নোংচুপ বেঙ্গল রাজ্যগী অৱাংথংবা বেঙ্গল লমদমদা পাক-শান্না মথৌ পাংথোক্লিবা ললোন-ইতিক্কী কাংবু অমদা ইনকম তেক্স দিপার্তমেন্তনা থিবা-হুম্বগী থবক চৎথখ্রে। ললোন-ইতিক্কী কাংবু অদু রাজনিতি দল অমনা শৌগৎপা মীওই অমনা মপু ওইবনি। কাংবু অদু অচাথাউ রাইস ব্রান ওইল, হঙ্গাম থাউ, দি-ওইল রাইস ব্রান, মখল কয়াগী কেমিকেলশিং শুংবা অমসুং য়োনবা অমসুং রিএল স্তেৎ অসিনচিংবগী থবক তৌবনি। থিবা-হুম্বগী থবকশিং অদুদা নোংচুপ বেঙ্গলগী উত্তর দিনাজপুর, দক্ষিন দিনাজপুর, মালদা, কোলকাতা, শিলিগুরি অমসুং অসামগী গুৱাহাতি অমসুং অকোয়বা মফমশিংদা পাংথোকখি।

কাংবু অদুনা মখোয়না পুথোকপা পোৎথোক্কী চাং লোৎশিনবা অমসুং অচাথাউশিং একাউন্ত পীদনা য়োনবগী থবকশিং পাংথোকপা থিজিনবা অদুদা থেংনখি। থিজিনবা অদুদা একাউন্ত বুকশিংদা চঙহন্দনা শেন পীথোক-পীশিনগী থবক তৌবা থেংনখি। শেন পীথোক-পীশিনগী থবকশিংগী খুৎনা ইবা নোতশিং, চে-চাংশিং অমসুং দিজিতেলগী খুদম-চাংদমশিং ফাজিল্লে। পেরেরেল কেস বুকশিং অমসুং শাশিন্নবা চাদিং তৌবগী থবকশিং থেংনরে। অহানবা ওইনা থিজিনবদা লুপা করোর ৪০ হেনবগী মরম পীবা ঙমদবা শেনফম থেংনরে।

মখা তানা, মপুং ওইরিবা ললোন-ইতিক কাংবু অসিগা থবক তৌমিন্নবা ললোন-ইতিক্কী কাংবু অমদা থিবা-হুম্বা পাংথোকখি। হায়রিবা কাংবু অদু নোংচুপ বেঙ্গলগী মালদা জিলাদা লৈবা লৌউ-শিংউগী পোৎথোকশিং মপান লৈবাকশিংদা থাদোকপা কাংবু অমনি লুপা করোর ১৭ রোমগী অমসুং লম লৈবা অমসুং য়োনবগী শেন পীথোক-পীশিনগী শাশিন্নবা চে-চাংশিং ফংখি। মরম পীবা ঙমদবা লুপা করোর ১০০গী কেস রিসিপশিংশু ফংখি।

থিবা-হুম্বা অদুদা মরম পীবা ঙমদবা লুপা করোর ১.৭৩গী শেনফম ফাগৎলে। মসিগী লুপা করোর ১ রোমগী সনা-লুপা ফাগৎলে।

মখা তানা থিজিনবগী থবক চৎথরি।

***