কেন্দ্রগী লৌউ-শিংউ অমসুং লৌমীশিংগী য়াইফ-থৌরাং মন্ত্রী, শ্রী নরেন্দ্র সিং তোমারনা ঙসি মধ্য প্রদেশকী উজেন জিলাগী বদনাগর খুঙ্গংদা মীচম প্রজাশিংগা লোইননা প্রধান মন্ত্রী, শ্রী নরেন্দ্র মোদীগী ‘মন কী বাত’কী ১০০শুবা এপিসোদ তামিন্নখি।

মসিগী অখন্নবা থৌদোক অসিদা শিনখিবা থৌরম অদুদা ৱা ঙাংলদুনা, শ্রী তোমারনা হায়খি মদুদি ঐখোয়গী লৈবাক অসিনা শ্রী নরেন্দ্র মোদীগুম্বা য়াম্না অরিংবা লুচিংবা অমবু ঐখোয়গী প্রধান মন্ত্রী ওইনা লৈবা অসি ঐখোয় পুম্নমক্কী ওইনা য়াম্না চাউথোকচনিংঙাই ওইবা য়ুগনি। শ্রী মোদী অসি লৈবাক অসিদা লৈরিবা পিকপদগীনা পিক্লবা প্রোব্লেমগী মতাংদা খঙবা অদুগুম্বা প্রধান মন্ত্রী অমনি, মহাক্না  খ্বাইদগী পিকপা অমসুং খ্বাইদগী চাউবা লৈবাকচাশিংগীদমক্তশু চপ মান্ননা খল্লি। খুঙ্গংশিংদা লৈরিবা লাইরবশিং অমসুং লৌমীশিংগী পুন্সিদা অহোংবা অমা পুরকপা হায়বসি মহাক্কী খ্বাইদগী মরু ওইবা ৱাফম্নি।

কেন্দ্রগী মন্ত্রী, শ্রী তোমারনা হায়খি মদুদি লৈবাক অসিগী পোলিতিকেল, সোসিয়েল, ইকোনোমিক অমসুং স্পিরিচুৱল প্রোগ্রেসনা প্রধান মন্ত্রী, শ্রী মোদীনা খ্বাইদগী মরু ওইনা লৌবা ৱাফম্নি, মসিগীদমক্তা মহাক্না লেপ্তনা হোৎনরি। মতম অমদদি ভারতনা মালেমগী পোলিতিকেল স্তেজতা খ্বাইদগী মনিং থংবা ফমদা ফম্লম্মি, ৱা ঙাংবগী খুদোংচাবা ফংলমদে, ঙাংনবগী তাঞ্জা ঙাইবা, অদুবু হৌখিবা চহি ৮-৯দা শ্রী মোদীগী পর্সোনেলিতী-ক্রিয়েতিবিতী, অচেৎপা ফিরেপ, থবক তৌবা ঙম্বগী মতিক, লৈবাক অসিদা মহাক্না পুরকখিবা অহোংবা অমসুং অওনবা অমসুং মহাক্কী দিপ্লোমেসী অদুনা মরম ওইরগা ঙসিদি মালেম অসিদা অহোংবা ফিভম অমা লাক্লে, হায়রিবা অসি লৈবাক অমহেক্তা ওইরগেরা নত্রগা ওর্গনাইজেশন ওইগেরা, মখোয়গী এজেন্দা অদু ভারতনা অয়াবা পীদ্রিবা ফাওবা তংদাবা অরেপ্পা ৱারেপ অমা লেপ্ত্রে। মহাক্না হায়খি মদুদি নিংতম্বগী চহি ৭৫ শুখ্রে, ২০৪৭না চহি ১০০শুবা ওইগদৌরিবনি, হৌজিক অমৃত মাহোতসব পাংথোক্লি, চহি চামাশুবগী কুমওন অদুদি ২০৪৭দা পাংথোক্লগনি। মথংগী চহি ২৫গী খোংচৎ অসি য়াম্না চাউরবা লৈবাক অমা ওইবগী ঐখোয়গী পারি-পুরিশিংগী মঙলানঅদুবু মঙফাওননবগী য়াম্না মরু ওইবা মতম অমা ওইনা খঙনরগনি। মহাক্না হায়খি মদুদি ঐখোয় পুম্নমক্না ভারত অসিবু খ্বাইদগী হেন্না ফবা লৈবাক অমা ওইনা শেমগৎনবগীদমক্তা পমিৎকুপ খুদিং নিংথিনা শিজিন্নগদবনি, নিংতম্বগী চহি ১০০শুবা মতম অদু লাকপা মতমদা ঐখোয়গী অনৌবা মীরোলনা ঐখোয়বু মসিগীদমক্তা থাগৎকদবনি।

শ্রী তোমারনা হায়খি মদুদি শ্রী মোদী অসি মালেম অসিগী ওইনা য়াম্না অচৌবা লুচিংবা অমা ওইনা মশক খঙনরে। শ্রী তোমারনা হায়খি মদুদি, প্রধান মন্ত্রী, শ্রী মোদীনা মন কী বাত্তা শ্রী লক্সমনরাও ইনামদার পনবা মতমদা হায়খি মদুদিমহাক্না মতম পুম্বদা হায়খি মদুদি ঐখোয়না অতোপ্পশিংগী অফবা মগুনশিং অদুবু লাৎকদবনি। নখোয়গী নমাংদা লৈরিবা অদু কনাগুম্বা অমহেক্তা ওইসনু,- নখোয়গা লৈমিন্নবা নত্রগা নখোয়গা লম্বা তৌরিবা অদুবু ওইগেরা, - নখোয়না মখোয়গী অফবা মগুনশিং অদুবু খঙগদবনি অমসুং মখোয়দগী তমজগদবনি। শহরী ইনামদারগী মসিগী মগুন অসিনা মতম চুপ্পদা ঐহাক্কী পুক্নিং থৌগৎখি। ‘মন কী বাত’ অসি অতোপ্পশিংগী মগুনশিংদগী তম্নবগী য়াম্না ফরবা পম্বৈ অমা ওইরে। শ্রী তোমারনা হায়খি মদুদি লেবাক শিনবা থুংনা লৈরিবা মী করোর কয়া অমা অমসুং মালেম্না মসিবু তানরি, মসিদগী অনৌবা ৱাখল কয়া অমা পোকহল্লি, পি.এম. মোদীনা মসিগী থৌরম অসিগী খুত্থাংদা লৈবাকমচা করোর কয়া অমগা হকথেংননা পাউ ফাওনরি, হায়রিবা অসি মমাংদা অমুক্তা থোকখিদ্রি।

পব্লিক্কী মীহুৎশিং, ওফিসরশিং অমসুং লোকেল রেসিদেন্তশিংনা থৌরম অদুদা শরুক য়াখি।

****