাজ্য মন্ত্রী, দা. মুনিপারা মহেন্দ্রভাইনা হায়খি, “ঐখোয়না এ.দবল্যু.সি.শিং অমসুং ইন্তিগ্রেতেদ আয়ুশ হেল্থ কিয়র সীস্তেমগী মশিং অসি য়াম্না হেন্না হেনগৎলকপা উরে, মসিনা মীশিংবু আয়ুশ হেল্থ কিয়র সীস্তেম কনেক্ত তৌরে। ঐহাক্না খঞ্জবদা রাজ্যশিং অমসুং য়ু.তি.শিংনা মসিদা পীরিবা সর্বিসশিং অসিদগী মীশিং য়াম্না হেন্না কান্নবা পীনবগী মাইকৈদা থবক তৌগদবনি। ”

আয়ুশকী রাজ্য মন্ত্রী, শ্রী দয়া শঙ্কর মিশ্রনা হায়খি, “উত্তর প্রেদেশ সরকারনা আ্য়ুশ হেল্থকিয়র সর্বিসশিং ফংহন্নবগীদমক্তা হেন্না ফবা ইনফ্রাস্ত্রকচর শেমগৎনবগীদমক্তা মরু ওইবা খোংথাংশীং লৌখৎখ্রে। ঐখোয়না সরকারগী হোসপিতাল ৫৫২ খনগৎখ্রে অমসুং মখোয়শিং অদুবু ঐচ.দবল্যু.সি.শিংদা ওইনা ওন্থোকখ্রে। ”

মধ্য প্রদেশকী আয়ুশ মন্ত্রী (আই.সি.), শ্রী রাম কিশোর কাৱরেনা হায়খি, “ঐখোয়গী সরকার অসিনা হিদাক-লাংথক্কী ওইবা মনা-মশিংশিংগী ফার্মিং তৌববু য়োকখৎনবা প্রোগ্রাম হৌখ্রে। ঐখোয়না সরকারনা পীরকপা ঐচ.দবল্যু.সি.শিংগী তার্গেত অদুগী ৯০% অমসুং হোসপিতাল তার্গেতশিংগী ৫০% ফংবা ঙম্লে অমসুং ৱেলনেস সেন্তরশিং য়াওবা দিসপেন্সরী ৫০০০ শানবগী পান্দম থম্লি।”

ঝার্খন্দ সরকারগী হকশেল মন্ত্রী, শ্রী বন্না গুপ্তানা হায়খি, “আয়ুশ অসি মেদিকেল সাইন্স খক্তা নত্তে মসি নুমিৎ খুদিংগী শিজিন্নরিবআ এপ্লাইদ সাইন্সনি। ঝার্খন্দনা হিদাক-লাংথক্কী ওইবা পাম্বিশিংগী মতাংদা রিসর্চ তৌনবা রিসর্চ সেন্তর অমা মথৌ তাই। ঐখোয়না জার্খন্দদা মেদিকেল তুরিজম অসিসু এক্সপলোর তৌগদবনি।”

অসামগী হকশেল মন্ত্রী, শ্রী কেশব মহন্তানা খঙহল্লকখি মদুদি এপোইন্তমেন্ত পীনবগীদমক্ত আসি.ঐচ.ও. ২০০গী ইন্তর্ভ্যুগীদমক্তা শেম-শারি অমসুং অসাম সরকারনা দ্রগ শিজিন্নবা মিশিংগীদমক্তা আয়ুশ রিহেবিলিতেতিব প্রোগ্রাম অমগী প্রোপোজলগী মতাংদা থবক তৌরি। নাগালেন্দ, অরুনাচল প্রদেশ অমসুং মিজোরামগী হকশেল মন্ত্রীশিংনশু অথাপ-অথাপ্পা মফমশিংদা ঐচ.দবল্যু.সি.শিং লিংখৎনবগী মতাংদা মখোয়না করম্না থবক তৌরিবগে অমসুং মসিগীদমক্তা মেনপাৱরগী তঙাইফদবা অদুগী মতাংদসু হায়খি।

আয়ুশ মন্ত্রালয়গী সেক্রেতরী, ৱৈদ্য রাজেশ কোতেচানা আয়ুশ মন্ত্রালয়গী জোইন্ত সেক্রেতরী, কৱিতা গার্গ অমসুং নেস্নেল আয়ুশ মিসনগী সেনিয়র ওফিসিয়েলশিংগা লোইননা মীফম অসিদংআ শরুক য়াখি। কৱিতা গার্গনা নেস্নেল আয়ুশ মিসনগী মতাংদা শম্লপ্না মপুং ওইবশিং অদুবু পনল্লদুনা অমসুং এন.এ.এম.গী খুত্থাংদা আয়ুশ সর্বিসশিংগী ইনফ্রাস্ত্রকচর করম্না মপাঙ্গল কনখৎহনগদগে হায়বসিগী মতাংদা হায়রদুনা খন্ন-নৈনবগী থৌরম অসি হৌদোকখি।

*******