ਪੂਰੇ ਦੇਸ਼ ਵਿੱਚ ਸਾਰਿਆਂ ਲਈ ਗੁਣਵੱਤਾਪੂਰਨ ਮੈਂਟਲ ਹੈਲਥਕੇਅਰ ਉਪਲਬਧ ਕਰਵਾਉਣ ਦੀ ਦਿਸ਼ਾ ਵਿੱਚ ਇੱਕ ਮਹੱਤਵਪੂਰਨ ਉਪਲਬਧੀ ਦੇ ਰੂਪ ਵਿੱਚ ਕੇਂਦਰੀ ਸਿਹਤ ਅਤੇ ਪਰਿਵਾਰ ਭਲਾਈ ਮੰਤਰਾਲੇ ਦੀ ਟੈਲੀ ਮੈਂਟਲ ਹੈਲਥ ਅਸਿਸਟੈਂਸ ਐਂਡ ਨੈੱਟਵਰਕ ਐਕਰੋਸ ਸਟੇਟਸ (ਟੈਲੀ-ਮਾਨਸ) ਹੈਲਪਲਾਈਨ ਨੇ ਅਕਤੂਬਰ 2022 ਵਿੱਚ ਆਪਣੇ ਲਾਂਚ ਦੇ ਬਾਅਦ ਤੋਂ ਇੱਕ ਲੱਖ ਤੋਂ ਵਧ ਕਾਲਾਂ ਪ੍ਰਾਪਤ ਕਰ ਕੇ ਇੱਕ ਮਹੱਤਵਪੂਰਨ ਉਪਲਬਧੀ ਹਾਸਲ ਕੀਤੀ ਹੈ।

ਕੇਂਦਰੀ ਸਿਹਤ ਮੰਤਰੀ ਡਾ. ਮਨਸੁਖ ਮਾਂਡਵੀਯਾ ਨੇ ਟਵੀਟ ਕਰਕੇ ਦੇਸ਼ਵਾਸੀਆਂ ਨੂੰ ਇਸ ਉਪਲਬਧੀ  ਲਈ ਵਧਾਈ ਦਿੱਤੀ ਹੈ।

Together For Mental Health!

100,000 calls received on the Tele Manas Helpline since its launch in October 2022.

PM @NarendraModi Ji's Govt is committed to providing access to quality mental healthcare for all across the country. pic.twitter.com/h939m79yhR

— Dr Mansukh Mandaviya (@mansukhmandviya) April 24, 2023

ਵਰਲਡ ਮੈਂਟਲ ਹੈਲਥ ਡੇ ਦੇ ਮੌਕੇ ’ਤੇ 10 ਅਕਤੂਬਰ 2022 ਨੂੰ ਭਾਰਤ ਦੇ ਰਾਸ਼ਟਰੀ ਟੈਲੀ ਮਾਨਸਿਕ ਸਿਹਤ ਪ੍ਰੋਗਰਾਮ ਦਾ ਉਦਘਾਟਨ ਕੀਤਾ ਗਿਆ ਸੀ। ਆਪਣੀ ਸਥਾਪਨਾ ਦੇ ਬਾਅਦ ਤੋਂ ਹੀ ਇਸ ਸੇਵਾ ਦਾ ਉਦੇਸ਼ ਇੱਕ ਡਿਜੀਟਲ ਮਾਨਸਿਕ ਸਿਹਤ ਈਕੋਸਿਸਟਮ ਦੀ ਸਥਾਪਨਾ ਕਰ ਰਿਹਾ ਹੈ, ਜਿਸ ਨਾਲ ਮੌਜੂਦਾ ਮਾਨਸਿਕ ਸਿਹਤ ਦੇਖਭਾਲ ਸੇਵਾਵਾਂ ਨੂੰ ਉਤਸ਼ਾਹ ਮਿਲਿਆ ਹੈ। ਕੋਵਿਡ ਮਹਾਮਾਰੀ ਨੂੰ ਦੇਖਦੇ ਹੋਏ ਇੱਕ ਡਿਜੀਟਲ ਮਾਨਸਿਕ ਸਿਹਤ ਨੈੱਟਵਰਕ ਦੀ ਤੁਰੰਤ ਜ਼ਰੂਰਤ ਮਹਿਸੂਸ ਕੀਤੀ ਗਈ ਅਤੇ ਜਿਸ ਦਾ ਉਦੇਸ਼ ਦੇਸ਼ ਦੇ ਸਭ ਤੋਂ ਦੂਰ-ਦੁਰਾਡੇ ਹਿੱਸੇ ਵਿੱਚ ਵੀ ਮਾਨਸਿਕ ਸਿਹਤ ਦੇਖਭਾਲ ਸੇਵਾਵਾਂ ਦੇ 24 ਘੰਟੇ ਉਪਲਬਧ ਕਰਵਾਉਣਾ ਹੈ। ਇਹ ਸੇਵਾਵਾਂ ਸਾਰੇ ਵਿਅਕਤੀਆਂ ਦੇ ਲਈ ਟੋਲ ਮੁਫਤ ਨੰਬਰ 14416/1800-89-14416 ਦੇ ਮਾਧਿਅਮ ਨਾਲ ਮੁਫਤ ਉਪਲਬਧ ਹੋ ਰਹੀਆਂ ਹਨ।

ਰਾਸ਼ਟਰ ਵਿਆਪੀ ਸੇਵਾ, ਸਿਹਤ ਅਤੇ ਪਰਿਵਾਰ ਭਲਾਈ ਮੰਤਰਾਲਾ, ਭਾਰਤ ਸਰਕਾਰ ਦੀ ਇੱਕ ਪਹਿਲ ਹੈ ਜਿਸ ਵਿੱਚ ਆਪਣੇ ਕੰਮ ਦੇ ਪਹਿਲੇ 6 ਮਹੀਨੇ ਸਫ਼ਲਤਾਪੂਰਵਕ ਪੂਰੇ ਕਰ ਲਏ ਹਨ, ਵਰਤਮਾਨ ਵਿੱਚ 27 ਰਾਜਾਂ ਅਤੇ ਕੇਂਦਰ ਸ਼ਾਸਿਤ ਪ੍ਰਦੇਸ਼ਾਂ ਵਿੱਚ 38 ਤੋਂ ਵੱਧ ਟੈਲੀ ਮਾਨਸ ਸੈੱਲ ਕੰਮ ਕਰ ਰਹੇ ਹਨ ਅਤੇ 20 ਤੋਂ ਵੱਧ ਭਾਸ਼ਾਵਾਂ ਵਿੱਚ ਮਾਨਸਿਕ ਸਿਹਤ ਸੇਵਾਵਾਂ ਪ੍ਰਦਾਨ ਕਰ ਰਹੇ ਹਨ ਅਤੇ 1600 ਤੋਂ ਵੱਧ ਸਿਖਿਅਤ ਸਲਾਹਕਾਰ ਪਹਿਲੀ ਲਾਈਨ ਦੀ ਸੇਵਾਵਾਂ ਪ੍ਰਦਾਨ ਕਰ ਰਹੇ ਹਨ। ਹੁਣ ਤੱਕ ਟੈਲੀ ਮਾਨਸ ’ਤੇ ਪ੍ਰਾਪਤ ਹੋਣ ਵਾਲੀਆਂ ਵਧੇਰੇ ਕਾਲਾਂ ਉਦਾਸ ਮਨ, ਤਣਾਅ ਨਾਲ ਸਬੰਧਿਤ ਕਾਲਾਂ, ਪਰੀਖਿਆ ਨਾਲ ਸਬੰਧਿਤ ਚਿੰਤਾ, ਘਰੇਲੂ ਗੜਬੜੀ ਅਤੇ ਨੀਂਦ ਨਾ ਆਉਣ ਦੀ ਸਮੱਸਿਆ ਨਾਲ ਸਬੰਧਿਤ ਹੁੰਦੀਆਂ ਹਨ।

ਟੈਲੀ ਮਾਨਸ ਪਹਿਲ, ਜਿਸ ਦਾ ਐਲਾਨ ਕੇਂਦਰੀ ਸਿਹਤ ਅਤੇ ਪਰਿਵਾਰ ਭਲਾਈ ਮੰਤਰਾਲੇ ਨੇ ਕੇਂਦਰੀ ਬਜਟ 2022-23 ਵਿੱਚ ਦੇਸ਼ ਵਿੱਚ ਮਾਨਸਿਕ ਸਿਹਤ ਸੰਕਟ ਨੂੰ ਸਵੀਕਾਰ ਕਰਦੇ ਹੋਏ ਕੀਤੀ ਸੀ। ਇਹ ਕਾਲ ਕਰਨ ਵਾਲੀਆਂ ਦੀ ਗੁੱਪਤਤਾ ਨੂੰ ਬਣਾਏ ਰੱਖਦੇ ਹੋਏ ਮਾਨਸਿਕ ਸਿਹਤ ਮੁੱਦਿਆਂ ਲਈ ਮਦਦ ਦੇ ਇੱਛੁਕ ਲੋਕਾਂ ਦੇ ਲਈ ਇੱਕ ਵਿਲੱਖਣ ਪਹਿਲ ਹੈ। ਇਸ ਪ੍ਰਕਾਰ ਇਹ ਪਹਿਲ ਮਾਨਸਿਕ ਸਿਹਤ ਦੇ ਮੁੱਦਿਆਂ ਨਾਲ ਘਿਰੇ ਲੋਕਾਂ ਦੀ ਪਰੇਸ਼ਾਨੀਆਂ ਨੂੰ ਘੱਟ ਕਰ ਹਹੀ ਹੈ।

ਭਾਰਤ ਦਾ ਰਾਸ਼ਟਰੀ ਟੈਲੀ ਮਾਨਸਿਕ ਸਿਹਤ ਪ੍ਰੋਗਰਾਮ ਸਮੱਰਥਾ ਨਿਰਮਾਣ ਪਹਿਲ ਦੇ ਰਾਹੀਂ ਰਾਸ਼ਟਰ ਦੇ ਮਾਨਸਿਕ ਸਿਹਤ ਕਾਰਜਬਲ ਦੇ ਨਿਰਮਾਣ ’ਤੇ ਧਿਆਨ ਕੇਂਦ੍ਰਿਤ ਕਰਦਾ ਹੈ। ਇਸਦੇ ਨਾਲ-ਨਾਲ ਇਹ ਸੁਨਿਸ਼ਚਿਤ ਕਰਦਾ ਹੈ ਕਿ ਮਾਨਸਿਕ ਸਿਹਤ ਸੇਵਾਵਾਂ ਹਰ ਘਰ ਅਤੇ ਹਰ ਵਿਅਕਤੀ ਤੱਕ ਮੁਫਤ ਪਹੁੰਚ ਸਕਣ ਅਤੇ ਸਮਾਜ ਦੇ ਸਭ ਤੋਂ ਕਮਜ਼ੋਰ, ਵੰਚਿਤ ਅਤੇ ਅਨਜਾਨ ਤਬਕੇ ਨੂੰ ਲਕਸ਼ਿਤ ਕਰ ਸਕੀਏ। ਇਨ੍ਹਾਂ 6 ਮਹੀਨਿਆਂ ਵਿੱਚ ਟੈਲੀ ਮਾਨਸ ਇੱਕ ਲੱਖ ਦੇ ਅੰਕੜੇ ਨੂੰ ਪਾਰ ਕਰ ਗਿਆ ਹੈ ਅਤੇ ਇਸ ਨੇ ਪੂਰੇ ਭਾਰਤ ਵਿੱਚ ਇੱਕ ਮਜ਼ਬੂਤ ਡਿਜੀਟਲ ਮਾਨਸਿਕ ਸਿਹਤ ਨੈੱਟਵਰਕ ਦਾ ਨਿਰਮਾਣ ਕਰਨ ਦੇ ਆਖਰੀ ਟੀਚੇ ਨੂੰ ਹਾਸਲ ਕਰਨ ਵਿੱਚ ਇੱਕ ਨਵਾਂ ਮੋੜ ਲਿਆ ਹੈ।

****

ਐੱਮਵੀ