దేశ‌వ్యాప్తంగా ఉన్న వేలాదిమంది ఆధార్ ఆప‌రేటర్ల సామ‌ర్ధ్యాన్ని పెంపొందించేందుకు సామ‌ర్ధ్య నిర్మాణ డ్రైవ్‌ను భార‌త విశిష్ట  ప్రాధికార గుర్తింపు సంస్థ (యుఐడిఎఐ) ప్రారంభించింది. 
న‌మోదు, తాజాప‌ర‌చ‌డం, ధ్రువీక‌ర‌ణ ప్ర‌క్రియ‌ల సంద‌ర్భంలో ఆప‌రేట‌ర్ స్థాయిలో లోపాల‌ను త‌గ్గించేందుకు ఆధార్ ప‌ర్యావ‌ర‌ణ వ్య‌వ‌స్థ విధానాలు/ ప‌ద్ధ‌తుల‌లో తెచ్చిన తాజా మార్పుల గురించి ఆప‌రేట‌ర్ల‌కు అవ‌గాహ‌న‌ను క‌ల్పించ‌డం ద్వారా ఈ ప‌ర్యావ‌ర‌ణ వ్య‌వ‌స్థ‌ను ఈ ప్ర‌యోగం బ‌లోపేతం చేస్తుంది. ముఖ్యంగా, ఇది స్థానికుల అనుభ‌వాన్ని మ‌రింత మెరుగుప‌రుస్తుంది. 
గ‌త కొద్ద‌ది నెల‌ల్లో ఈశాన్య రాష్ట్రాలు స‌హా ప‌లు రాష్ట్రాలు, కేంద్ర పాలిత ప్రాంతాల‌లో ఇప్ప‌టికే దాదాపు రెండు డ‌జ‌న్ల శిక్ష‌ణా సెష‌న్ల‌ను ఈ చొర‌వ‌లో భాగంగా యుఐడిఎఐ నిర్వ‌హించింది. ఆప‌రేట‌ర్లు క్షేత్ర స్థాయిలో ప‌ని చేస్తూ, న‌మోదు, తాజా ప‌ర‌చ‌డం, ధ్రువీక‌ర‌ణ‌ల‌కు జ‌వాబుదారీ క‌నుక వారికి ప్ర‌క్రియ‌లు, మార్గ‌ద‌ర్శ‌కాలు, విధానాల గురించి స్ప‌ష్ట‌మైన అవ‌గాహ‌న ఉండ‌డం త‌ప్ప‌నిస‌రి. 
ఈ శిక్ష‌ణా సెష‌న్లు దాదాపు 3, 500 మంది ఆప‌రేట‌ర్లు, మాస్ట‌ర్ ట్రైన‌ర్ల‌కు న‌మోదు, తాజా ప‌ర‌చ‌డం, ధ్రువీక‌ర‌ణ ప్ర‌క్రియ‌ల గురించి న‌వీన ప‌రిజ్ఞానాన్ని క‌ల్పించారు. వారు ఈ ప‌రిజ్ఞాన వ్యాప్తి, తాము సంపాదించిన స‌మాచారాన్ని మ‌రింత విస్త‌రించే  ప్ర‌క్రియ‌ను వారు ప్రారంభించ‌గ‌ల‌రు.  
అంతేకాకుండా, ప్ర‌స్తుత సంవ‌త్స‌రంలో రాష్ట్రాలు, కేంద్ర పాలిత ప్రాంతాల వ్యాప్తంగా 100కు పైగా అటువంటి పూర్తి రోజు సెష‌న్ల‌ను యుఐడిఎఐ నిర్వ‌హించ‌నుంది. 
దేశవ్యాప్తంగా న‌మోదు/  తాజా ప‌రిచే కేంద్రాల‌లో పౌరులు/  స్థానికుల‌కు మ‌రింత మెరుగైన‌, సౌహార్ద్ర‌త‌తో కూడిన అనుభ‌వాన్ని ఇచ్చేందుకు భాగ‌స్వాముల‌కు ఆధార్ ప‌ర్యావ‌ర‌ణ వ్య‌వ‌స్థ‌, ప్ర‌వ‌ర్త‌నా మార్పుపై గ‌ల స్ప‌ష్ట‌మైన ప‌రిజ్ఞానం తోడ్ప‌డుతుంది.

***