سیاحت کی وزارت، حکومت ہند نے 26 اور 27 اپریل کو نئی دہلی اور ممبئی میں روڈ شوز کا انعقاد کیا جس کا مقصد سفر اور سیاحت کی انڈسٹری کے متعلقہ فریقوں میں آئندہ عالمی سیاحتی سرمایہ کاروں کی پہلی چوٹی کانفرنس کے بارے میں بیداری پیدا کرنا ہے۔ سیاحت، ثقافت اور شمال مشرقی ریاستوں کی ترقی کے وزیر جناب جی کشن ریڈی نے سینئر وزارتی افسران کے ساتھ دونوں روڈ شو کی صدارت کی۔

روڈ شو میں حاضرین سے خطاب کرتے ہوئے جناب جی کشن ریڈی نے کہا کہ ‘‘ہندوستانی سیاحتی صنعت کے تجربات کی کثرت کو دیکھتے ہوئے، جیسے فلاح و بہبود، مہم جوئی، ماحولیاتی سیاحت، دیہی سیاحت، روحانی سیاحت اور کئی دیگر، ریاست اور مرکزی حکومت دونوں اس کردار کو تسلیم کرتی ہیں جو سیاحت اقتصادی ترقی کو آگے بڑھانے میں ادا کر سکتی ہے۔ لہذا، نجی سرمایہ کاری، خاص طور پر ہوٹلوں اور دیگر سیاحت سے متعلق بنیادی ڈھانچے میں اہم ہے۔’’

دہلی کے پروگرام میں صنعت کے نامور اسٹیک ہولڈرز کی موجودگی دیکھی گئی جن میں سروور ہوٹلز کے ایم ڈی جناب اجے بکایا، لیمن ٹری ہوٹلز کے چیئرمین اور ایم ڈی جناب پٹو کیسوانی، سی آئی آئی نیشنل کمیٹی ٹورزم اینڈ ہاسپٹلٹی کے شریک چیئرمین اور میک مائی ٹریپ کے بانی اور چیئرمین جناب دیپ کالرا اور آئی ٹی سی لمیٹڈ کے ایگزیکٹو ڈائریکٹر جناب نکول آنند دیگر کے شامل تھے۔ انہوں نے اس شعبے کے جائزہ اور اس کے مستقبل کے امکانات پر اپنی بصیرت کا اشتراک کیا۔

27 اپریل کو منعقد ہونے والے ممبئی روڈ شو میں اہم شخصیات میں جناب سوربھ وجے، پرنسپل سکریٹری (سیاحت) حکومت مہاراشٹر، جناب ہریت شکلا، سکریٹری (سیاحت) حکومت گجرات، جناب وویک شوتریہ، ایڈیشنل منیجنگ ڈائریکٹر، ٹورزم بورڈ، مدھیہ پردیش جناب پون جین،  جوائنٹ ڈائریکٹر، محکمہ سیاحت، حکومت راجستھان نے بھی شرکت کی اور تقریب کے دوران اپنے خیالات کا اظہار کیا۔

صنعت کے ممتاز رہنما جن میں جناب وشال کامت، سی آئی آئی ڈبلیو آر سب کمیٹی برائے سیاحت اور مہمان نوازی کے شریک چیئرمین، سی ای او، کامت ہوٹلز انڈیا لمیٹڈ، مسٹر انوراگ بھٹناگر، سی ای او، دی لیلا پیلیسز، ہوٹلز اینڈ ریزورٹس، سی ڈی آر نیول مالو، وی ایس ایم ( ریٹائرڈ)، نائب صدر ہیڈ - کروز اینڈ نیوی سیل، جے ایم باکسی اینڈ کمپنی، جناب دھیمنت بخشی، سی ای او، امیجیکا، جناب سنتوش کٹی، سی ای او - ہوٹل، مہندرا ہوٹلز اور ریزورٹس نے سیاحت کے وزیر جناب جی کشن ریڈی کے ساتھ ممبئی میں روڈ شو میں شرکت کی۔

بزنس سیمینار کے دوران جناب جی کشن ریڈی نے کہا کہ وزیر اعظم کے امنگوں والے وژن سے متاثر ہوکر حکومت مشن موڈ میں ہندوستان میں سیاحت کی پائیدار ترقی اور فروغ کے لیے لگن سے کام کر رہی ہے۔ ملک اور اندرون ملک سیاحوں کو یادگار تجربات فراہم کرنے کے لیے مختلف اقدامات کیے جا رہے ہیں۔ گلوبل ٹورازم انوسٹر سمٹ کو فروغ دینے کے علاوہ روڈ شو نے وزارت سیاحت کو صنعت کے اسٹیک ہولڈرز سے فیڈ بیک اکٹھا کرنے کا موقع بھی فراہم کیا۔

آئندہ عالمی سیاحتی سرمایہ کاروں کے اجلاس کا مقصد ہندوستان کے سفر اور سیاحت کے شعبے کو سرمایہ کاری کے ایک مثالی مقام کے طور پر اجاگر کرنا اور سرمایہ کاروں کے ساتھ ساتھ مرکزی اور ریاستی حکومتوں کو سرمایہ کاری کے مواقع تلاش کرنے کا ایک فورم فراہم کرنا ہے۔ حصہ لینے والی ریاستوں کو سیاحت کے بنیادی ڈھانچے کے لیے سرمایہ کاری کو راغب کرنے کے لیے ریاستوں میں قابل سرمایہ کاری کے لیے تیار پروجیکٹوں کے لحاظ سے طاقت اور منفرد پیشکش کو ظاہر کرنے کا موقع ملے گا۔ اس سمٹ سے ہندوستان کی سیاحت کی صنعت کی تیز رفتار ترقی کو فروغ دینے کے لیے حکومت اور پرائیویٹ سیکٹر کے درمیان بامعنی بات چیت اور تعاون کی سہولت کی بھی توقع ہے۔

پہلی گلوبل ٹورزم انوسٹرس سمٹ (جی ٹی آئی ایس) 2023 کا انعقاد انویسٹ انڈیا کے ساتھ شراکت داری میں کیا جا رہا ہے بطور سرمایہ کاری فروغ اور سہولت پارٹنر، اور کنفیڈریشن آف انڈین انڈسٹری (سی آئی آئی) بطور انڈسٹری پارٹنر، جس کا مقصد عالمی سطح پر ایک مشترکہ پلیٹ فارم فراہم کرنا ہے۔ اور گھریلو کھلاڑیوں سے بات چیت اور ہندوستانی سفر اور مہمان نوازی کے شعبے میں سرمایہ کاری کے مواقع تلاش کرنے کے لیے۔ ہندوستان کی جی20 صدارت کے تحت منعقد ہونے والی چوٹی کانفرنس جی20 ممالک کے سرمایہ کاروں کے لیے دو طرفہ/کثیرطرفہ مصروفیات کے دیگر شعبوں کے علاوہ ہندوستانی سیاحتی صنعت کی مصنوعات کو تلاش کرنے کے لیے ایک مناسب پلیٹ فارم پیش کرتی ہے۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ش ح۔ م ع۔ع ن

 (U: 4617)