প্রধান মন্ত্রী শ্রী নরেন্দ্র মোদীগী ‘সেল্ফ রিলাইন্ত ইন্দিয়া (আত্মনিরভর ভারত)’ অমদি ‘লোকেল ফোর ভোকেল’ কেম্পেনবু অৱাং নোংপোক স্তেতশিংগী মনুং হঞ্জিনবা খুঙ্গংশিংদা য়ৌহন্নবগী থৌরাং অমা ওইনা, খাদী এন্দ ভিলেজ ইন্দস্ত্রিগ কম্মিসন (কে.ভি.আই.সি.)গী চেয়রমেন শ্রী মনোজ কুমারনা অসাম অমদি অরুনাচল প্রদেশতা চৎখ্রে‍।  মে ৮ দগী মে ১৩ ফাওবা মহাক্না লৈরিঙা মতমদা, মহাক্না প্রাইম মিনিস্তর্স ইমপ্লোইমেন্ত জেনেরেসন প্রোগ্রাম (পি.এম.ই.জি.পি.)গী বেনিফিসরীশিংগা পাউ ফাওনবগা লোয়ননা অরুনাচল প্রদেশতা খাদী এন্দ ভিলেজ দিভেলপমেন্ত স্কীমগা মরী লৈননবা পায়খৎলিবা থবকশিং য়েংশিল্লদুনা, মহাক্না মীয়ামবু প্রধান মন্ত্রীনা মরোমদোম লেপচবা ভারতকী কেম্পেন্দা শরুক য়াননবা পুক্নিং থৌগৎখি‍। নহা মশিং য়াম্না থবক পীনবগী খুদোংচাবশিং ফংহন্নবগীদমক তৱাংদা ইরায় নুমিত্তা পি.এম.ই.জি.পি.গী এৱ্যারনেস কেম্প অমসু পাঙথোকখি‍।

থৌরমদুদা কে.ভি.আই.সি. চেয়রমেন্না তিল্লিবা মীয়ামদা ৱা ঙাঙলদুনা, তৱাং ময়োল্লমদা কে.ভি.আই.সি., ইতানগর সব-ওফিস হাংদোক্লে হায়না লাউথোকখি‍। তৱাংগী মীয়াম্না মফমদুদা ওফিস অমা হাংদোক্নবা মতম কুইনদগী দিমান্দ তৌদুনা লাক্লবনি‍। কে.ভি.আই.সি. ইতানগর ওফিসতগী তৱাং য়ৌবদা পুং ৪৮ হায়বদি নুমিৎ ২ চঙই‍। তৱাংদা কে.ভি.আই.সি. সব-ওফিস হাংদোক্লবা মতুংদা, মসিনা হেক য়ারিবমখৈ ইমপ্লোইমেন্ত ওপোরচুনিতী ফংহনগনি অমদি তৱাং ময়োল্লমূগী নহাশিংগী মথৌ তাবশিং ফংহনগনি‍।

অৱাং নোংপোক স্তেতশিংগী খোঙচৎ অদু কে.ভি.আই.সি. চেয়রমেন্না মে ৮সা অসামদগী হৌখিবনি‍। মহাক্না মফমদুদা তোঙান তোঙানবা থৌরম অনিদা বেনিফিসরীশিংদা খোই উপু, অচার শেম্নবা মেছিন অমদি ধুপ শানবা ওতোমেতিক মেছিনশিং য়েন্থোকখি‍। তামুলপুরগী কুমারিকতা খুঙ্গংদা, মহাক্না খোই লোইবা মীওই ৫০দা খোই উপা ৫০০ য়েন্থোকখি, অদুগা গুৱাহাতীদা কে.ভি.আই.সি. কম্প্লেক্সতা, বেনিফিসরীশিংদা অচার শেম্নবা মেছিন ৪০ অমদি ধুপ শানবগী ওতোমেতিক মেছিন ২০ য়েন্থোকখি‍। মখা তানা, মদুগী মখা চত্থরকপগা ওইনা মফমদুগী ভিলেজ ইন্দস্ত্রিজ দিভেলপমেন্ত স্কীমগী মখাদা সিক্স-মাইল গুৱাহাতীদা খোঙউপকী ইন্দস্ত্রীগা মরী লৈনবা পাইলোৎ প্রোজেক্ত অমসু হৌদোকখি‍।

গুৱাহাতীদগী তৱাং ফাওবগী লম্বীদা, চেয়রমেন্না মে ৯দা ৱেস্ত কামেং দিস্ত্রিক্তকী বোমদিলাদা পি.এম.ই.জি.পি.গী মখাদা লিংখৎপা তোঙান তোঙানবা ইন্দস্ত্রিএল য়ুনিৎশিংসু য়েংশিল্লমখি‍। মফমদুদা লৈরিবা নহা ওইরিবা ওন্ত্রপ্রিন্যুরশিংগীম ফমদা ৱা ঙাঙলদুনা, চেয়রমেন্না প্রধান মন্ত্রী শ্রী নরেন্দ্র মোদীগী মখাদা, ভারতনা মালেমগী লুচিংবা অমা ওইরক্নবগী মায়কৈদা খোঙজেল য়াঙনা চঙশিল্লি হায়খি‍। কে.ভি.আই.সি.গী ইন্দিজিনস লোকেল পোত্থোকশিং মালেম থুংনা খোঙজেল য়াঙনা মশক খঙনরক্লি‍। মহাক্না অরুনাচল প্রদেশকী নহা ওইরিবা ওন্ত্রপ্রিন্যুরশিংগী মফমদা অদুগুম্বা লমদমদুগী পোত্থোকশিং মালেমগী ওইনা দিমান্দ হেনগৎলক্নবগীদমক ক্বালিতী লৈনা পুথোক্নবা ৱাফম থমখি‍।

মে ১০দা, শ্রী মনোজ কুমারনা অরুনাচল প্রদেশকী লোহুদা নহা অমদি বেনিফিসরী মশিং য়াম্না শরুক য়াদুনা পাঙথোকপা গ্রোমোদৃওগ বিকাস য়োজনা অমদি প্রাইম মিনিস্তর্স ইমপ্লোইমেন্ত জেনেরেসন প্রোগ্রাম (পি.এম.ই.জি.পি.)গী মখাদা পাঙথোকপা এৱ্যারনেস কেম্প অমা শরুক য়াখি‍। তিল্লিবা মীয়ামদা ৱা ঙাঙলদুনা, মহাক মশামক্না প্রধান মন্ত্রীগী মঙলানবু অরুনাচল প্রদেশকী নহাশিংগী মরক্তা পুদুনা লাক্লি হায়রদুনা লৈবাকসিগী নহাশিংবু থবক থিরিবা মীওইশিং ওইবগী মহুত্তা থবক পীরিবা মীওইশিং ওইননবা ৱাফম থমখি‍।

চেয়রমেন্না থৌরমদুদা লোহুদা লৈবা খাদী ইরি সিল্ক ত্রেনিং কম প্রদক্সন সেন্তরদসু চৎখি‍। মতাঙসিদা পনবা য়াবদি, অরুনাচল প্রদেশতা মুগাগী ইন্দস্ত্রী অমুক হিংগৎহন্নবা অমদি তুং কোইগদবা মওংদা লমদমদুদা থবক পীনবগী পান্দমদা পুৱারী ওইবা খোঙথাঙ অমদা মমাঙ চহিদা চাইনা অমদি ভুতানগী ঙমখৈ পরিংদা লৈরিবা অরুনাচল প্রদেশকী তৱাংদা খাদী ইরি সিল্ক ত্রেনিং কম প্রদক্সন সেন্তর কে.ভি.আই.সি.না লিংখৎখিবনি‍। সেন্তর অসি উন্না কুপ্পা হিমালয়গী চীংদোলদা সমুদ্র ঈমায়দগী ফীত ১৪,০০০ ৱাংবা মফমদা লৈ, অমদি মসি বুদ্ধিস্ত কল্চর প্রোতেক্সন সোসাইতী, বোমদিলাগী মতেঙগা লোয়ননা লিংখৎখিবনি‍। সোসাইতী অসিনা সিল্ক সেন্তর অসিগী বিল্দিং পীরকখি অদুগা কে.ভি.আই.সি.না ফিসাকোন, তরেং, মুগা তানবা মেছিন অমদি ৱার্পিং দ্রম্নচিংবা মথৌ তাবা মেছিনরীশিং পীবনি‍। মসিনা তৱাং অমদি ৱেস্ত কামেং দিস্ত্রিক্ততগী নুপী ফিশাবী ২০দা হকথেংননা থবক পীরি‍। চেয়রমেন্না ফিশাবীশিংগী মফমদা তৱাং ময়োল্লমদসু খাদী ইরি সিল্ক ত্রেনিং কম প্রদক্সন সেন্তরগী মশা অমা লিংখৎকনি হায়বগী থাজবসু পীরমখি‍। ইং ২০১৪গী মতুংদা প্রধান মন্ত্রী শ্রী নরেন্দ্র মোদীগী অচেৎপা খোঙফমগা লোয়ননা খাদী সেক্তরদা অনৌবা থৱায় হাপ্নবা থবক পায়খৎপা হৌখিবনি‍। খাদী হৌজিক্তি লোকেলদগী গ্লোবেল ওইরক্লে অমদি জনুৱারী ৩১, ২০২৩ ফাওবদা কে.ভি.আই. পোত্থোকশিংগী তর্নওভর শেনবা চহি ২০২২-২৩দা লুপা করোর ১,০৮,০০০ হেল্লে‍।

শ্রী মনোজ কুমারনা তৱাংদা লৈবা মোনপা হেন্দমেদ পেপর মেকিং য়ুনিৎতসু চৎখি অমদি মদুদা থবক তৌরিবা খুৎহৈবশিংগা উনখি‍। মতাঙসিদা পনবা য়াবা ৱাফমদি, কে.ভি.আই.সি.না কত্থোকপগা লোয়ননা থবক পায়খৎপনা, অরুনাচল প্রদেশকী চহি ১০০০ শুরবা ত্রেদিস্নেল আর্ত ইকুই কুইদ্রিঙৈদা মুৎলুরবা, মোনপা হেন্দমেদ পেপর ইন্দস্ত্রী অমুক হন্না হিংগৎলক্লে‍। মোনপা হেন্দমেদ পেপর শেম্বগী আর্ত অসি চহি ১০০০ হেনবগী মমাঙদগী হৌদোরকখিবনি, অমদি অরুনাচল প্রদেশকী তৱাং লমদমগী নাৎ অমদি চৎনবীগী শরুক অমা তপ্না তপ্না ওইরকখিবনি‍। হৌখিবা চহি ১০০সিদা, হায়রিবা খুৎনা শেম শাবা চেগী ইন্দস্ত্রী অসি পুমমুৎ মুৎলুরবগুম লৈরকখৎবনি; অমদি কে.ভি.আই.সি.গী মতেঙগা লোয়ননা হৌজিক্তি মসি ২০২০দগী হৌনা মথৌ তৌবা হৌরক্লে‍। মিস্তর কুমারনা মোনপা হেন্দমেদ পেপর ইন্দস্ত্রীদা থবক তৌরিবা খুৎহৈবশিংগী মফমদা নুংঙাইবা ফোঙদোকখি অমদি মোনপা হেন্দমেদ পেপরবু মালেমগী থাক্কী চেগী পোত্থোক ওইহন্নবগীদমক মফমদুদগী খুৎহৈবা ৫০বু কুমরপ্পা নেস্নেল হেন্দমেদ পেপর ইনস্তিত্যুৎ ওফ কে.ভি.আই.সি., জয়পুরদা ত্রেনিং থাগনি হায়না থাজবা পীরমখি‍।  মালেমগী কৈথেলদা মহৌশাগী ওইবা মওংদা খুৎনা শেম শাবা চেগী দিমান্দ নীংথিনা লৈ হায়রদুনা, অরুনাচল প্রদেশগী মোনপাগী খুৎনা শাবা চে অসিবু মালেমগী থাক্তা মশক খঙহন্দুনা শেন্থোক হেন্না লাকহন্নবা অমদি থবক হেন্না পীননবগীদমক কে.ভি.আই.সি.না হোৎনগনি হায়না মহাক্না মখা তানা ফোঙদোকখি‍।

চেয়রমেন্না অরুনাচলগী বোমদিলাদা মে ১২দা বেনিফিসরী ২০দা অচার শেম্নবগী মেছিনশিং য়েন্থোকখি‍। প্রাইম মিনিস্তর কে.ভি.আই.সি.না পুক্নিং থৌগত্তুনা খুঙ্গং খুদিংদা থবক পীননবা কন্না লেপ্পা লৈতনা হোৎনরি হায়না মহাক্না হায়খি‍। কে.ভি.আই.সি.না গ্রামোদ্যোগ বিকাস য়োজনাগী মখাদা ভারতকী মহৌশাগী ইন্দস্ত্রিশিংগী শিন্মীশিংগী মফমদা খুৎশু-খুৎলায় অমদি মেছিনরীশিং য়েন্থোক্তুনা ত্রেদিস্নেল ইন্দস্ত্রিশিংগী খুৎহৈবশিংগী শেন্থোক হেনগৎহল্লি, মখোয়গী পুন্সি মহিং ফগৎহল্লি, লোয়ননা ভারতকী ত্রেদিস্নেল ইন্দস্ত্রিশিং ঙাক শেন্দুনা অমদি য়োকখত্তুনা, খুঙ্গংগী শেন্মিৎলোনবু হেন্না মপাঙ্গল কলহনগনি হায়না থাজবা থম্লি‍।

*********