প্রধানমন্ত্রীগী লোইশঙ
প্রধান মন্ত্রীনা গুজরাতকী গান্ধীনগরদা লুপা করোর ৪৪০০ রোমগী প্রোজেকশিং উরেপ-উয়ুং তমখ্রে অমসুং মীয়ামদা কৎথোকখ্রে
লুপা করোর ২৪৫০ হেনবগী চাউখৎ-থৌরাংগী প্রোজেকশিং উরেপ-উয়ুং তমখি অমসুং মীয়ামদা কৎথোকখি
পি.এম.এ.ৱাই(খুঙ্গং অমসুং সহর)গী লুপা করোর ১৯৫০ রোমগী প্রোজেকশিং উরেপ-উয়ুং তমখি অমসুং শঙ্গাখি
য়ুম ১৯,০০০ শঙ্গাবগী থৌরম শরুক য়াখি অমসু য়ুম্বুশিংদা য়ুমগী শোশিং খুৎশীন্নখি
“পি.এম-অৱাস য়োজননা হাওসিং সেক্তরদা অওনবা পুরক্লে। মসিনা মরুওইনা লায়রবা অমসুং মিদল ক্লাসদা কান্নবা ফংহল্লে”
“গুজরাতকী দবল ইঞ্জিনগী সরকার শরুক অনি য়াংনা থবক তৌরি”
“ঐখোয়গী ওইনা, লৈবাক অসি চাউখৎহনবা হায়বসি থাজবা অমনি অমসুং ৱাশক অমনি”
“সেকুলারিজমগী অশেংবা ৱাহন্থোক অসি মীওই খুদিংমক তাথি-তাওইনা তৌদ্রবা মতমদা ফংগনি”
“লায়রবগী মায়োক্তা লান্থেংন্নবা, শক্তি পীনবা খুৎলায় অমা অমসুং লায়রবশিং ইকায়খুম্নবা ফংনবা অকনবা য়ুম্ফম অমদা ঐখোয়না য়ুমশিং শারে”
“পি.এম.এ.ৱাইগী য়ুমশিং স্কিম কয়াগী পেকেজ অমনি”
“ঙসি, ঐখোয়না সহরগী থৌরাং তৌবদা হিংবদা লাইনবা অমসুং পুন্সিগী মগুন হেনগৎহন্নবদা চপ মান্নবা মীৎয়েং চঙলে”
Posted On:
12 MAY 2023 2:22PM by PIB Imphal
ঙসি প্রধান মন্ত্রী শ্রী নরেন্দ্র মোদীনা গুজরাতকী গান্ধীনগরদা লুপা করোর ৪৪০০ রোমগী প্রোজেকশিং উরেপ-উয়ুং তমখ্রে অমসুং মীয়ামদা কৎথোকখ্রে। উরেপ-উয়ুং তমগদৌরিবা অমসুং শঙ্গাগদৌরিবা লুপা করোর ২৪৫০গী চাউখৎ-থৌরাংগী প্রোজেকশিংগী মনুংদা অর্বান দিবলপমেন্ত দিপার্তমেন্ত, ৱাতর সপ্লাই দিপার্তমেন্ত, রোদ অমসুং ত্রান্সপোর্ত দিপার্তমেন্ত অমসুং মাইন্স অমসুং মিনরেল দিপার্তমেন্তগী প্রোজেকশিং য়াওরি। প্রধান মন্ত্রীনা পি.এম.এ.ৱাই(খুঙ্গং অমসুং সহর)গী লুপা করোর ১৯৫০ রোমগী প্রোজেকশিং উরেপ-উয়ুং তমখি অমসুং শঙ্গাখি অমসুং স্কিম অসিগী মখাদা শাবা য়ুম ১৯,০০০ শঙ্গাবগী থৌরম শরুক য়াখি অমসুং য়ুম্বুশিংদা য়ুমগী শোশিং খুৎশীন্নখি। ভিদিও লিঙ্কগী মখাদা মহাক্না বেনিফিসরিশিংগসু ৱারি শানখি।
থৌরম অদুদা মীয়ামদা ৱা ঙাংবদা প্রধান মন্ত্রীনা হায়খি মহাক্কী ওইনা লৈবাক শেমগৎপা অসি হৌজিক পাংথোক্লিবা ‘মহা যাগ্যা’ অমনি। হন্দক পাংথোকখিবা মীখল মতুংদা শেমখিবা সরকারগী মখাদা গুজরাত্তা লৈরিবা চাউখৎপগী খোঙজেল অসি অপেনবা পোকই। লায়রবশিংগীদমক য়েংলবা শেম্বা গুজরাত বজেত অসি লুপা করোর লাখ ৩ ওইখি।
প্রধান মন্ত্রীনা হায়খি রাজ্য অসিদা অয়ুস্মান কার্দ লাখ ২৫ য়েন্থোকখ্রে, পি.এম মাত্রু বন্দনা স্কিমদগী মমা লাখ ২দা মতেং পীখ্রে, অনৌবা মেদিকেল কলেজ ৪ লিংখৎলে অমসুং লুপা করোর লিশিং কয়াগী অনৌবা ইনফ্রাস্ত্রকচরশিং শেমগৎলে। গুজরাতকী দবল ইঞ্জিনগী সরকার শরুক অনি য়াংনা থবক তৌরি হায়বা মসিনা উৎলে।
প্রধান মন্ত্রীনা হায়খি হৌখিবা চহি ৯দা মীয়াম্না মমাঙদা অমুক্তা উখিদ্রিবা চাউখৎ-থৌরাংগী থবকশিং উবা ফংলে। মীয়াম্না তঙাইফদবা খুদোংচাবশিং য়াম্না তাংনা ফংবা মতম অমা লৈরমখি। মদুগী অৱাবা অদুদগী লৈবাক অসি নান্থোক্লে। স্কিমশিংগী কান্নবশিং চাদা ১০০ মীওই খুদিংমক্তা য়ৌহন্নবা সরকারনা হোৎনরি। ঐখোয়গী ওইনা, লৈবাক অসি চাউখৎহনবা হায়বসি থাজবা অমনি অমসুং ৱাশক অমনি। সরকারগী স্কিমশিং মপুংফানা পাংথোক্নবা সরকারনা থবক পায়খৎলি।
সরকারগী থৌরাং অসিনা শেঞ্জা-থুমজা অমসুং অচান-মীরাই নাইবা লৈহন্দ্রে। সেকুলারিজমগী অশেংবা ৱাহন্থোক অসি মীওই খুদিংমক তাথি-তাওইনা তৌদ্রবা মতমদা ফংগনি। খুন্নাইগী মীওই খুদিংমক কান্নবা ফংনবা সরকারনা থবক তৌরকপা মতমদা খুন্নাইগী অচুম্বা পুরক্কনি। মমাঙ চহিদা য়ুম ৩২,০০০ রোম শাবা লোইশিনখ্রে অমসুং বেনিফিসরিশিংদা শীন্নখ্রে। পুন্সিগী তঙাইফদবা মচাকশিংগী মতাংদা থৱায় ৱাদ্রবা মতমদা লায়রবশিং মশানা মশাবু থাজবা হেনগৎলকই হায়না প্রধান মন্ত্রীনা ফোঙদোকখি।
প্রধান মন্ত্রীনা হায়খি অরান থৌশিলশিংগী লম্বীদা চৎলবদি লৈবাক অসিগী মরাইবক লৈবাক অসিনা অওনবা পুরকপা ঙম্লোই অমসুং চাউখৎলবা লৈবাক অমা ওইবা ঙম্লোই। মমাঙদা থৌশিল কয়া লৈরবসু খুঙ্গংশিংগী য়ুমশিংগী চাদা ৭৫ রোম তোইলেত অমা ফাওবা লৈতে। ২০১৪গী মতুংদা য়ুম শাবা খক নত্তনা লায়রবা থেংন্নবা মফম অমা য়ুমশিং ওইহল্লে অমসুং মখোয়গী চিংলেম্বা হেনগৎনবা পাম্বৈ অমা ওইরে। পি.এম.এ.ৱাইগী মখাদা সরকারনা বেনিফিসরিশিংগী বেঙ্ক একাউন্তশিংদা হকথেংন্না শেন থাজিল্লে। হায়রিবা য়ুমশিং অসি জিওতেগ্গিং তৌরে।
প্রধান মন্ত্রীনা হায়খি পি.এম.এ.ৱাইগী মখাদা শারিবা য়ুমশিং স্কিম কয়াগী পেকেজ অমনি। মসিগী য়ুম অমদা শ্বাছ ভারত অভিয়ানগী মখাদা তোইলেত অমা শারে, সৌভাগ্যা স্কিমগী মখাদা মৈ শম্লে, উজ্জৱালা স্কিমগী মখাদা লেম্না এল.পি.জি পীরে, জল জিবন মিসনগী মখাদা তোতি শম্লে। হায়রিবা খুদোংচাবশিং অসিগী মথক্তা লেম্না লায়য়েংগী খুদোংচাবা অমসুং লেম্না চেঙ ফংহল্লে অমসুং লায়রবশিংগী চুঙ্গোই অমা ওইনা থবক তৌরে।
প্রধান মন্ত্রীনা হায়খি পি.এম.এ.ৱাইগী মখাদা নুপীশিং থৌনা হাপ্লে। হৌখিবা চহি ৯দা লায়রবা ইমুংশিং য়ুম করোর ৪ হেন্না খুৎশীন্নখ্রে। য়ুম চাদা ৭০ নুপীশিংগী মিংদা পাল্লে। নুপী বেনিফিসরি করোর কয়া হৌজিক মিল্লিয়ন্নরি ওইরে। হায়রিবা নুপী করোর কয়া অসি অহানবা ওইনা লন-থুম অমগী মপু ওইবা ঙম্লে। মহাক্না ‘লাক্ষপতি দিদিস’ থাগৎপা ফোঙদোকখি।
প্রধান মন্ত্রীনা হায়খি তুংদা থেংনরক্কদবা খুদোংচাদবশিং অমসুং সহর মশিং হেনগৎলক্লিবা অসি য়েংলগা সরকারনা থবক তৌরি। অনৌবা তেক্নোলোজি শীজিন্নদুনা রাজকোত্তা য়ুম লিশিং কয়া শাবদগী মতম অমশুং শেন য়াম্না চঙহন্দ্রে অমসুং চপ মান্ননা অশোই-অঙাম থোকহন্দ্রে। লাইত হাওস প্রোজেক্কী মখাদা মসিগী চাংয়েং অসি লৈবাক অসিগী সহর ৬দা পায়খৎলে অমসুং তেক্নোলোজি অসিনা মমল হোংনা অনৌবা য়ুমশিং শাবা ঙমহল্লে। অসিগুম্বা য়ুমশিং অসি লায়রবশিংদা অথুবা মতমদা ফংহল্লগনি।
প্রধান মন্ত্রীনা হায়খি লায়রবা অমসুং মিদল ক্লাস ইমুংশিংদা অচৌবা অৱাবা অমা মায়োক্নহনবা রিএল স্তেৎ সেক্তরদা নমথাক তৌবা অমসুং ফত্তবা থবকশিং মুৎথৎনবা থবকশিং পায়খৎলে। য়ুম অমা লৈবা মতমদা থাজবা পীখিবা খুদোংচাবশিং ফংনবা মিদল ক্লাস ইমুংশিংদা রেরা এক্তনা আইনগী ঙাক্লৌ পীরে। মিদল ক্লাস ইমুংশিংদা হাওসিং লোনশিংগীদমক অমুক্তা ওইখিদ্রিবা সবসিদি পীরে। গুজরাত্তা ইমুং লাখ ৫ লুপা করোর লিশিং ১১গী সবসিদি ফংখ্রে।
প্রধান মন্ত্রীনা হায়খি অমৃত কালগী চহি ২৫গী মতমদা মরুওইনা তয়র-২ অমসুং তয়র-৩দা শেন-থুম ফগৎহনগনি। তুংগী দরকার ওইবশিং য়েংলগা গুজরাতকী সহর কয়া ফগৎহল্লে। অমরুত মিসনগী মখাদা সহর ৫০০দা তঙাইফদবা খুদোংচাবশিং শেমগৎলে। সহর ১০০ স্মার্দ সিতিশিং ওইনা শেমগৎলে।
প্রধান মন্ত্রীনা হায়খি ঙসি, ঐখোয়না সহরগী থৌরাং তৌবদা হিংবদা লাইনবা অমসুং পুন্সিগী মগুন হেনগৎহন্নবদা চপ মান্নবা মীৎয়েং চঙলে। মীয়াম মফম অমদগী মফম অমদা চৎপদা মতম য়াম্না চঙহন্দনবা ৱাখল্লোন্দা লৈবাক অসিদা মেত্রো নেতৱার্ক পাকথোক-চাউথোক্লে। লৈবাক অসিদা সহর ২০দা মেত্রো চেল্লে। ২০১৪গী মমাঙদা লৈবাক অসিদা কিলোমিতর ২৫০গী মেত্রো নেতৱার্ক লৈরম্বদগী হৌজিক মেত্রো নেতৱার্ক কিলোমিতর ৬০০দা হেনগৎলে। ঙসিদি ত্বিন সহরশিং হায়বদি অহমেদবাদ-গান্ধীনগর বন্দে ভারত এক্সপ্রেসগুম্বা ত্রেনশিংনা শম্নরে। গুজরাতকী সহর কয়া ইলেক্ত্রিক বস মশিং হেনগৎলে।
লৈবাক অসিদা সহরগী অমোৎপা তন কয়া পুথোক্লিবা অসিদা হকচিন্না লৌদ্রিবা অসিগী মতাংদা প্রধান মন্ত্রীনা হায়খি ২০১৪দা লৈবাক অসিদা অমোৎপা লোইশিনবা চাদা ১৪-১৫ ওইরম্বদগী হৌজিক চাদা ৭৫ য়ৌরে। করিগুম্বা থবক অসি মমাঙদা পাংথোকপা ওইরম্লবদি, ঙসি ঐখোয়গী সহরশিংদা অমোৎপশিংগী চীংজাওশিং লৈরিবা অসি লৈরম্লোই। ঐখোয়গী সহরশিংদা অমোৎপা মপৈ কয়া লৈরিবা অসি লৌথোক্নবা সরকারনা থবক পায়খৎলি। ঐখোয়না লু-নানবা অকোয়বগী ফিবম অমসুং অশেংবা নুংশিৎ ফংলবা মতমদা ঐখোয়গী সহরশিংদা হিংবগী থাক ৱাংখৎকনি।
ঈশিং শেন্নবা অমসুং ঈশিং ফংহনবগী মতাংদা গুজরাতকী নমুনা প্রধান মন্ত্রীনা থাগৎখি। মহাক্না হায়খি কিলোমিতর লিশিং ৩ শাংবা ঈশিংগী মরুওইবা লাইনশিং অমসুং কিলোমিতর লাখ ১.২৫ শাবা দিস্ত্রিবিউসন লাইনশিংনা খুঙ্গং লিশিং ১৫ অমসুং সহরগী মফম ২৫০দা ঈশিং ফংহল্লি। মহাক্কী গুজরাতকী অমৃত সরোভরগী থবক থাগৎপা ফোঙদোকখি।
লোইশিল্লকপদা প্রধান মন্ত্রীনা হায়খি মীওই খুদিংমক্না মসিগী চাউখৎপগী খোঙজেল অসি ঙাক্তুনা থমগদবনি। অমৃত কালগী ঐখোয়গী ৱারেপশিং সবকা প্রায়াসকা লোয়ন্না মপুংফাহনগনি।
থৌরম অদুদা শরুক য়াখিবশিংগী মনুংদা গুজরাতকী চীফ মিনিস্তর শ্রী ভুপেন্দ্র পতেল, এম.পি সি.আর পতিল অমসুং গুজরাত সরকারগী মিনিস্তরশিং য়াওখি।
নুঙগীৱারোল
শঙ্গাখিবা প্রোজেকশিংগী মনুংদা বনাসকান্থা জিলাদা খুঙ্গংগী ঈশিং পীনবা স্কিমশিং ফগৎহনবা, অহমেদবাত্তা তুরেল মথক্তা থোঙ, নারোদা জি.আই.দি.সিদা দ্রেনেজ কল্লেক্সন নেতৱার্ক, মেহসানা অমসুং অহমেদবাত্তা সিৱেজ ত্রিৎমেন্ত প্লান্তশিং অমসুং দাহেগ্রামদা ওদিওতোরিয়ম য়াওরি। উরেপ-উয়ুং তমগদবা প্রোজেকশিংগী মনুংদা জুনাগাধ জিলাদা ব্লক পাইপলাইন প্রোজেক, গান্ধীনগর জিলাদা ঈশিং পীনবা স্কিমশিং ফগৎহনবা, লৈকংথোঙশিং শাবা, অনৌবা ঈশিং পীনবা স্তেসন অমসুং তোঙান-তোঙানবা লম্বীশিং য়াওরি।
প্রধান মন্ত্রীনা পি.এম.এ.ৱাই(খুঙ্গং অমসুং সহর)গী প্রোজেকশিং শঙ্গাখি অমসুং উরেপ-উয়ুং তমখি অমসুং পি.এম.এ.ৱাইগী মখাদা মখা শাবা য়ুমশিং বেনিফিসরি ১৯,০০০ রোম শীন্নখি। মহাক্না স্কিম অসিগী বেনিফিসরিশিংদা য়ুমগী শোশিংসু শীন্নখি। হায়রিবা প্রোজেকশিং অসিগী অপুনবা শেনফম্না লুপা করোর ১৯৫০নি।
*****
(Release ID: 1924449)
Visitor Counter : 103
Read this release in:
English
,
Urdu
,
Marathi
,
Hindi
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam