য়ুথ এফেয়ার্স অমসুং স্পোর্তসকী য়ুনিয়ন মিনিস্তর শ্রী অনুরাগ থাকুরনা লুচিংদুনা এপ্রিল ২৪-এপ্রিল ২৫,২০২৩দা মনিপুরদা রাজ্যশিং অমসুং য়ু.তিশিংগী য়ুথ এফেয়ার্স অমসুং স্পোর্তস মিনিস্তরশিংগী ‘চিন্তন সিবির’ পাংথোক্কনি।

নুমিৎ নিনিগী চিন্তন সিবির অদুদা রাজ্যশিং, য়ু.তিশিং অমসুং য়ুথ এফেয়ার্স মিনিস্ত্রিগী দেলিগেদ ১০০ হেন্না শরুক য়াগনি অমসুং লৈবাক অসি হেন্না মশা-মউ ফনবা অমসুং মালেমদা ভারত শান্ন-খোৎনবগী লমদা মাংজিল থাবা লৈবাক অমা ওইনবা মখোয়গী ৱাখল্লোনশিং অমসুং অনৌবা ৱাখলশিং পুথোক্তুনা খন্নগনি। নহারোলশিং তোঙান-তোঙানবা লৈবাক শেমগৎনবা থবকশিং শরুক য়াহন্দুনা মীওই অমা শেমগৎনবা অমসুং লৈবাক শেমগৎনবা পান্দমদা থবক পায়খৎনবা খন্ন-নৈনগনি।

হৌখিবা চহি ২০২২গী জুন থাদা গুজরাতকী কেবারিয়াদা য়ুনিয়ন মিনিস্তর শ্রী অনুরাগ থাকুরনা লুচিংদুনা য়ুথ এফেয়ার্স অমসুং স্পোর্তস মিনিস্তরশিংগী নুমিৎ নিনিগী মীফম অমা পাংথোকখি। হায়রিবা মীফম অদুদা, কমদৌনা শান্ন-খোৎনবা চাউখৎহনগনি হায়বগী মতাংদা পাম্বৈশিং অমসুং থৌরাংশিং রাজ্যশিং অমসুং য়ু.তিশিংনা খন্নখি।

****