এপ্রিল ২৬,২০২৩দা নিউ দিল্লিদা মন কি বাতকী মতাংদা ইনফোর্মেসন অমসুং ব্রোদকাস্তিং মিনিস্ত্রিনা শীন্দুনা নোংমগী নেসনেল কনক্লেব অমা পাংথোক্কনি। অয়ুক্কী পুং ১০দা উপ-রাস্ত্রপতি শ্রী জগদিপ ধানকরনা হৌদোক্কদবা থৌরম অদুদা ইনফোর্মেসন অমসুং ব্রোদকাস্তিংকী য়ুনিয়ন মিনিস্তর শ্রী অনুরাগ থাকুরনা গেস্ত ওফ ওনর ওইনা শরুক য়াগনি অমসুং প্রধান মন্ত্রীগী থাগী রেদিও থৌরম ভারত শীনবা থুংনা মীওই করোর ১০০ হেন্নবা তাবদা হরাওবা ফোঙদোকপা ওইনা থৌরম অসি পাংথোকপনি।

ওক্তোবর ৩,২০১৪দা শন্দোকপা হৌখিবা মন কি বাত থৌরম অসি থা খুদিংগী মীয়ামদা প্রধান মন্ত্রীনা ৱা ঙাংদুনা লৈবাক্কী চৎনবী অমা ওইরকখি, ভারতকী চাউখৎপগী খোঙচত্তা শরুক য়ানবা মীওই কয়া ইথিল পীখি। থৌরম অসি লৈবাক অসিগী মীয়ামগা মখোয়গী প্রধান সেবক্কা থা খুদিংগী ৱারি শান্নবা, মখোয়গী মাইপাকপশিং, লাংতক্নবশিং, হরাওবা অমসুং চাউথোকচনিঙাই ওইবা থৌদোকশিং পাউদম্নবা অমসুং অনৌবা ভারত অমগী পাউতাকশিং পীনবা মফম অমা ওইখি।

মন কি বাতকী তোঙান-তোঙানবা ইপিসোদশিংদা প্রধান মন্ত্রীনা মমিং পনখিবা লৈবাক অসিগী মফম কয়াদগী শক্নাইরবা মীওই ১০০ রোম থৌরম অসিদা শরুক য়াগনি। লৈবাক শেমগৎনবা মখোয়না পাংথোকখিবা থবকশিং প্রধান মন্ত্রীনা মহাক্কী ৱারোলদা পনখি। শরুক য়াগদৌরিবা মীওইশিংগী মনুংদা তোঙান-তোঙানবা হিরমশিং হায়বদি মমাঙঙৈগী কলা, নাৎ অমসুং ক্রাফশিং য়োকখৎনবা থবক তৌরিবশিং, মহৌশাগী অকোয়গী ফিবম ঙাক-শেল্লিবশিং অমসুং কোবিদ মতমদা চোকথবা লৈতনা থবক তৌখিবশিং, লায়রবশিং মতেং পাংখিবা মীওইশিং, খুন্নাইনা থেংনরিবা অৱাবশিং কোকহন্নবা অনৌবা পাম্বৈশিং পুথোকখিবা মীওইশিং য়াওরি।

শরুক য়াগদৌরিবা মীওইশিং অসিনা তোঙান-তোঙানবা অখন্নবা পোৎলমশিং হায়বদি গৱাদগী অরিবা কাবি অয়েকপা লাইশিং, অন্ধ্র প্রদেসতগী উনা শাবা শান্নপোৎ ইতিকোপ্পাকা, ওরিসাদগী নুংদা য়েকপা লাই পাত্তচিত্রা অমসুং উত্তর প্রদেসকী লাখিম্পুর খেরিদগী সেল্ফ হেল্ফ গ্রুপনা লফুদগী লৌবা মশিংনা শাবা পোৎথোকশিং পুরক্কনি।

থৌরম অসিদা উপ রাস্ত্রপতিনা লাইরিক অনি ফোঙগনি। অহানবদা, মন কি বাতকী খোঙচৎকী মরমদা পাউদম্বা ‘Mann Ki Baat@100’ গী কোফি তেবল বুক অমা ফোঙগনি। অনিশুবা লাইরিক ওইনা, প্রসার ভারতিগী হান্নগী সি.ই.ও শ্রী এস.এস বেম্পাতিনা ইবা ‘কল্লেক্তিপ স্পিরিৎ’ ফোঙগনি।

থৌরম হৌদোক্লবা মতুংদা মন কি বাত মনুংদা প্রধান মন্ত্রীনা ৱারি শানখিবা তোঙান-তোঙানবা হিরমশিংগী মতাংদা পেনেল দিসকসন ৪ পাংথোক্কনি। সেসন অমমম শক্নাইরবা মীওই অমনা পাংথোক্কনি। মন কি বাতনা ভারত শীনবা থুংনা অওনবা পুরকখিবা অমসুং প্রধান মন্ত্রীনা মীয়ামগা মপুংফানা পাউ ফাওনবা ঙমখিবা অমসুং অহোংবা পুরক্নবা মখোয়দা থৌনা হাপখিবগী মতাংদা খন্নগনি।

অহানবা সেসন ‘নারি শক্তি’ থিমদা খন্নগনি। ভারত চাউখৎহনবদা নুপীনা মাংজিল থাবা ময়াইদা লৈনবা সরকারনা খন্নরি। হৌখিবা চহি ৯দা নুপীশিং শক্তি পীনবা অমসুং ভারতকী চাউখৎপগী খোঙচত্তা মখোয়না মাংজিল থানবা সরকারনা য়াইফ-থৌরাং কয়া পায়খৎলে। হায়রিবা ৱাফমশিং অসিদা মীৎয়েং থমদুনা, শক্নাইরবা এনকর অমসুং হোস্ত রিচা অনিরুধনা মোদরেতর ওইগনি অমসুং পেনেলিস্ত ওইনা পুদুচেরিগী হান্নগী লেপ্তনেন্ত গভর্নর কিরন বেদি, শান্নরোয় দিপক মালি, বেত্তর ইন্দিয়াগী ফাউন্দর অমসুং সি.ই.ও ধিমান্ত পরেখ, আর.জে নিতিন, এক্ত্রেস রবিনা তন্দন, বোক্সর নিখত জারিন অমসুং চীংকারোয় পুর্না মালাবাথ শরুক য়াগনি। জুন ২০২২গী মহাক্কী মন কি বাত্তা প্রধান মন্ত্রীনা তেলঙ্গানাগী চীংকারোয় অসি থাগৎপা ফোঙদোকখি।

“বিরাসাত কা উথান” হায়বা থিমদা অনিশুবা সেসন পাংথোক্কনি। সেসন অসিদা ভারতকী হৌখ্রবা অফবা মতমশিং অমসুং অনৌবা ভারতকী মতাংদা খন্নগনি অমসুং সেসন অসিদা পেনেলিস্ত ওইনা শৈবানবা অমসুং ইনভাইরোনমেন্তলিস্ত রিক্কি কেজ, ইনভাইরোনমেন্ত কঞ্জর্বেসন্নিস্ত জগত কিনখাবৱালা, তি.ভি অমসুং রেদিও হোস্ত সিদ্ধার্থ কান্নন, ইনভাইরোনমেন্ত কঞ্জর্বেসন্নিস্ত রোচামলিয়ানা, পাউমী পালিক শর্মা শরুক য়াগনি অমসুং ৱারি লিবা নিলেস মিশ্রানা মোদরেতর ওইনা শরুক য়াগনি। মহৌশাগী অকোয়গী ফিবম কন্নবা মখোয়না পায়খৎখিবা থবকশিংগীদমক প্রধান মন্ত্রীনা জগত কিনখাবৱালা অমসুং রোচামলিয়ানা থাগৎপা ফোঙদোকখি।

মে ২০১৭দা জগত কিনখাবৱালানা হৌদোকখিবা শেন্দ্রাং কন্নবা থবকশিং অমসুং লাইরিক্কী মতাংদা প্রধান মন্ত্রীনা ফোঙদোকখি। মিজোরমদা চিতে তুরেল হান্নগী ফিবম হল্লক্নবা রোচামলিয়ানা পাংথোকপা থবক সেব চিত্তে লুই এক্সন প্লানগী মতাংদা জুন ২০২২দা প্রধান মন্ত্রীনা পনখি।

“জন সমবাদ সে অত্মানির্ভরতা” হায়বা থিমদা ভারতকী মমি লৈরবা ওন্ত্রেপ্রেনিউয়র শ্রাধা শর্মানা মোদেরেতর ওইদুনা অহুমশুবা সেসন পাংথোক্কনি। “অত্মানির্ভরতা”গী মরুওইবগী মতাংদা ওন্ত্রেপ্রেনিউয়র সঞ্জিব ভিকচান্দনি, আর জে রৌনাক, পদ্ম শ্রী ফংলবা তি.ভি মোহান্দাস পাই,  ওন্ত্রেপ্রেনিউয়র অমসুং পোলিসি মেকর রবি কুমার নারা, দাল লেক লোতুস স্তেম প্রদুসর কম্পেনিগী লুচিংবা মোহমদ অব্বাস ভাতনা খন্নগনি। থম্বাল মখোক্তগী চানবা পোৎলম কয়া পুথোক্তুনা লৌমী কয়া থবক পীবগীদমক মার্চ ২০২৩দা প্রধান মন্ত্রীনা দাল লেক লোতুস স্তেম প্রদুসরকী থবকশিং থাগৎপা ফোঙদোকখি।

 ‘অহৱান সে জন অন্দোলন’ হায়বা থিমদা মরিশুবা অমসুং অরোইবা সেসন পাংথোক্কনি। সেসন অসিদা শ্বাছ ভারত অভিয়ান য়াওনা তোঙান তোঙানবা খোঙজংশিংগী মতাংদা খন্নগনি অমসুং আর.জে সরতনা মোদেরেতর ওইগনি অমসুং এক্তর অমির খান, দোক্তর সাসানক আর জোসি, স্কুল প্রিন্সিপাল দিপমালা পান্দে, অইবা অমসুং ফোতোগ্রাফর করিসমা মেহতা অমসুং এদমিনিস্ত্রেতর প্রোফেসার নজমা অখতারনা ৱা ঙাংগনি।

লোইশিনবগী থৌরমদা য়ুনিয় হোম মিনিস্তর শ্রী অমিস সাহ, রেলৱেজ, কম্মুনিকেসন, ইলেক্ত্রোনিক্স অমসুং ইনফোর্মেসন তেক্নোলোজিগী য়ুনিয়ন মিনিস্তর শ্রী অশ্বিনি বৈষ্ণব, ইনফোর্মেসন অমসুং ব্রোদকাস্তিংগী য়ুনিয়ন মিনিস্তর শ্রী অনুরাগ থাকুর শরুক য়াগনি। ফাইনান্সকী রাজ্য মন্ত্রী শ্রী পনকজ চৌধরিসু লোইশিনবগী থৌরম শরুক য়াগনি। মন কি বাতকী ১০০শুবা ইপিসোদকী শরুক অমা ওইনা কম্মেমোরেতিপ পোস্তেচ স্তাম্প অমসুং শেনয়েক হাংদোক্কনি

নুঙগীৱারোল

ওল ইন্দিয়া রেদিওগী মমিং লৈরবা থৌরম, প্রধান মন্ত্রীগী মন কি বাতগী অহানবা ইপিসোদ  ওক্তোবর ৩,২০১৪দগী শন্দোকপা হৌখি। এপ্রিল ২০১৫দগী থা অমগী অরোইবা নোংমাইজিং খুদিংগী মন কি বাত শন্দোকখি অমসুং ইকোন কোনবা ৯৯শুবা ইপিসোদ মার্চ ২৬,২০২৩দা শন্দোকখ্রে। থৌরম অসি দুরদর্সন্না ভিজুএল ওইনা মসিগী নেতৱার্ক শীনবা থুংনা শন্দোকখি। মসি দুরদর্সন্দা সাইন লেঙ্গোইজ ওইনসু শন্দোকখি। লাক্লিবা এপ্রিল ৩০,২০২৩দা মন কি বাতকী ১০০শুবা ইপিসোদ শন্দোক্কনি।

মন কি বাতকী অহানবা ইপিসোদ মিনিত ১৪গী মতম ওইখি, মতুংদা অনিশুবা ইপিসোদ মিনিত ১৯দা হেনগৎখি অমসুং অহুমসুবা ইপিসোদ মিনিত ২৬তা হেনগৎখি। ৪সুবা ইপিসোদতগী ইপিসোদ অমগী মতম মিনিত ৩০ ওইবা হৌখি।

অহানবদা থৌরম অসি হিন্দী লোল খক্তদা শন্দোকপা হৌখি, মতুং তারকদপা জনুৱারি ৩১,২০১৬দগী ইংলিস ভর্জন্দা শন্দোকপা হৌখি অমসুং মে ২৮,২০১৭দগী সংস্কৃত লোলদা শন্দোকপা হৌখি। হৌজিক মন কি বাত ভারতকী লোল ২২ অমসুং ইংলিস য়াওনা লোল ২৩, দাইলেক্ত ২৯(অৱাং-নোংপোক্কী ২৫ অমসুং ছতিসগরগী ৪) অমসুং মপান লৈবাকশিংগী লোল ১১দা শন্দোক্লি। ভারতকী  লোলশিং অদুদি হিন্দী, সংস্কৃত, পঞ্চাবী, তামিল, তেলুগু, কন্নর, মরাথি, গুজরাতি, মালায়ালম, ওরিয়া, কোনকানি, নেপালি, কাস্মিরি, দোগ্রি, মনিপুরি, মাইথিলি, বেঙ্গালি, অসামিজ, বোরো, সন্থালি, উর্দু, সিন্ধিনি। দাইলেক্তশিংগী মনুংদা ছতিসগরহি, গোন্দি, হালবী, সারগুজিয়া, পহারি, শিনা, গোজরি, বালতি, লাদাখী, কার্বি, খাসি, জেন্তিয়া, গারো, নাগামিস, মার, পাইতে, থাদৌ, কবুই, মাও, তাঙ্খুল, নিসি, অদি, মোনপা, অও, অঙ্গামি, কোকবোরো, মিজো, লেপচা, সিক্কিমিস(ভুতিয়া) য়াওরি। মপান লৈবাক্কী লোল অদুদি ফ্রেঞ্চ, চাইনিস, ইন্দোনেসিয়ান, তিবেতান, বর্মিজ, বালুচি, অরাবিক, পাসতু, পর্সিয়ান, দারি অমসুং শ্বাহিলিনি ।

মন কি বাত থৌরমদা প্রধান মন্ত্রীনা লনাই মীওই ৭০০ অমসুং লুপ ৩০০ রোমগী মমিং পনখি। হায়রিবা মীওইশিং অদুগী মনুংদা মপান লৈবাকশিংগী লনাই মীওই ৩৭ অমসুং লুপ ১০ য়াওখি।

দিশেম্বর ২১,২০১৪দা ওল ইন্দিয়া রেদিওনা মন কি বাতকী মতুং তারকপা থৌরম ‘পোস্ত বোক্স ১১১’ হৌদোকখি। অরাপ্পা মফমশিংদা লৈবা মীওইশিংনা শন্দোক্কদৌরিবা ইপিসোদশিংদা মখোয়গী পাউতাকশিং অমসুং ৱাখলোলশিং শরুক য়াবা ঙম্নবা তোল ফ্রি নম্বর (1800-11-7800) অমা হৌদোক্লে।

*****