نوجوانوں کے امور اور کھیلوں کے مرکزی وزیر جناب انوراگ سنگھ ٹھاکر 24-25 اپریل کو امپھال، منی پور میں ریاستوں اور مرکز کے زیر انتظام علاقوں کے نوجوانوں کے امور اور کھیلوں کے وزراء کے 2 روزہ’چنتن شیور‘  کی صدارت کریں گے۔

توقع ہے کہ مختلف ریاستوں، مرکز کے زیر انتظام علاقوں اور نوجوانوں کے امور کی وزارت کے 100 سے زیادہ مدعوین اس منفرد دو روزہ چنتن شیور میں شرکت کریں گے اور ملک کو فٹ بنانے اور ہندوستان کو دنیا میں کھیلوں کی سب سے بڑی طاقتوں میں سے ایک بنانے پر اپنے خیالات اور رائے پیش کریں گے۔  شخصیت سازی اور ملک کی تعمیر کے مقاصد کے لیے کام کرنے کی غرض سے بھی بات چیت ہوگی، یعنی نوجوانوں کو مختلف ملک کی تعمیری سرگرمیوں میں شامل کرکے ان کی شخصیت کی نشوونما کی جائے گی۔

پچھلے سال جون 2022 میں، مرکزی وزیر جناب انوراگ سنگھ ٹھاکر نے گجرات کے کیوڑیا میں ریاستوں اور مرکز کے زیر انتظام علاقوں کے نوجوانوں کے امور اور کھیلوں کے وزراء کی دو روزہ قومی کانفرنس کی صدارت کی تھی۔  اجلاس کے دوران، ریاستوں اور مرکز کے زیر انتظام علاقوں نے کھیلوں کو آگے لے جانے کے طریقوں اور منصوبوں پر تبادلہ خیال کیا تھا۔

************

ش ح ۔ ف ا  ۔  م  ص

 (U: 4394)