ثقافتی ورکنگ گروپ (سی ڈبلیو جی) کے  دوسرے اجلاس کے مباحثے کے سیشن 16 مئی 2023 کو اپنے اختتام کو پہنچے۔ مندوبین نے سی ڈبلیو جی کی طرف سے بیان کردہ تیسرے اور چوتھے ترجیحی شعبوں ‘ثقافتی اور تخلیقی صنعتوں کا فروغ اور تخلیقی معیشت’ اور ‘ثقافت کے تحفظ اور فروغ کے لیے ڈیجیٹل ٹیکنالوجیز کا فائدہ اٹھانے’ پر توجہ مرکوز کرتے ہوئے بحث کے سیشنز میں حصہ لیا۔ بات چیت کے دوران قیمتی بصیرتیں پیش کی گئیں، جن کے نتیجے میں ٹھوس اور عمل پر مبنی سفارشات کی توقع کی جاتی ہے جو کہ ثقافتی شعبے اور عالمی سطح پر پالیسی فریم ورک سے متعلق تشکیل دینے کی صلاحیت رکھتی ہیں۔

سی ڈبلیو جی اجلاس کے پہلے دو سیشنوں میں مندوبین کے بیانات کی فراہمی کا مشاہدہ کیا گیا، اس کے بعد تیسری اور چوتھی ترجیحی شعبوں پر کھلی بحث ہوئی۔ ثقافت اور امور خارجہ کی وزیر مملکت محترمہ میناکشی لیکھی نے دن کے دوسرے اجلاس کا اختتام خصوصی خطاب کے ساتھ کیا۔ اختتامی سیشن میں ثقافتی ورکنگ گروپ کے کام کرنے کے عمل سے متعلق تفصیلات اور ٹائم لائن کا خاکہ پیش کیا گیا۔

میڈیا کے ساتھ اپنی بات چیت میں، امرت کال کے دوران یعنی اب سے 25 سال بعد ہندوستان کو مزید بلندیوں پر لے جانے کی وزیر اعظم کی خواہش کو بیان کرتے ہوئے وزیر موصوف نے کہا کہ ہندوستان کو واقعی کام کرنا ہوگا کہ وہ اس مقام کو دوبارہ حاصل کرے جس میں پہلے تھا۔  انہوں نے کہا کہ ‘‘ثقافت سب کو ایک دوسرے کے ساتھ لانے کا ایک طریقہ ہو سکتا ہے خاص طور پر ایسے وقت میں جب بہت زیادہ تناؤ اور دباؤ ظاہر ہو رہا ہو۔ جی-20 میں کلچر ورکنگ گروپ کو ایک الگ گروپ کے طور پر بنایا گیا ہے۔انہوں نے کہا کہ جب جی- 20 ہم آہنگی اور امن کی بات کرتا ہے تو ثقافت ایک ایسی چیز ہے جسے دیکھنے کی ضرورت ہے۔انہوں نے اس بات پر خوشی کا اظہار کیا کہ کلچر ورکنگ گروپ کا دوسرا اجلاس ریاست اوڈیشہ یا اتکل، جس کا ترجمہ ‘اتکرش کلا کی بھومی’ میں ہوتا ہے، جس کا مطلب شاندار فن اور ثقافت کی سرزمین ہے۔

16 مئی 2023 کو، مندوبین کو یونیسکو کے عالمی ثقافتی ورثے کی جگہ کونارک سن مندر کے خصوصی طور پر تیار کردہ دورے کے لیے لے جایا گیا جو اڈیشہ کے پوری ضلع میں واقع ہے۔ مندر، ہندو سورج دیوتا، سوریا کے لیے وقف ہے، 13ویں صدی میں تعمیر کیا گیا تھا اور اسے کلنگا فن تعمیر کا شاہکار تصور کیا جاتا ہے۔ بعد میں، شام کوجی-20 کے مندوبین کو مقامی فنکاروں کے ذریعہ گوٹی پوا رقص پیش کیا گیا، جو شری جگناتھ مندر، پوری کی مندر کی روایت سے وابستہ قدیم رقص کی شکلوں میں سے ایک ہے۔ مرکزی وزیر محترمہ لیکھی نے ان فنکاروں کو خراج تحسین پیش کیا جنہوں نے آنے والے معززین اور مندوبین کی بے پناہ خوشی کے لیے اوڈیشہ کے ثقافتی خزانے کا ایک عمدہ نمونہ بنانے میں اپنی پوری کوشش کی۔

اس کے ساتھ ہی جی- 20 کے دوسرے کلچر گروپ کے اجلاس کے تحت چار روزہ سرگرمیاں اور ذہن سازی کے سیشن اختتام کو پہنچے۔ کلچر ورکنگ گروپ کی دوسری میٹنگ میں جی20 ممبران، مہمان ممالک اور کئی بین الاقوامی تنظیموں کے مندوبین نے شرکت کی، ثقافت کے شعبے کو درپیش اہم مسائل پر بات کرنے کے لیے ایک پلیٹ فارم فراہم کیا گیا تاکہ ٹھوس، عمل پر مبنی سفارشات پر مزید غور کیا جا سکے۔ کلچر ورکنگ گروپ کی میٹنگیں جو چھ سیشنوں اور دو دن پر محیط تھیں، جن میں 4 اہم ترجیحی شعبوں پر توجہ مرکوز کی گئی جو کہ کلچر ٹریک آف انڈیا کے جی20 صدارت کے تحت بیان کیے گئے ہیں۔ 4 ترجیحی شعبے ہیں: ثقافتی املاک کا تحفظ اور بحالی؛ ایک پائیدار مستقبل کے لیے زندہ ورثے کا استعمال؛ ثقافتی اور تخلیقی صنعتوں اور تخلیقی معیشت کا فروغ؛ اور ثقافت کے تحفظ اور فروغ کے لیے ڈیجیٹل ٹیکنالوجیز کا فائدہ اٹھانا۔

اختتامی دن وزیر موصوف نے مندوبین کے ساتھ ادے گیری کے مشہور غاروں کا دورہ کیا، جو 2000 سال سے زیادہ پرانی ہیں۔ انہوں نے بھوبنیشور کے گاندھی امن مرکز میں میوزیم کا بھی دورہ کیا جو مہاتما گاندھی کی زندگی اور وژن کے لیے وقف ہے۔

راجدھانی بھوبنیشور کے مضافات میں ادے گیری کی قدیم چٹانوں سے کٹی ہوئی غاروں کے دورے پر لے جانے والے مندوبین کی رائے کے بارے میں پوچھے جانے پر وزیر نے کہا کہ یہ مندوبین کے لیے علم بانٹنے کا تجربہ تھا۔ انہوں نے کہا کہ وہ سپر دستکاری اور اوڈیشہ کی ثقافت پر بہت حیران ہیں۔

سی ڈبلیو جی کے اجلاسوں کا مقصد ثقافتی شعبے سے متعلق اہم مسائل اور پائیدار ترقی میں اس کے اہم کردار پر غور و خوض کرنے کے لیے ایک جامع اور باہمی تعاون پر مبنی فورم کو فروغ دینا ہے۔ اجلاس ثقافتی تنوع اور شمولیت اور پائیداری کو فروغ دینے میں اس کے کردار پر عالمی مکالمے کو فروغ دینے کی کوشش کرتا ہے۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ش ح۔ م ع۔ع ن

 (U: 5236)