মেমোরেন্দম ওফ অন্দরস্তেন্দিং (এম.ও.য়ু.) অমা ইনলেন ৱাতরৱেজ ওথোরিতী ওফ ইন্দিয়া (আই.দবল্যু.এ.আই.), সাগরমালা দেবেলপমেন্ত কোর্পোরেশন লিমিতেদ (এস.দি.সি.এল.), অসাম তুরিজম দেবেলপমেন্ত কোর্পোরেশন (এ.তি.দি.সি.) অমসুং দিপার্তমেন্ত ওফ ইনলেন ৱাতরৱেজ ত্রান্সপোর্ত (দি.আই.দবল্যু.তি.), অসাম সরকারগী মরক্তা ‘তুরেল খোংবানদা লৈবা ধর্মগী ওইবা তুরিজম সর্ক্যুইৎ’কী চাউখৎ-থৌরাংগীদমক্তা অসামগী গুৱাহাতিদা খুৎয়েক পীনখি।

অসামগী মুখ্য মন্ত্রী, দা. হিমন্তা বিস্বা সর্মা অমসুং কেন্দ্রগী পোর্তস, শিপ্পিং  অমসুং ৱাতরৱেজ অমসুং আয়ুশকী মন্ত্রী, শহরী সর্বানন্দা সোনোৱালনা অসামগী রিভরাইন তুরিজম সেক্তরদা অনৌবা তঙ্কক অমা হাংদোক্লগদবা পুৱারি ওইহৌরগদবা খুৎয়েক পীনবগী থৌরম অদুদা শরুক য়াখি।

এম.ও.য়ু. অসিনা গুৱাহাতিগী অকোইবদা লৈবা পুৱারি ওইরবা ধর্মগী ওইবা শেংলবা মফম তরেৎ (০৭)গী মরক্তা ‘হোপ ওন হোপ ওফ’ মোদতা মতম অসিগী অনৌবা ফেরী সর্বিসশিং পীরগনি। ধর্মগী ওইবা শেংলবা মফম তেরৎ অদুদি কামখ্যা, পান্দুনাথ, অশ্বক্লান্ত, দৌল গোৱিন্দা, উমানন্দা, চাক্রেশ্বর অমসুং আউনিআতি সত্রবু মসিগী এগ্রীমেন্ত অসিগী মতুং ইন্না কোভর তৌরগনি। ফেরী তর্মিনেলদা লৈগদবআ ৱেতিং লোঞ্জ অদু পেসেঞ্জরশিংগীদমক্তা য়াম্না নুংঙাইবা মফম অমা ওইহন্নবা মতম অসিগী অনৌবা ফেসিলিতী থম্লগনি।

স্পেসিয়েল পর্পোস ভেহিকল (এস.পি.ভি.)গী খুত্থাংদা থবক পাইখৎলিবা প্রোজেক্ত অসিনা লোইশিনবদা লুপা করোর ৪৫গী ইনভেস্তমেন্ত চংবা য়াই অমসুং থা তরুক্কী মনুং লোইশিল্লগনি। সর্ক্যুইৎ অসিনা হনুমান ঘাত, উজান বজারদগী হৌগনি অমসুং ফেরী সর্বিস অসিনা মপুং ফাবা সর্ক্যুইৎ অমা লোইশিনবদা পুং ২ ফানা চংহল্লরোই। এস.দি.সি.এল. অমসুং আই.দবল্যু.এ.আই. অনিনা পুন্দুনা প্রোজেক্ত অসিদা ৫৫% পুথোক্কনি অদুগা লেমহৌরিবা শরুক অদুনা এ.তি.দি.সি.না পুথোক্লগনি। দি.আই.দবল্যু.তি.না মসিগী প্রোজেক্ত অসিগীদমক্তা লাইশংশিং অসিগী মনংক্তা লৈবা ঘাতশিং অদুবু লৈম্না শিজিন্ননবগী অয়াবা পীখ্রে।

থৌরম অসিদা ৱা ঙালদুনা কেন্দ্রগী মন্ত্রী, শ্রী সর্বানন্দা সোনোৱালনা হায়খি, “তুরেল খোংবানদা লৈবা ধর্মগী ওইবা তুরিজম সর্ক্যুইৎ চাউখৎহনবা হায়বসি অসামগী তুরিজম সেক্তরগীদমক্তা য়াম্না চাউবা মাইপাকপা অমনি। মসিগী প্রোজেক্ত অসিবু য়াম্না য়াংনা থবক্তআ ওন্থোক্নবা অসাম সরকারগী মতেংগা লোইননা আই.দবল্যু.এ.আই. অমসুং এস.দি.সি.এল.নাএ.তি.দি.সি. অমসুং আই.দবল্যু.তি.গা খুৎশম্ননা থবক তৌরগনি অমসুং অসামদা রিভরাইন তুরিজমগী অনৌবা তাঙ্কক অমা পুরক্লগনি। য়াম্না ইচং থৌরবা প্রধান মন্ত্রী, শ্রী নরেন্দ্র মোদী জীগী লুচিং মখাদা, ভারতকী এক্ত ইস্ত পোলিসী অসি রিজন অসি শিনবা থুংনা পাইখৎলক্লিবা চাউখৎ-থৌরাংগী ওইবা অচৌ-অচৌবা প্রোজেক্তশিং অসিদা ময়েক শেংনা তাক্লি। ঙসি, ইনলেন ৱাতরৱেজ অসিনা ত্রান্সপোর্তেশনগী খু্থাংদা অওনবা পুরকপগে হায়বদু খুদম চাংদম ওইদুনা তাক্লি। ব্রহ্মপুত্রদা ও.দি.সি. অমসুং ও.দবল্যু.সি. কার্গো চত্থোক-চৎশিন তৌবদগীনা মালেম অসিগী খ্বাইদগী শাংবা রিভর ক্রুজ গঙ্গা ভিলাস ফাওবা, ইনলেন ৱাতরৱেজকী চাউরবা মতিক অদু উৎথোক্লি। ইচং-থৌরবা প্রধান মন্ত্রী, শ্রী নরেন্দ্র মোদী জীগী লুচিং মখাদা অনৌবা ভারতকী শাহৌগী ইঞ্জিনবু শক্তি হাপ্নবা অসাম অমসুং নোর্থিস্ত অপুম্বদা লৈরিবা ইনলেন ৱাতরৱেজগী য়াম্না মতিক চানা লৈরিবা মতিক-মগুন অদুবু চাউখৎহন্নবগী ঐখোয়গী খোংচৎ অসিদা খোংফম চেৎনা লেপ্লি। ”

থৌরম অদুদা ৱা ঙাংলদুনা, অসামগী মুখ্য মন্ত্রী, দা. হিমন্তা বিস্বা সর্মানা হায়খি, “ঙসিগী খুৎয়েক পীনবগী থৌরম অসিনা রাজ্য অসিদা তুরিজমগী অনৌবা তাঙ্কক অমা পুরক্লগনি। মসিগী পুৱারি ওইহৌরগদবা থৌরম অসিদা শুক য়াবা অসিদা ঐহাক য়াম্নআ হরাওই। ঐহাক্না মসিগী অনৌবা থৌরাং অসিগীদমক্তা দিপার্তমেন্তশিংদা থমোই শেংনা থাগৎপা ফোংদোক্লি। ধর্মগী ওইবা তুরিজমদাঅনৌবা ইনোৎ অমা হাপ্লগনি, মরমদি তুরিস্তশিং অদুনা মসিগী য়াম্না শিংথানিংঙাই ওইরবা রিভরাইন সর্ক্যুইৎ অসিগী খুত্থাংদা গুৱাহাতিগী ফজরবা স্পিরিচুৱল হেরিতেজকী ফজবা অদুগী নুঙাইবা অদু ফংলগনি ”

থৌরম অসিদা অসাম সরকারগী ত্রান্সপোর্ত মন্ত্রী, পরিমল শুক্লাবৈদ্যা; অসাম সরকারগী তুরিজম মন্ত্রী, জয়ন্তা মোল বরুৱা; আই.দবল্যু.এ.আই.গী চেয়রমেন, সঞ্জয় বন্দোপাথ্যা্য; এ.তি.দি.সি.গী চেয়রমেন, রিতুপর্না বারুৱা; এ.তি.দি.সি.গী ভাইস চেয়রমেন, দিলিপ দাস; অমসুং সাগরমালা দেবেলপমেন্ত কোর্পোরেশন লিমিতেদ (এস.দি.সি.এল.)গী মেনেজিং দাইরেক্তর, দিলিপ কুমার গুপ্তানা গুৱাহাতিদা লৈবা অসাম এদমিনিস্ত্রেতিব স্তাফ কোলেজদা রাজ্য অমসুং কেন্দ্র সরকারগী অতোপ্পা ওফিসিয়েলশিংগা লোইননা শরুক য়াখি।

********