بھارت کے وزیر اعظم آکاشوانی پر ’’من کی بات‘‘ پروگرام کے ذریعے ملک کے عوام سے خطاب کرتے ہیں تاکہ موجودہ مسائل پر شہریوں کے ساتھ بات چیت کی جا سکے ۔ یہ پروگرام 03 اکتوبر 2014 کو شروع کیا گیا تھا، اور تب سے اب تک اس پروگرام کی 26 مارچ 2023 تک مجموعی طور پر 99 قسطیں نشر کی گئی  ہیں۔  زرعی معاملات کا بھی کئی قسطوں میں تبصرہ کیا گیا ہے تاکہ کاشتکار برادری اور دیگرمتعلقہ فریق زرعی شعبے کو فروغ دے سکیں اور اس کے لیے انکی حوصلہ افزائی کی جا سکے اور انہیں ترغیب دی جا سکے۔ تیل کے بیجوں اور دالوں پر اختراعات اور ترقی؛ لیب سے زمین تک ٹیکنالوجی کی منتقلی؛ موسم کو برداشت کرنے والی زراعت؛ نامیاتی کاشتکاری؛ مربوط کاشت کاری کا نظام ؛ قدرتی وسائل کا تحفظ؛ شہد کی مکھیاں پالنا باجرا کی پیداوار اور کھپت؛ زراعت وغیرہ میں ڈرون کا استعمال کسانوں اور دیگر متعلقہ فریقوں کے درمیان اثر و رسوخ کے موضوعات پرانڈین کونسل آف ایگریکلچرل ریسرچ (آئی سی اے آر)، نئی دہلی اور نیشنل انسٹی ٹیوٹ آف ایگریکلچرل ایکسٹینشن مینجمنٹ (مینیج)، حیدرآباد نے ایک مطالعہ کیا*۔

ان مطالعات سے حاصل ہونے والے نتائج سے یہ بات سامنے آئی کہ قدرتی کاشتکاری، قدرتی وسائل کا تحفظ، اور مربوط کاشت کاری کے نظام کو اپنانے کی خواہش چھوٹے کسانوں کے سب سے زیادہ ترجیحی موضوعات تھے جنہیں من کی بات کے اس قسط میں شامل کیا گیا تھا۔ من کی بات کو زراعت اور کاروباری ترقی کے لیے تحریک اور بڑے پیمانے پر بیداری کا ایک معتبر ذریعہ سمجھا جاتا  ہے۔ باجرے کے کاشتکاروں کے ساتھ ایک اور جائزے سے یہ بات سامنے آئی ہے کہ کرشی وگیان کیندر کے پیشہ ور افراد کی طرف سے من کی بات  اور اس کے بعد کی سرگرمیوں کے ذریعے جو پیغام پہنچایا گیا ہے اس نے جوار کی بہتر اقسام اور پیداواری نظام کو اپنانے کے عمل کے بارے میں کسانوں کے تاثرات کو مستحکم کیا گیا ہے، اور اس کے لیے سازگار ماحول پیدا کیا گیا ہے۔ اس کے علاوہ من کی بات پروگرام میں زرعی اسٹارٹ اپس کو کسانوں کو فائدہ پہنچانے والے اختراعی حل پر توجہ مرکوز کرنے کی ترغیب دی گئی۔ ڈیجیٹل ٹیکنالوجی، جسے من کی بات کی اس قسط میں نمایاں کیا گیا ہے، زرعی ٹیکنالوجی کو اپنانے کے میدان میں موبائل پر مبنی ایگرو ایڈوائزری سروسز کے استعمال کے بارے میں کسانوں کی بیداری اور علم میں اضافے پر نمایاں اثر ڈالتی ہے۔ پیداوار میں اضافہ؛ اور مارکیٹ کی معلومات فراہم کرنا۔ اسی طرح، من کی بات میں زرعی ڈرون پر کیے گئے مطالعے سے اشارہ  ملا ہے کہ مطالعہ کرنے والے زیادہ تر کسانوں نے (سازگار رویہ کے ساتھ) ڈرون کو زرعی کاموں کے لیے مفید ٹیکنالوجی سمجھا ہے۔ تاہم ان میں سے  اچھی خاصی تعداد میں کسانوں نے اس ٹکنالوجی کو سمجھنے میں پیچیدگی  میں  تشویش کا اظہار  کیا ہے۔

من کی بات زرعی کاروبار کو آسان بنانے، زیادہ قیمت والی فصلوں کے لیے بنیادی سامان کی  آسانی سے دستیابی، اور اجتماعی کارروائی سے کسانوں کی کاشت کی لاگت (25-20 فیصد) کو کم کرنے کے لیے کسانوں کی پیداوار کرنے والی تنظیموں (ایف پی اوز) پر ایک سازگار ماحول بھی پیدا کر سکتا ہے۔  ایف پی او کاشتکاروں نے رائے دی کہ من کی بات ایپی سوڈز کے ساتھ، وہ زرعی کاروبار کو فروغ دینے والی حکومت ہند کی مختلف پالیسیوں اور اسکیموں سے بھی واقف ہو۔ شہد کی مکھیاں پالنے کے مطالعے سے پتہ چلتا ہے کہ من کی بات پروگرام کے بعد اس شعبے کے  موجودہ وسائل کو متحرک کیا گیا ہے۔ شہد کی مکھیاں پالنے والے، ادارہ جاتی علم اور وسائل کی بہتر نمائش کے ساتھ، انفرادی ایک (92,947 روپے) کے مقابلے میں گروپ (1,28,328 روپے فی 50 شہد کی مکھیوں کے چھتے) میں بہتر منافع کماتے پائے گئے۔ تاہم، 'کیڑے مار ادویات کے بقایا مسائل' اور 'مناسب ذخیرہ کرنے کی سہولت کا فقدان' شہد کی مکھیوں کے پالنے والوں کو درپیش کچھ بڑی رکاوٹیں تھیں۔ کسان ریل کا پیغام، کسانوں کو یہ خدمات حاصل کرنے کے لیے متحرک بھی کر سکتا ہے۔ کسان ریل، کسانوں کو ان کی تباہ ہونے والی زرعی پیداوار کو کم وقت میں منتقل کرنے میں سہولت فراہم کر سکتی ہے جو بچولیوں کی کم مداخلت کے ساتھ ان کے زیادہ خالص منافع کو حاصل کرنے میں مدد کر سکتی ہے۔ اس کے علاوہ ، من کی بات کے اقساط کو نامیاتی/قدرتی کاشتکاری کے تئیں بیداری اور مثبت رویہ پیدا کرنے میں بھی کامیاب ہونا سیکھا گیا ہے۔ کسانوں نے مشورہ دیا کہ اگر مستقبل میں کسی خاص مسئلے پر من کی بات پیغامات کو موسمی سرگرمیوں کے ساتھ ہم آہنگ کیا جا سکتا ہے، تو یہ کسانوں کو آگاہ کرنے میں مزید موثر ثابت ہو سکتا ہے۔ لہذا، ہم نے سیکھا کہ من کی بات نے پروگرام میں کسانوں کو مختلف زرعی مسائل پر متاثر کرنے اور ان سے آگاہ کرنے میں اہم کردار ادا کیا۔

*نوٹ: یہ مطالعات انڈین جرنل آف ایگریکلچرل سائنسز،انڈین جرنل آف ایکسٹینشن ایجوکیشن[2023، 59 (3):1-6) سے شائع اور آن لائن دستیاب ہیں۔ 2023، 59(3):8-13)]؛ جرنل آف کمیونٹی موبلائزیشن اینڈ سسٹین ایبل ڈیولپمنٹ [2023, 18(1): 315-327; 2023، 18(1): 79-88]اور جرنل آف ایگریکلچرل ایکسٹینشن مینجمنٹ [2023، XXIV (1): 1-21؛ 2023، XXIV نمبر (1):51-83

۔۔۔۔

ش ح۔ا س۔  ت ح ۔                                              

U–4431