بھارت کی جی20 صدارت کے تحت جی 20 تعلیمی ورکنگ گروپ (ایڈ ڈبلیو جی) کی تیسری میٹنگ آج بھونیشور میں شروع ہوئی۔ میٹنگ کے پہلے دن مرکزی وزیر مملکت برائے تعلیم جناب سبھاش سرکار نے افتتاحی خطاب کیا۔

اعلیٰ تعلیم کے سکریٹری جناب کے سنجے مورتی، اسکولی تعلیم اور خواندگی کے سکریٹری جناب سنجے کمار اور ہنرمندی کے فروغ اور صنعت کاری کے سکریٹری جناب اتل کمار تیواریاور وزارتوں کے سینئر افسران نے میٹنگ میں شرکت کی۔ 27 ممالک بشمول جی20 ممبران، مدعوئین اور بین الاقوامی تنظیمیں بشمول اقوام متحدہ کے بین الاقوامی چلڈرن ایمرجنسی فنڈ (یو این آئی سی ای ایف)، اقوام متحدہ کی تعلیمی، سائنسی اور ثقافتی تنظیم (یو این ای ایس سی او) اور تنظیم برائے اقتصادی تعاون اور ترقی (او ای سی ڈی) کے 60 سے زیادہ مندوبین نے شرکت کی۔

جناب سبھاش سرکار نے روشنی ڈالی کہ ہندوستان کی صدارت میں ایجوکیشن ورکنگ گروپ مشترکہ حقائق کو اجاگر کرنے اور تعلیم کی رسائی، معیار اور نتائج کو بہتر بنانے کے لیے مشترکہ اقدامات کے لیے مشترکہ وعدوں کو دہرانے کے لیے اجتماعی طور پر کام کر رہا ہے۔

جناب سرکار نے کہا کہ آج کی دنیا مصنوعی ذہانت، انڈسٹری 4.0 اور ویب 3.0 جیسے میگا ٹرینڈز کا مشاہدہ کر رہی ہے، جو کام کی جگہ پر نمایاں اثر ڈالیں گے۔ اس ابھرتے ہوئے کام کے ماحولی نظام کے مطابق ڈھالنے کے لیے ہمارے نوجوانوں کو ضروری مہارتوں اور رویوں سے آراستہ کرنے کی ضرورت ہے۔

انہوں نے سب پر زور دیا کہ وہ ہمارے مشترکہ مسائل کے پائیدار حل کے لیے تعاون کریں۔ انہوں نے سماجی فوائد حاصل کرنے کے لیے ہماری اجتماعی مہارت کو بروئے کار لانے اور مضبوط تحقیقی اور اختراعی ماحولی نظام بنانے کو کہا۔

اس میٹنگ سے قبل انسٹی ٹیوٹ آف میٹریل اینڈ منرل ٹیکنالوجی (سی ایس آئی آر-آئی ایم ایم ٹی) میں ہنر مندی کے فروغ اور صنعت کاری اور امداد باہمی کی وزارت کے ساتھ منعقدہ 'مستقبل کے کام کے تناظر میں صلاحیتوں کی تعمیر، زندگی بھر سیکھنے کو فروغ دینا' کے موضوع پر ایک سیمینار منعقد ہوا۔ سیمینار کے ساتھ ساتھ ایک ہفتہ طویل ملٹی میڈیا نمائش کا بھی اہتمام کیا گیا۔ اس نمائش کا افتتاح مرکزی وزیر تعلیم جناب دھرمیندر پردھان نے کیا۔

میٹنگ تک پیشگی واقعات کا ایک سلسلہ منعقد کیا گیا جس میں زندگی بھر سیکھنے اور کام کے مستقبل کے موضوع پر سیمینارز، پینل مباحثے اور ورکشاپس کا انعقاد کیا گیا۔ سیمینار میں تعلیمی برادری، صنعت، حکومت اور سنگاپور ہائی کمیشن نے شرکت کی۔ بات چیت میں ‘ڈیپ ٹیک کام کے مستقبل میں جدید ٹیکنالوجی پر فوکس’، ‘ٹرانسفارمنگ لاجسٹکس - ساحلی علاقوں کی معیشتوں پر توجہ’ اور ‘اسکل آرکیٹیکچر اینڈ گورننس ماڈلز - سنگا پور ماڈل سے سیکھنا’ پر مشتمل عنوانات تھے۔

نوجوانوں کو شامل کرنے کے لیے، اڈیشہ میں یکم اپریل 2023 کو ‘اتکل دیبس’ یا‘اڈیشہ ڈے’ سے شروع ہونے والی ماہ بھر جاری رہنے والے ‘جن بھاگیداری’ پروگراموں کا ایک سلسلہ منعقد کیا گیا۔ یہ تقریبات بھونیشور میں جاری تعلیمی ورکنگ گروپ کی تیسری میٹنگ کے ارد گرد بیداری پیدا کرنے کی کوشش بھی ہیں۔ اس پہل کے تحت ریاست کے 30 اضلاع میں بیداری ریلیاں، میراتھن، مضمون نگاری، رنگولی سازی، یوگا سیشن، کوئز، مباحثہ، تقریر، موک جی 20 اور بہت سی دیگر سرگرمیوں جیسے نوجوانوں کو شامل کرنے والے مختلف مقابلوں اور سرگرمیوں کا انعقاد کیا گیا۔ اس مہم میں اڈیشہ بھر کے 35 اداروں سے تقریباً 1 لاکھ سے زائد افراد نے شرکت کی۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ش ح۔ م ع۔ع ن

 (U: 4587)