রাজস্থান্দা চৎখিবা নুমিৎ হুম্নিগী খোঙচৎ মনুংদা, খাদী এন্দ ভিলেজ ইন্দস্ত্রিজ কম্মিসন (কে.ভি.আই.সি.) চেয়রমেন শ্রী মনোজ কুমারনা ‘থবক থিরিবা মীওই অমা ওইবগী মহুত্তা থবক পীবা মীওই ওইবা’ হায়বা প্রধান মন্ত্রী, শ্রী নরেন্দ্র মোদীগী খোল্লাউবু শন্দোক্নবগীদমক তোঙান তোঙানবা প্রোগ্রাম অমদি ৱর্কসোপশিংদা শরুক য়াখ্রে‍। এপ্রিল ২০দা প্রাইম মিনিস্তর্স ইমপ্লোইমেন্ত জেনেরেসন প্রোগ্রাম (পি.এম.ই.জি.পি.)গী মতাঙদা ৱর্কসোপ অমা পাঙথোকখি, মদুদা জয়পুরগী এম.পি. শ্রী রামচরন বোহরা অমদি তোঙান তোঙানবা পঞ্চায়ত সমিতীশিংগী কেম্বরশিং, সর্পঞ্চশিং, খাদী ইনস্তিত্যুসনশিংগী মীহুৎশিং অমদি কম্মিসনগী মকোক থোংবা ওফিসিএলশিংনা শরুক য়াখি‍। অদুগা এপ্রিল ২১দা দারিয়া খুঙ্গংদা পি.এম.ই.জি.পি.গী মতাঙদা এৱ্যারনেস কেম্প অমা পাঙথোক্তুনা স্কীম অসিগী মচা খায়বা ৱারোলশিং বেনিফিসীরশিংদা হকথেংননা পাউদমখি‍।

জয়পুরদা লৈবা স্তেত ওফিসতা এপ্রিল ২০দা পাঙথোকপা পি.এম.ই.জি.পি. ৱর্কসোপ অদুদা ৱা ঙাঙলদুনা, খাদী এন্দ ভিলেজ ইন্দস্ত্রিজ কম্মিসন্না খুঙ্গঙ খুদিংদা লেপ্পা লৈতনা থবক পীননবা হোৎনরি হায়না এম.পি. শ্রী রামজরন বোহরানা হায়খি‍। এম.পি.না তোঙান তোঙানবা পঞ্চায়ত সমিতীশিং/বিধান সভা কেন্দ্রশিংদা এৱ্যারনেস কেম্পশিং পাঙথোক্নবা পাউতাক পীখি‍। থৌরমদুদা ৱা ঙাঙলদুনা, শ্রী মনোজ কুমারনা প্রধান মন্ত্রী শ্রী নরেন্দ্র মোদীগী ‘ভোকেল ফোর লোকেল’গী খোল্লাউনা খাদীবু লোকেল তু গ্লোবেল ওইহল্লে হায়খি‍। হৌজিক্তি খাদী অসি ফেসনগী সিম্বোল অমা ওইবতা নত্তনা লায়রবশিংগী পুন্সিদা খ্বায়দগী মতিং লৈবা অহোংবা পুরক্নবগী পাম্বৈ অমসু ওইরে‍। লৈবাকসিগী নহাশিংনা পি.এম.ই.জি.পি.গী মখাদা লোন লৌদুনা অপীকপা য়ুনিৎশিং লিংখৎপদা প্রধান মন্ত্রী শ্রী নরেন্দ্র মোদীগী স্বদেসী কেম্পেনদা শরুক য়াশিন্দুনা য়াম্লবা মীওইশিংদা থবক পীবা ঙমগনি হায়না মহাক্না ফোঙদোকখি‍।

এপ্রিল ২০দা জয়পুরদা চৎখিবা মহাক্কী খোঙচৎ মনুংদা খাদী সম্বাদ প্রোগ্রামদা শরুক য়ারদুনা, কে.ভি.আই.সি. চেয়রমেন্না খাদী য়োনবগী চাং হেনগৎহন্নবা লোয়ননা প্রধান মন্ত্রীগী মঙলান মপুং ফাহন্নবা, অমদি থাদী ফিশাবীশিংগী শেন্মিৎলোনগী ফীভম ফগৎহন্নবগীদমক, কে.ভি.আই.সি.না পুৱারী ওইবা খোঙথাঙ অমদা এপ্রিল ১দগী হৌরগা অমুক্তদা খাদীগী লমদা থবক তৌরিবা শিন্মী পুম্নমক্কী খুৎশুমল ৩৫% রোম হেনগৎখ্রে হায়খি‍। “খাদী এন্দ ভিলেজ ইন্দস্ত্রিজ কম্মিসন্না খাদী আর্তিজনশিংগী খুৎশুমল ২০১৪দগী হৌজিক ফাওবদা চাদা ১৫০ হেন্না হেনগৎহনখিবদা ঐ নুংঙাইবা ফাওই”, হায়না মহাক্না ফোঙদোকখি‍। খাদী অমদি ভিলেজ ইন্দস্ত্রীগী পোত্থোকশিং হেন্না হেন্না লৈবনা ভারত মচা খুদিংমক্না ‘আত্মনিরভর ভারত’ শেমগৎপদা থৌদাং য়াবা ওইগদৌরিবনি হায়না মহাক্না মীয়ামগী মফমদা থমখি‍।

রাজস্থান খোঙচৎকী নিনি চনবা নুমিত্তা, জয়পুরগী দারিয়া খুঙ্গংদা এপ্রিল ২১দা প্রাইম মিনিস্তর্স এমপ্লোইমেন্ত জেনেরেসন প্রোগ্রাম (পি.এম.ই.জি.পি.)গী মখাতা এৱ্যারনেস কেম্প অমা পাঙথোকখি, মদুদা জয়পুরদগী লোক সভা এম.পি. অমদি খাদী এন্দ ভিলেজ ইন্দস্ত্রিজ কম্মিসনগী চেয়রমেন অমসুং লমদমদুগী মীয়ামগী মীহুৎশিং শরুক য়াখি‍। থৌরম অদুদা, প্রাইম মিনিস্তর্স এমপ্লোইমেন্ত জেনেরেসন প্রোগ্রামগী মখাদা চে থাবগী থৌওংশিং পি.পি.তি. ওইনা উত্তুনা স্কীম অসিগী মরমদা মচা খায়বা ৱাফমশিং তাকখি‍। কেম্প অদুদা, এম.পি. অমদি কে.ভি.আই.সি. চেয়রমেন্না বেনিফিসরীশিংবু ওনলাইন্দা লোনগীদমক এপ্লাই তৌহনখি‍। কেম্প অদুদা চাউরাক্না মীওই ৭০ দগী ৮০ রোমনা এপ্লিকেসন থাজিনখি‍। মহাক্কী খোঙচৎকী হুম্নি চনবা নুমিৎ, এপ্রিল ২২দা কে.ভি.আই.সি. চেয়রমেন্না খাদী এন্দ ভিলেজ ইন্দস্ত্রিজ কম্মিসন, জয়পুরগী ওফিসরশিং অমদি শিন্মীশিংগী য়েংশিন মীফম অমা পাঙথোকখি‍।

*********