تجارت اور صنعت، امور صارفین، خوراک اور عوامی تقسیم اور ٹیکسٹائل کے مرکزی وزیر، جناب پیوش گوئل، کینیڈا کی حکومت کی بین الاقوامی تجارت، برآمدات کے فروغ، چھوٹے کاروبار اور اقتصادی ترقی کی وزیر محترمہ میری این جی کے ساتھ آج اوٹاوا میں تجارت اور سرمایہ کاری پر چھٹے ہندوستان-کینیڈا وزارتی ڈائیلاگ (ایم ڈی ٹی آئی) کی بات چیت کی،  مشترکہ صدارت کریں۔ ایم ڈی ٹی آئی  ایک دو طرفہ طریقہ کار ہے جو تجارت اور سرمایہ کاری سے متعلق مسائل اور تعاون کے شعبوں کے وسیع میدان میں بات چیت کے لیے ادارہ جاتی طریقہ کار فراہم کرتا ہے۔ یہ مکالمہ مختلف موضوعات پر توجہ مرکوز کرے گا جن میں ہندوستان اور کینیڈا کے درمیان باہمی تجارتی تعلقات کو مضبوط بنانا، سرمایہ کاری کو فروغ دینا اور تعاون، گرین ٹرانزیشن - بشمول اہم معدنیات کی بحث اور تعاون کے نئے شعبوں جیسے کہ بی 2 بی مصروفیات کو فروغ دینا۔

وزراء ہندوستان-کینیڈا  سی ای پی  اے (جامع اقتصادی شراکت داری معاہدہ) مذاکرات کا بھی جائزہ لیں گے۔ مارچ 2022 میں ایم ڈی ٹی آئی کی آخری میٹنگ میں، دونوں وزراء نے ایک عبوری معاہدہ یا ای پی ٹی اے (ابتدائی پیش رفت تجارتی معاہدہ) کے امکان کے ساتھ سی ای پی اے مذاکرات کا آغاز کیا۔ تب سے اب تک مذاکرات کے سات دور ہو چکے ہیں۔

وزیر موصوف 9 سے 10 مئی 2023 تک ٹورنٹو کا دورہ بھی کریں گے، جہاں وہ تجارت اور سرمایہ کاری کو فروغ دینے کے لیے مختلف  سرگرمیاں انجام دیں گے ۔ ان مصروفیات میں کینیڈین کمپنیوں کے سی ای اوز کے ساتھ ملاقاتیں، ہندوستانی اور کینیڈین سی ای اوز کی گول میز مذاکرات، کینیڈا میں مقیم کینیڈین اور ہندوستانی کمپنیوں کے ساتھ بات چیت اور مالیاتی شعبے کی گول میز مذاکرات  وغیرہ شامل ہوں گی۔ وزیر موصوف  کے ساتھ ایف آئی سی سی آئی کی قیادت میں ہندوستانی سی ای اوز کا وفد بھی ہوگا۔ .

وزیر موصوف ایس آئی اے ایل کینیڈا-2023  میں ہندوستانی پویلین کا افتتاح کریں گے، جو کہ 50 ممالک کے 1000 سے زیادہ قومی اور بین الاقوامی نمائش کنندگان کی شرکت کے ساتھ شمالی امریکہ کا سب سے بڑاخوراک سے متعلق  اختراعات  کی تجارت کی نمائش ہے۔  اس پروگرام کے ذریعہ ریٹیل، فوڈ سروس اور فوڈ پروسیسنگ انڈسٹریز کی ضروریات کو پورا کیا جائےگا۔ ایس آئی اے ایل  کینیڈا میں، ہندوستانی کاروباری شرکت ٹریڈ پروموشن کونسل آف انڈیا(ٹی پی سی آئی) ، ایگریکلچرل اینڈ پروسیسڈ فوڈ پروڈکٹس ایکسپورٹ ڈیولپمنٹ اتھارٹی(اے پی ای ڈی اے) ، انڈیا ٹریڈ پروموشن آرگنائزیشن(آئی ٹی پی  او) ( آئی ٹی پی  او) اور ایسوسی ایٹڈ چیمبرز آف کامرس اینڈ انڈسٹری آف انڈیا (اے ایس ایس او سی  ایچ اے ایم) کے وفد پر مشتمل ہے۔  ایس آئی اے ایل - 2023 کے موقع پر ہندوستانی کمپنیوں اور کینیڈین درآمد کنندگان کے ساتھ زرعی اور فوڈ پروسیسنگ کے شعبے کے لیے تجارت اور سرمایہ کاری کے فروغ کا ایک پروگرام بھی ہوگا۔ اس تقریب میں 200 کمپنیوں کی شرکت کا امکان ہے۔

توقع ہے کہ اس دورے سے دوطرفہ تجارت اور سرمایہ کاری کے تعلقات کو مزید تقویت ملے گی۔

*************

ش ح ۔ س ب ۔ رض

U. No.4877