مکانات اور شہری غریبی کے خاتمے کی وزارت
ہاؤسنگ اور شہری امور کی وزارت کی بڑی مہم ‘میری لائف، میرا سوچھ شہر’ شروع کی گئی
کچرے کے انتظام کے آر آر آر کو کم کرنا، دوبارہ استعمال کرنا اور ری سائیکل کرنا ہے
Posted On:
15 MAY 2023 3:50PM by PIB Delhi
‘‘یہ لفظ لائف ہے، جس کا مطلب ہے ‘ماحولیات کے لیے طرز زندگی’۔ آج ضرورت اس بات کی ہے کہ ہم سب اکٹھے ہوں اور ماحولیات کے لئے طرز زندگی کو ایک مہم کے طور پر آگے بڑھائیں۔ یہ ایک ماحولیاتی باشعور طرز زندگی کی طرف ایک عوامی تحریک بن سکتی ہے’’۔
- وزیر اعظم جناب نریندر مودی کوپ 26 میں
ہاؤسنگ اور شہری امور کے وزیر جناب ہردیپ ایس پوری نے آج یہاں ہاؤسنگ اور شہری امور کی وزارت (ایم او ایچ یو اے) کی بڑی مہم 'میری لائف، میرا سوچھ شہر' کا آغاز ہاؤسنگ اور شہری امور کی وزارت (ایم او ایچ یو اے) کے سکریٹری جناب منوج جوشی اور ہاؤسنگ اور شہری امور کی وزارت (ایم او ایچ یو اے) اور ماحولیات، جنگلات اور آب و ہوا کی تبدیلی کی وزارت (ایم او ای ایف سی سی) کے دیگر سینئر افسران کی موجودگی میں کیا۔
عام گھریلو سامان کا دوبارہ استعمال اور اپ سائیکلنگ ہندوستانی ثقافت کا ایک لازمی حصہ رہا ہے۔ اس مشترکہ عادت سے ایک اشارہ لیتے ہوئے ہاؤسنگ اور شہری امور کی وزارت (ایم او ایچ یو اے) کی مہم کا عنوان ہے – ‘میری لائف، میرا سوچھ شہر’ کچرے کے بندوبست کے تین آر یعنی کچرے کو کم کرنے، دوبارہ استعمال کرنے اور ری سائیکل کرنے کے لیے شروع کیا گیا ہے۔ شہری بھارت کچرے سے ‘دولت’ بنانے کے اصولوں کو تیزی سے اپنا رہا ہے اور شہری دوبارہ استعمال کے لیے پرانی چیزوں کو فعال طور پر ری فربش کر رہے ہیں۔ یہ سوچھ بھارت مشن-شہری 2.0 کے تحت مجموعی طور پر صفر کچرا ماحولی نظام کو ایک تحریک دے رہا ہے۔
تھری آر ‘کچرے سے دولت بنانے کے لئے’ ریڑھ کی ہڈی کی حیثیت رکھتا ہے اور اس نے بہت سے کاریگروں، ری سائیکلرز، خود امدادی گروپوں، کاروباری افراد، اسٹارٹ اپس وغیرہ کو بے شمار مصنوعات میں کچرے کو ری سائیکل کرنے کا اختیار دیا ہے۔ وزیر اعظم جناب نریندر مودی کا مشن لائف (لائف اسٹائل فار انوائرمنٹ) اس کے لیے انفرادی اور اجتماعی اقدامات کی مزید حوصلہ افزائی کرتا ہے۔ مشن لائف ای کا مقصد ماحول کی حفاظت اور تحفظ کرنا ہے اور کرہ ارض کے موافق طرز عمل میں تبدیلی لانا ہے جو روزمرہ کی زندگی میں انفرادی عمل کے ذریعے پیدا کی جا سکتی ہے۔
اس ملک گیر مہم کا مقصد شہروں کو بیدار کرنا ہے تاکہ شہریوں کے لئے اپنے کپڑے، جوتے، پرانی کتابیں، کھلونے اور استعمال شدہ پلاسٹک کو دوبارہ استعمال یا ری سائیکل کرنے کے لیے ریڈیوس، ری یوز، ری سائیکل (آر آر آر) سینٹرز، ون اسٹاپ کلیکشن سینٹرز قائم کئے جائیں۔
یہ تین ہفتے کی مہم سوچھ بھارت مشن-شہری 2.0 کے تحت شہریوں کے عزم - کچرے کو کم کرنے، دوبارہ استعمال کرنے اور ری سائیکل کرنے کو مضبوط کرے گی- یہ مشن لائف کے مقصد کو بھی چمپین بنائے گا جس سے ماحول کے تحفظ کے لیے روز مرہ کی پائیدار عادات کو اپنانے کے لیے اجتماعی کارروائی کی جائے گی۔
آر آر آر سنٹرس 20 مئی 2023 کو ملک بھر میں شروع ہونے والے ہیں اور شہریوں، اداروں، تجارتی اداروں وغیرہ کے لیے غیر استعمال شدہ یا استعمال شدہ پلاسٹک کی اشیاء، کپڑے، جوتے، جوتے، کتابیں اور کھلونے جمع کرنے کے لیے یک مرکزی حل کے طور پر کام کریں گے۔ جمع کرنے کے بعد یہ اشیاء مختلف اسٹیک ہولڈرز کو دوبارہ استعمال کرنے کے لیے دی جائیں گی یا ان کو نئی مصنوعات میں بنایا جائے گا، اس طرح حکومت کے مدور معیشت کے وژن کو صحیح معنوں میں آگے بڑھایا جائے گا۔
مرکزی وزیر نے آر آر آر تھیم سانگ مسابقہ کا بھی آغاز کیا۔ مقابلہ میں حصہ لینے والے افراد ایک تھیم سانگ لکھ سکتے ہیں، کمپوز کر سکتے ہیں، گا سکتے ہیں اور جمع کر سکتے ہیں اور پرکشش انعامات جیت سکتے ہیں۔ یہ مسابقہ مائی جی او وی پلیٹ فارم پر 20 مئی سے 18 جون، 2023 تک کھلا ہے۔
میری لائف، میرا سوچھ شہر 5 جون، 2023 کو لائف کے لیے عہد کے ساتھ اختتام پذیر ہو گا، جو عالمی یوم ماحولیات کے موقع پر ہر ایک کے ذریعے شروع کیا جائے گا اور ساتھ ہی ساتھ تمام شہروں میں بڑے پیمانے پر صفائی مہم چلائی جائے گی۔
شہری MyGov پر https://pledge.mygov.in/life-movement/ پر LiFE کے لیے عہد لے سکتے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ش ح۔ م ع۔ع ن
(U: 5140)
(Release ID: 1924331)
Visitor Counter : 180