শেল-থুম মন্ত্রালয়
কেন্দ্রগী বজেত ২০২৩-২৪দা লাউথোকখিবা অদুগী মতুং ইন্না সরকারনা কোবিদ-১৯ মনুংগীদমক্তা এম.এস.এম.ই.শিংদা রিলিফ পীনবগীদমক্তা ৱিৱাদ সে ৱিশ্বাস স্কীম হৌদোকখ্রে
স্কিম অসিগী মখাদা ক্লেমশিং থাজিন্নবগীদমক্তা অরোইবা নুমিৎ অসি ৩০.০৬.২০২৩
Posted On:
02 MAY 2023 4:27PM by PIB Imphal
শেল-থুম মন্ত্রালয়গী এক্সপেন্দিচরগী দিপার্তমেন্তনা কোবিদ-১৯ মনুংগীদমক্তা মাইক্রো, স্মোল অমসুং মীদিয়ম এন্তর্প্রাইজশিং (এম.এস.এম.ই.শিং)দা রিলীফ পীনবগীদমক্তা “ৱিৱাদ সে ৱিশ্বাস I – এম.এস.এম.ই.শিংদা রিলীফ পীবা” স্কীম অসি হৌদোকখ্রে। স্কীম অসি কেন্দ্রগী শেল-থুম মন্ত্রী, শ্রীমতি নির্মলা সিতারামন্না কেন্দ্রগী বজেত ২০২৩-২৪দা লাউথোকখি। কেন্দ্রগী বজেত স্পীচকী পেরা ৬৬তা শ্রীমতি সিতারামন্না লাউথোকখি:-
“কোবিদ মনুংদা এম.এস.এম.ই.শিংনা কন্ত্রেক্তশিং অদু মপুং ফানা পাংথোকপা ঙমখিদবা তারবদি, বিদ নত্রগা পর্ফোর্মেন্স সেক্যুরিতীগা মরি লৈনবা ককখিবা শেনফম অদুগী চাদা ৯৫দি মখোয়দা সরকার অমসুং সরকারগি উন্দরতেকিংশিংনা মখোয়দা অমুক হঞ্জিনগনি। মসিনা এম.এস.এম.ই.শিংদা রিলীফ পীরগনি।”
শেল-থুম মন্ত্রালয়গী এক্সপেন্দিচরগী দিপার্তমেন্তনা স্কীম অসিগী ব্রোদ স্ত্রকচর অদুবু তাক্লদুনা ০৬.০২.২০২৩দা ওর্দর অমা থোকখ্রে। রিলীফ অসিবু কেস মশিং য়াম্না হেন্না য়াওহল্লদুনা অমসুং রিফন্দশিংগী মতাংদা থম্লিবা লিমিৎশিং অদুবু কোমথোক্লদুনা মসিগী মতাংদা ফাইনেল ইনস্ত্রক্সন অদু ১১.০৪.২০২৩দা থোকখি। স্কীম অসি ১৭.০৪.২০২৩দগী হৌখি অমসুং ক্লেমশিং অসি থাজিন্নবগী অরোইবা নুমিৎ অসি ৩০.০৬.২০২৩নি।
মীওইবা জাতিগী পুৱারীদা খ্বাইদগী চাউবা খুদোংথিবশিংগী মনুংদা অমা ওইরিবা কোবিদ-১৯ লাইচৎ অসিনা শেন্মিৎলোনদা বাম্না চাউনা অমাং-অতা থোকহনখি, মরু ওইনা এম.এস.এম.ই.শিং। মসিগি স্কীম অসিগী মখাদা পীখিবা রিলীফ অসি এম.এস.এম.ই. সেক্তর য়োকখৎনবা অমসুং হিংহন্নবা সরকারনা হোৎনরিবা থবকশিং অদুগী মখা তারকপা ওইনা পাংথোকপনি।
স্কীম অসিগী মখাদা, মন্ত্রালয়শিংদা কোবিদ-১৯ লাইচৎ মনুংদা পীখিদবা/ককখিবা পর্ফোর্মেন্স সেক্যুরিতী, বিদ সেক্যুরিতী অমসুং লিক্বিদেতেদ দেমেজশিং অদু রিফন্দ তৌনবা হায়খ্রে। কোবিদ-১৯ মনুংদা কন্ত্রেক্তশিং মপুং ফানা পাংথোকপা ঙমখিদবগীদমক্তা দিবার তৌখিবা এম.এস.এম.ই.শিংদা অকন্নবা রিলীফসু পীখ্রে।
শেল-থুম মন্ত্রালয়না মসিগী স্কীম অসিগী খুত্থাংদা কোবিদ-১৯ মনুংদা শোকহনখ্রবা মতিকচাবা এম.এস.এম.ই.শিংদা মখাদা পীরিবা অহেনবা অতোপ্পা কান্নবশিং অসিসু পীবা ফিরেপ লৌখি:
- পীথোকখিদবা পর্ফোর্মেন্স সেক্যুরিতীগী ৯৫% রিফন্দ তৌরগনি।
- ii. বিদ সেক্যুরিতীগী ৯৫% রিফন্দ তোরগনি।
- ককখিবা লিক্বিদেতেদ দেমেজ (এল.দি.)গী ৯৫% রিফন্দ তৌরগনি।
- লৈখিবা রিস্ক পর্চেজ এমাউন্তকী ৯৫% অদু রিফন্দ তৌরগনি।
- v. অসিগুম্বা কন্ত্রেক্তশিং অসি মপুং ফানা পাংথোকপা ঙমদবনা মরম ওইরগা করিগুম্বা ফর্ম অমবু দিবার তৌখিবা লৈরবদি, অসিগুম্বা দিবার তৌবগী থৌওং অসি প্রোক্যোরিং এন্তাইতী অদুনা থোকপা মতিকচাবা ওর্দর অমা থোক্তুনা অমুক হন্দোক্লগনি।
তৌইগুম্বশুং, করিগুম্বা ফর্ম অমবু ইন্তেরিম পেরিয়দ (হায়বদি দিবার তৌখিবগী তাং অমসুং ওর্দর অসিগী মখাদা রিভোক তৌখিবগী তাং) অসিগী মনুংদা দিবার তৌখিবা অদুনা মরম ওইরগা করিগুম্বা কন্ত্রেক্ত অমগী প্লেসমেন্ত তোকখিবা তারবদি, ক্লেম অমত্তদা অয়াবা পীরোই।
- অসিগুম্বা রিফন্দ তৌখিবা শেনফম অসিদা ইন্তরেস্ত অমত্তা পীরোই।
ভারত সরকারগী মন্ত্রালয়শিং/দিপার্তমেন্তশিংগী সেক্রেতরীশিংদা অমসুং য়ুনিয়ন তেরিতোরীশিংগী চীফ সেক্রেতরীশিং/এদমিনিস্ত্রেতরশিংদা এক্সপেন্দিচরগী দিপার্তমেন্তনা ওফিস মেমোরেন্দম অদুগী মতুং ইন্না এম.এস.এম.ই.শিংদগী মন্ত্রালয়/ দিপার্তমেন্ত/ এতেচ নত্রগা সবোর্দিনেত ওফিস/ ওতোনোমস বোদী/ সেন্ত্রেল পব্লিক সেক্তর এন্তর্প্রাইজ (সি.পি.এস.ই.)/ সেন্ত্রেল পব্লিক সেক্তর বেঙ্কশিং/ ফাইনান্সিয়েল ইনস্তিত্যুশনশিংনচিংবশিংনা গুদস অমসুং সর্বিসশিংগী প্রোক্যোরমেন্তকীদমক্তা তৌখিয়া কন্ত্রেক্তশিং পুম্নমক্তা মখাগী ক্রাইতরিয়া অসি য়ৌরবদি রিলীফ পীরগনি:
- সপ্লায়র/ কন্ত্রেক্তরনা ক্লেম তৌবা তাং অদুদা এম.এস.এম.ই. মন্ত্রালয়গী মরি লৈনবা স্কীমগী মতুং ইন্না মেদিয়ম, স্মোল নত্রগা মাইক্রো এন্তর্প্রাইজ অমা ওইনা রেজিস্তর তোখিবা ওইবা। এম.এস.এম.ই.না গুদস অমসুং সর্বিসশিংগী কেতেগোরী অমহেক্তদা রেজিস্তর তৌবা য়াগনি।
- ii. কন্ত্রেক্তা পনখ্রিবা তশেংবা দেলিবরী পেরিয়দ/ কমপ্লিশন পেরিয়দ অদু ১৯.০২.২০২০ অমসুং ৩১.০৩.২০২২গী মরক্তা ওই (তাং অনিমক ইনক্লুসিব ওই)।
গোবর্নমেন্ত ই-মার্কেতপ্লেস (জি.ই.এম.) অসিনা মসিগী স্কীম অসিবু চৎনহন্নবগীদমক্তা অখন্নবা ৱেব-পেজ অমা পুথোকখি। মতিক চাবা ক্লেমশিং অদু জি.ই.এম.গী খুত্থাংদা খক্তমক প্রোসেস তৌগনি।
****
(Release ID: 1921657)
Visitor Counter : 149